Dagblaðið Vísir - DV - 03.03.2000, Síða 5

5
FÖSTUDAGUR 3. MARS 2000
30 V Fréttir
íslendingur einn aöalstjórnenda 230 milljarða gosdrykkjasamsteypu Coca-Cola
Ein kókflaska á viku
- er dagskammturinn í Rúmeníu hvar Bæring Ólafsson stýrir átta verksmiðjum
„Hver Rúmeni drekkur í dag á
bilinu 50 til 60 kóflöskur á ári.
Þetta er mjög indælt fólk og sam-
vinnuþýtt og mjög auðvelt að
þjálfa það og hvetja,“ segir Bæring
Ólafsson, nýbakaður fram-
kvæmdastjóri Coca-Cola Bevera-
ges í Rúmeníu og yfirmaður 3500
þarlendra starfsmanna. Bæring er
þar með orðinn einn af höfuð-
stjórnendum Coca-Cola í Evrópu.
Coca Cola Beverages (CCB) á og
Konungur kóksins í Rúmeníu.
Bæring Ólafsson: „ Viö erum á tíunda
árinu núna og neyslan vex stööugt. “
rekur átta verksmiðjur í Rúmeníu
og nemur velta þeirra samtals um
sex milljörðum króna og hefur far-
ið stöðugt vaxandi frá því fyrh-
tækið hóf starfsemi í Rúmeníu
árið 1991. „Þetta fór í gang eftir
byltinguna.
Við erum á tíunda árinu núna
og neyslan vex stöðugt,“ segir
Bæring, en hans sögn framleiðir
CCB i Rúmeníu nærri fimmtánfalt
meira af drykkjum Coca-Cola en
gert er á íslandi. Hver Rúmeni
drekkur að meðaltali eina kók-
flösku á viku en hún kostar sem
svarar til 14 íslenskra króna og
þykir það nokkuð dýrt í Rúmeníu
þar sem algeng mánaðarlaun eru
innan við sex þúsund krónur.
„Þetta er tiltölulega dýrt á þeirra
mælikvarða enda eru tekjur hér
miklu minni en víðast annars
staðar í Evrópu," segir Bæring í
símann frá Búkarest.
Áralangt í Hong Kong
og Indlandi
Coca Cola á 51% i CCB en ýmsir
alþjóðlegir fjárfestar afganginn.
Fyrirtækið rekur verksmiðjur í tólf
löndum auk Rúmeníu en verið er
að ganga frá samruna móðurfyrir-
tækisins við gosdrykkjarisann
Hellenic Bottling, sem hefur höfuð-
stöðvar i Grikklandi. Nýja fyrir-
tækið er metið á um 230 milljarða
króna og er, að sögn Bærings,
næststærsta gosdrykkjasamsteypa
heims, mun starfa að framleiðslu
Verð frá kr 2.990,-
gosdrykkja frá Coca-Cola í 23 lönd-
um, undir nafninu Coca-Cola
Hellenic Bottling Company.
Þræðir Coca Cola og Bærings
hafa legið saman í fimmtán ár.
Hann var sölustjóri hjá Vifilfelli
frá 1986 til 1992 en þá fluttist hann
til Atlanta í Bandaríkjunum þar
sem hann var í hálft annað ár líkt
og í Hong Kong þar sem hann bar
næst niður. Eftir þá dvöl lagði Bær-
ing leið sína til Indlands þar sem
hann rak 16 gosverksmiðjur í suð-
urhluta landsins í þrjú og hálft ár.
Þá fór hann til höfuðstöðva CCB í
Vín í Austurríki í sex mánuði áður
en flutti sig til Rúmeníu í síðustu
viku.
HÚSASMIÐJAN
Sími 525 3000 • www.husa.is
Ekki um annað að ræða
Bæring segir ástand mála í Rúm-
eníu vera tiltölulega gott þótt menn
glími við erfiðleika í efnahagslífi.
Hann segir Rúmena sækjast eftir
aðild að Evrópusambandinu og að í
því skyni sé nú unnið markvisst að
bættri stöðu efnahagsmála, m.a.
með því að ná tökum á miklu geng-
issigi gjaldmiðilsins og hárri verð-
bólgu, en hún var t.d. 150% á árinu
1997. „Það eru góðar vonir um það
takist að ná verðbólgunni undir
a.m.k.10% eftir tvö til þrjú ár,“ seg-
h hann en óstöðugleikinn hefur
haft sín áhrif á Coca Cola Bevera-
ges.
„Það gekk illa í fyrra en landið
skilað fyrirtækinu töluvert góðum
hagnaði fram að þeim tíma og þó
staðan sé enn erfið vonumst við til
að snúa dæminu aftur til betri veg-
ar í ár,“ segir Bæring.
Bæring er tvíkvæntur og á fimm
börn og munu tvö þau yngstu
ásamt móður sinni flytjast til
Búkarest þegar skólum lýkur í
Austurríki í sumarbyrjun en eldri
börnin búa heima á Islandi.
“Þetta leggst ágætlega í fjölskyld-
una enda verður þetta bara að vera
svona, það er ekki um annað að
ræða,“ segir Bæring sem er þessa
dagana að leita sér að húsi i
Búkarest.
-GAR
(JTSOLULOK!
Opiö
Föstudag 9-18.30
Laugardag 10-17
10% aukaafsláttur af útsöluverði
Allt að 70%
afsláttur
SPAR SPORT
TOPPMERKI A LAGMARKSVERÐI
Vs-
511 4747