Dagblaðið Vísir - DV - 19.10.2000, Blaðsíða 11

FIMMTUDAGUR 19. OKTÓBER 2000
I>V
11
Hagsýni
Kolbrún Hafsteinsdóttir eldar fyrir fjölskyldu sína og starfsmenn Landssteina:
Veisla úr fiskafgöngum
Kolbrún Hafstelnsdóttir er mjög hugmyndarík þegar kemur aö matargerö.
Hún gefur lesendum uppskrift aö rétti sem sem hún fékk frá mömmu sinni
og ömmu. Mynd Jón Svavarsson
Kolbrún Hafsteinsdóttir er mikið
fyrir að búa til góðan mat og eldar
daglega ofan i starfsmenn Land-
steina. Hún er mjög hugmyndarík
og gerir oft góða rétti úr þvi hráefni
sem til er á heimilinu. Hún féllst á
að segja lesendum DV frá því hvem-
ig hún fer að.
„Ég á þrjú börn og maka en heim-
ilishaldið hefur orðið minna um-
leikis eftir að börnin urðu eldri. Ég
reyni alltaf að vera svolítið hagsýn
þó tímamir hafi breyst og ég þurfi
ekki að velta hverri krónu fyrir
mér. Hér áður fyrr var ég dugleg að
nýta mér það sem til var á heimil-
inu og gera úr því máltíð. Það er
bara hugmyndaflugið sem ræður
þegar nota á það sem til er í ís-
skápnum. Til dæmis að búa til
grænmetisbökur þegar til er græn-
meti sem þarf að nýta fljótlega svo
það skemmist ekki. Það er hægt að
gera hvað sem er og aðalmálið er að
vera ekki hræddur við að prófa sig
áfram. Ef það misheppnast þá er
það allt í lagi, maður byrjar bara
aftur.
Miklu máli skiptir að auðvelt og
fljótlegt sé að elda matinn því fáir
hafa tíma til að malla allan daginn.
En þegar ég var heimavinnandi
undi ég mér vel í eldhúsinu og
eyddi oft miklum tíma þar, bæði við
bakstur og eldamennsku. Mér fmnst
mjög gaman að vera i eldhúsinu en
það þykir öllum mjög afbrigðilegt,
þannig að ég hef ekki hátt um það.
Ég væri til í að vera allan daginn að
dunda mér þar ef einhver annar
gerði önnur verk fyrir mig.
Sojakjötshakk meö venju-
legu hakki
Þegar ég elda mat sem tekur tíma
þá elda ég tvöfalda uppskrift og
hendi síðan annarri i frystinn.
Einnig hef ég stundum notað laug-
ardagana til að elda rétti sem ég
geymi. Ef ég bý til fiskibollur þá
geri ég allt upp í átta skammta sem
ég síðan frysti og hef við höndina .
Hið sama geri ég þegar ég elda
lasagna en er þó ekki eins stórtæk.
Til að spara við lasagnagerðina nota
ég oft sojakjötshakk til hálfs við
venjulegt kjöthakk. Reyndar geri ég
þetta við alla rétti sem búnir eru til
úr hakki. Mér firmst langbest að
undirbúa sojahakkið daginn áður
en það er notað, til að leyfa krydd-
inu og sósunum að síast inn í það.
Fyrst er það lagt í bleyti í kalt vatn
og látið bíða þar til það er orðið vel
mjúkt. Því næst er allt vatnið sigtað
frá. Hakkið steiki ég siðan með
maukaðri papriku, lauk og kryddi
og blanda því saman við hitt hakk-
ið. Ég nota mikið grænmetis- og
súputeninga til að krydda með. Þá
finnur enginn neinn mun. Þetta
kemur mjög vel út en gæta þarf þess
að mun meira þarf að krydda soja-
hakkið en venjulegt hakk. Soja-
hakkið er mjög ódýrt og drjúgt, ekki
þarf nema 1-2 dl þar sem það tvö-
faldar sig eða meira við að liggja í
bleyti.
Umhverfisvænar bleiur
Hagkaup hefur haflð sölu á Naty
Boy&Girl bleium sem framleiddar
eru i Svíþjóð. Þær eru umhverfis-
vænar og stimplaðar með „BRA
MILJÖVAL" sem er merki sænsku
náttúruverndarsamtakanna.
Bleiumar eru sérstakar að því
leyti að þær eru gerðar úr maís-
sterkju og ekkert plast er í þeim.
Þar sem maíssterkjan er náttúr-
legt, niðurbrjótanlegt efni, þá anda
þær og loft leikur því auðveldlega
um barnið. Bleian er 70% niður-
brjótanleg og því munar mikið um
plássið sem sparast á urðunarstað.
Hún er að öðru leyti eins og aðrar,
hefðbundnar bleiur, með frönsk-
um rennilás og þægileg í notkun.
Uppskrift frá mömmu og
ömmu
Ég kann ekki að vinna með upp-
skriftir, ég bý réttina til jafnóðum
og ég elda þá. Þar sem þessi pistill
fjallar um hagsýna húsmóður ætla
ég að koma með tillögu að því
hvernig afgangurinn af fiskinum frá
í gær er nýttur. Þetta er aðferð frá
mömmu og ömmu.
Soðnir fiskafgangar eru brytjaðir
mjög smátt og settir í skál ásamt um
1-2 msk. af hveiti fyrir hvern fisk-
bita. Sé lítiil afgangur af fiskinum
má setja meira hveiti. Blandan á að
vera eins þykk og jólakökudeig.
Saxið niður lauk, eins og þegar búið
er til fiskfars og blandið saman við.
Laukurinn er lykilatriði og honum
má ekki sleppa. Auk þess þarf í
þennan rétt 1 pískað egg, smámjólk
og um tsk. af lyftidufti. Kryddið með
aromat, smá svörtum pipar og Her-
bamare jurtasalti. Smyrjið bökunar-
form og setjið rasp í það. Því næst
er deigið eða fiskblandan sett í
formið og raspi stráð yfir. Þetta er
síðan sett í ofn og bakað þar til það
er heitt í gegn eða um hálftíma eða
meira. Ekki er verra þó það sé mik-
ið bakað.
Með þessu er borið fram kartöflu-
salat sem gjarnan er búið til úr af-
gangskartöflum sem soðnar voru
með flskinum daginn áður. Svo er
alveg nauðsynlegt að hafa hrásalat
með þessu. Strákamir mínir settu
oft feiti út á þennan rétt en mér
flnnst betra að hafa remolaði eða
einhverja aðra góða sósu með. Til
dæmis nota ég stundum „Sandwitch
spread“ með, eitt sér eða hrært út í
sýrðan rjóma. Salsa eða eitthvað
heimatilbúið mauk er líka alveg til-
valið. Ég hef til dæmis skorið
tómata og rauðlauk smátt niður og
kryddað með svörtum pipar og kóri-
ander. Hér skiptir máli að láta hug-
myndaflugið ráða og búa til meðlæti
úr einhverju sem manni þykir gott.
Ef það heppnast ekki þá gerir mað-
ur bara öðruvísi næst. Þessi réttur
er mjög þægilegur að því leyti að
það tekur mjög stuttan tíma að búa
hann til og hægt er að gera eitthvað
annað á meðan fiskurinn bakast í
ofninum."
-ÓSB
Sími 525 3000 • www.husa.is
Bretta-
fatnaður
14.995 kr.
Úlpa með flísfóðri
12.695 kr.
Brettabuxur m/ axlarb.
2.995 kr.
Flíspeysa hálfrend
HÚSASMIÐJAN
ÞAÐ ER KOMIN NÝ LÍIUA !
Verslanir Lyfju bjóða upp á nýja og fjölbreytta linu af algengustu vítamínum og steinefnum. Lyfjafræðingar Lyfju hafa tekið virkan þátt í gerð samsetninga.
■tþ
LYFJA
-tryggir gæðin
Útsölustaðir: verslanir Lyfju,
einnig Árnes, Egilstaða og Húsavíkurapótek