Dagblaðið Vísir - DV - 21.03.2001, Blaðsíða 12

12
MIÐVIKUDAGUR 21. MARS 2001
Skoðun
Spurning dagsins
Fylgist þú með Formúlunni?
Friörik Róbertsson:
Voöa lítiö, lítill tími en vantar
ekki áhugann.
Eva Dröfn Sævarsdóttir nemi:
Já, spennandi, ég tala nú ekki um
þegar Schumacher vinnur.
Guörún Árnadóttir nemi:
Nei, hún er leiöinleg, bílar vekja
ekki áhuga minn.
Skúli Ármannsson nemi:
Nei, fáránleg íþrótt.
Fanný Guöbjartsdóttir nemi:
Nei, ég skil ekki fólk sem nennir aö
horfa á bíla keyra hring eftir hring.
Helgi Torfason nemi:
Já, og þaö er alltaf aö aukast, þetta
er spennandi keppni.
físfanaiíi
Aöalstöövar UA
Heföi ÚA þurt aö borga sama verö og fiskvinnsla án kvóta borgar fyrir hráefniö væri tapiö 2,6 milljaröar.
Óskapnaður í sjávarútvegi
Kristinn Arnberg
skrifar:
Fiskvinnsla sem á engan kvóta
kaupir allan fisk á markaði á 200
krónur kílóið en stendur þó undir
sér í samkeppninni við þá sem eiga
kvótann og borga sjómönnum 60 til
100 kr. á kíló upp úr sjó.
í grein minni hér í DV hinn 1.
mars sl. vitnaði ég í ummæli Guð-
brands Sigurðssonar, forstjóra Út-
gerðarfélags Akureyrar, og því er
best að nota það fyrirtæki til að
skoða fyrirtækin sem fengu kvót-
ann á silfurfati. ÚA á 18,000
þorskígildi og tapaði 800 milljónum
á síðasta ári. Hvað skyldi tapið vera
mikið ef við skoðum alla hlutina í
réttu ljósi. Kvóti ÚA er að verðmæti
upp úr sjó, miöað við 100 kr. á kíló,
1,8 milljarður. Ef ÚA hefði þurt að
borga sama verð og fiskvinnsla án
kvóta borgar fyrir hráefnið þá væri
tapið 2,6 milljarðar.
Guðbrandur lýsti því yfir að upp-
gjör stóru fyrirtækjanna i sjávarút-
vegi yrði á svipuðum nótum og hjá
þeim. Er ekki kominn tími til að
„Það kemur að því að þing- ■
menn og ríkistjóm vakna af
þymirósusvefni og ákveða
að hefja hvalveiðar. Hver á
þá hvalveiðikvótann? Hval-
ur hf. eða Norðmenn og
Fransmenn sem veiddu
hvalinn við íslandsstrendur
hér á ámm áður?“
skipta um menn í brúnni? Ég var
vitni að því að stórfyrirtæki í sjáv-
arútvegi keypti 100 tonn af karfa á
markaði á kr. 160 kílóið en verð á
karfa er venjulega um 35 til 70 kr. á
kíló. Maðurinn sem keypti, starfs-
maður fyrirtækisins, var spurður af
hverju hann keypti karfann svona
dýrt. Hann svaraði: „Okkur bráð-
vantaði karfa. Þetta er ekkert mál,
við setjum bara 100 tonn af þorski
inn á leigumarkað kvótaþings og
setum verðið á 110 kr. kílóið, þá
erum við búnir að laga þetta.“
Rekstrargrundvöllur og hagræðing
eru orð sem eru mikið notuð hjá yf-
irmönnum stórfyrirtækjanna.
Kvótaleiga er orðin stór þáttur í
rekstri þessara fyrirtækja (lögbund-
ið þrælahald). Nú hefur öllum sjó-
mönnum á skipum yfir 12 tonnum
verið stefnt í verkfaÚ af stórútgerð-
inni innan LÍÚ. Ég skora á menn í
bátaflotanum (svonefnda týnda flot-
anum frá 12 upp í 100 tonn) að
standa saman og fara fram á sér-
samninga fyrir týnda flqtann. Hann
á enga samleið innan LÍÚ lengur.
Lag hefði verið fyrir Framsókn-
arflokkinn á flokksþinginu að
stuðla að breytingum á fiskveiði-
stjómunarkerfinu. En flokkurinn
smíðaði þennan óskapnað í húsa-
kynnum LlÚ. Það kemur að því að
þingmenn og ríkistjórn vakna af
þyrnirósusvefni og ákveða að hefja
hvalveiðar. Hver á þá hvalveiði-
kvótann? Hvalur hf. eða Norðmenn
og Fransmenn sem veiddu hvalinn
við íslandsstrendur hér á árum
áður? Verður Hvalur hf. þá leigu-
liði hjá Norðmönnum og Frans-
mönnum?
Forystukreppa í stjórnmálaflokki?
„Vandamálin ogforystu-
kreppan í Reykjavík er aug-
Ijóslega hjá R-listanum. Þar
er enginn nefndur til að
skipa leiðtogahlutverk ann-
ar en Ingibjörg Sólrún. “
Jón Þ. Jónsson
skrifar:
Öll umræðan sem verið hefur um
hver verði leiðtogi Sjálfstæðis-
flokksins í næstu borgarstjórnar-
kosningum er hin undarlegasta.
Ingibjörg Sólrún og hennar fylgdar-
lið, hvar sem það er að finna í þjóð-
félaginu, hefur farið mikinn um að
Sjálfstæðisflokkurinn sé í leiðtoga-
kreppu. Þau reikna málið þannig út
að ef flokkur eins og Sjálfstæðis-
flokkurinn hefur á að skipa miklum
fjölda af hæfu fólki sem fært er að
takast á hendur leiðtogahlutverk í
flokknum og kemur þess vegna eðli-
lega inn í þá umræðu þá sé um for-
ystukreppu að ræða! - Hvemig má
það vera?
Það sýnir aðeins að flokkurinn er
ákaflega breiður og sterkur og sú
manneskja sem mun leiða listann
mun hafa sérlega sterkan hóp á bak
við sig.
Margir hafa verið I umræðunni
sem hugsanlegir forystumenn sjálf-
stæðismanna í Reykjavík, allir mjög
hæfir. Helst hafa verið nefnd: Inga
Jóna, sem er leiðtogi hópsins, Guð-
laugur Þór, Björn Bjamason, Júlíus
Vífill, Vilhjálmur Þ., Eyþór Arn-
alds, ásamt nokkrum öðrum.
Hvaða forystukreppa er þetta? -
Nóg af hæfu fólki að velja úr og sem
mun skipa öflugan lista. Vandamál-
in og forystukreppan í Reykjavík er
augljóslega hjá R-listanum. Þar er
enginn nefndur til að skipa leiðtoga-
hlutverk annar en Ingibjörg Sólrún.
Engan annan er svo mikið sem
hægt að nefna. Auðvitað endur-
speglar þetta mikinn veikleika list-
ans. Mannval hans er ekki neitt og
Reykvíkingar hafa verið að borga
fyrir það undanfarin ár í formi ört
hækkandi skatta í borginni og
óstjórnar.
Guðni frá Hlíðarenda
Frændi Garra er framsóknarmaður. Hann er
grænn í gegn. Þegar talað er um græna fram-
sóknarfingur þá glottir frændi og brettir upp
ermarnar - hann er með græna upphandleggi og
það grær snarrótarpuntur í handarkrikunum.
Fyrir þá sem ekki vita þá er snarrótarpuntur há-
vaxin stinn grasþúfa.
Framsóknarflokkurinn fæddist í Þingeyjar-
sýslu en eins og allir vita eru Þingeyingar lág-
vaxnir og telja margir þeirra að snarrótarpuntur
sé trjátegund.
Skoðanagalleríið
Frændi Garra vill reyndar ekki láta nafns síns
getið en viö skulum bara kalla hann Hallgrím.
Og Hallgrimur þessi hefur frá barnæsku fylgt
Framsóknarflokknum að málum. Tíminn sem
hefur liðið frá barnæsku hans er reyndar ekki
ýkja langur - hann er bara um þrítugt þessi
maður - þessi Hallgrímur. Steingrimur var hans
maður og er það enn. Hallgrímur heillaðist af
rauðhærða skíðamanninum að vestan strax um
sjö ára aldur og sór þess dýran eið að fylgja hon-
um að málum það sem eftir lifði. Og eins og allir
vita þarf mikla djörfung til þess að fylgja Stein-
grími. Hallgrímur hefur þurft að endurnýja skoð-
anagallerí sitt reglulega til að fylgja foringjanum
eftir í endalausri leit sinni að hinum eina sann-
leik.
Steingrímur settist að í Seðlabankanum og
skildi Hallgrím eftir í faðmi Halldórs Ásgríms-
sonar úr Hornafirðinum. Það var nokkuð
hrjóstrugra í þeim faðmi en á rauðhærðri bringu
Steingríms en Hallgrímur lét sig hafa það. Hann
vildi vera framsóknarmaður og hélt fast í fagur-
grænar lífsskoðanir sínar. Hallgrímur hefur
hvergi hvikað í framsóknarmennsku sinni þrátt
fyrir að málflutningur hans hafi í partíum ekki
þótt nútímalegur. Ungir framsóknarmenn eru
nefnilega jafnsjaldgæfir og snarrótarpuntur.
Punturinn er óvinsæll og þvi rifinn upp með rót-
um til að valda ekki usla í annars sléttum ís-
lenskum túnum.
í varaformannsfötum
Eftir að Finnur hvarf niðri í Seðlabanka hefur
Hallgrímur barist við bölsýni og efahyggju. Hvað
ef það verður enginn varaformaður aftur, hugs-
aði Hallgrímur í hvert sinn sem Framsóknar-
flokkinn bar á góma. Nú i febrúar var hins veg-
ar grædd i Hallgrím ný von, ný framtíðarsýn því
upp úr sunnlensku framsóknartúni reis fóstur-
vísir að varamanni. Guðni frá Hlíðarenda hafði
þvælst undir feldi alla sína ráðherratíð en svipti
honum af sér til að sýna aö hann væri í fotum -
í varaformannsfötum.
Og nú gleðst Hallgrímur því Guðni varpar
ljóma sínum á Halldór. Á sunnudagskvöld, þegar
úrslit voru kunngjörð, brast Hallgrímur í grát
með þessar línur á vörum: „Fagur er Halldór svo
að mér hefir hann aldrei jafnfagur sýnst, bleikir
vangar en slegið hár, og mun eg bíða heima og
fara hvergi.“ _
Garri
x>v
I Arnarnesvoginum
Ekki svo flott í dag en veröur
glæsilegt.
Byggð við Arnarnesvog
Hrafnhildur Kristjánsdóttir skrifar:
Ég sá nýlega nýjar tillögur sem
hafa verið lagðar fram um bryggju-
hverfi í Garðabæ á þeim grunni að
hverfið rísi á botni Arnarnesvogs og á
landfyllingu út í voginn. Tillögurnar
eru mjög athyglisverðar og á myndum
sést að verktakarnir hafa tekið mikið
tillit til athugasemda íbúa í næsta ná-
grenni vegna stærðar fyrirhugaðrar
landfyllingar. Ótti manna við landfyll-
inguna er augljóslega ástæðulaus,
enda ekki verið að gera neitt sem ekki
hefur verið gert áður áratugum sam-
an, svo sem í Kaupmannahöfn, Ósló
og Stokkhólmi. Hvernig liti svo
Reykjavík út án landfyllingar -
Örfirisey, Sæbrautin, hafnarsvæðið
o.fl. o.fl. Mér kemur helst á óvart hve
fyrirhuguð landfylling er litil sam-
kvæmt tillögunum. Ég tel einsýnt að
sátt muni ríkja um málið þegar efa-
semdamenn hafa séð og kynnt sér
glæsilega framtíðarsýn í Amarnes-
vogi. - Þetta er nú ekki svo flott í dag.
„Gula kúin verslar inn“
Sigþrúður Gunnarsdðttir skrifar:
Eitt af því sem börnin á mínu heim-
ili vilja síður missa af í sjónvarpinu
eru hinir skrýtnu en sívinsælu Stubb-
ar eða Teletubbies og þó að speki
þeirra sé ekki djúp er boðskapurinn
ljúfur og ekkert upp á Stubbana að
klaga. En i miðjum stubbaþætti síð-
ustu helgar rak eldri kynslóðin á
heimilinu upp stór augu - eða öllu
heldur eyru - þegar sagt var trekk í
trekk að „gula kúin“ hefði gert þetta
eða hitt í stað þess að fara og „versla
inn“ eins og henni var uppálagt að
gera. Kýrin hefur auðvitað verið sár-
móðguð yfir meðferðinni á heiti sínu
og auk þess vitað að maður verslar
ekki inn, maður kaupir hjá kaup-
manninum, sem aftur verslar, t.d.
með matvöru, við neytendur. Kannski
heföi gula kýrin með glöðu geði keypt
í matinn ef ríkissjónvarpið hefði blætt
í yfirlestur á þýðingunni. Má ekki
gera meiri kröfur til sjónvarps allra
landsmanna?
Á Keflavíkurflugvelli
Komu- og brottfarartímar
samræmdir fyrir landshlutana?
Breyttar ferðir
Bjarni Gunnarsson hringdi:
Ég las pistil í lesendadálki frá Sig-
urjóni Guðmundssyni um „brenglað
tímaskyn" varðandi hugsanlegt beint
flug frá landsbyggðinni, eins og t.d.
Vestfjörðum, til Keflavíkurflugvallar
til að komast í utanlandsflug að
morgni. Hann spyr hvort menn viti til
þess að innanlandsflug hefjist svo
snemma dags. Ekki í dag, Sigurjón, en
ef landshlutarnir fá sitt beina flug til
Keflavíkur í tengslum við brottfor ut-
anlandsflugs yrði þeim brottfór ein-
faldlega breytt og vélarnar frá Kefla-
vik færu ekki fyrr en svo sem kl. 9 að
morgni og það yrði til hagsbóta fyrir
alla. Annað eins er nú gert eins og það
að samræma brottfarar- og komutíma
flugvéla, jafnvel þótt þeir tengist Am-
eríkufluginu eitthvað.
IDV Lesendur
Lesendur geta hringt allan sólarhring-
inn í síma: 550 5035.
Eöa sent tölvupóst á netfangiö:
gra@ff.is
Eða sent bréf til: Lesendasíða DV,
Þverholti 11, 105 Reykjavík.
Lesendur eru hvattir til aö senda mynd
af sér til birtingar meö bréfunum á
sama póstfang.