Dagblaðið Vísir - DV - 29.03.2001, Blaðsíða 9
FTMMTUDAGUR 29. MARS 2001
9
I>V
Útlönd
Skriödreki á fartinni
Skríðdreki makedónska hersins ekur
hjá kirkjugarði múslíma í Tetovo.
Lokaatlaga gegn
albönsku skæru-
liðunum í Tetovo
Makedónski stjómarherinn ætlar
að láta kné fylgja kviði í dag og
hrekja albanska uppreisnarmenn
frá síðustu vígjum sinum i hlíðun-
um fyrir ofan borgina Tetovo og
binda þar með enda á mánaðar-
langa uppreisn þeirra.
Her og lögregla héldu uppi mikilli
skothríð á stöðvar skæruliðanna í
gær og beittu skriðdrekum og
sprengjuvörpum. Stjómvöld sögðust
gera sér vonir um að fljótlega tækist
að ganga milli bols og höfuðs á upp-
reisnarmönnum.
Leiðtogar vestrænna ríkja hafa
hvatt slavneska meirihlutann i
Makedóniu til að reyna að draga úr
þeirri gremju sem varð kveikjan að
uppreisn Albananna og jók hættuna
á nýju stríðio á Balkanskaga. •
Bush Bandaríkjaforseti styður ekki Kyoto-bókunina:
Bretar harma af-
stöðu forsetans
Bretar lýstu í morgun þungum
áhyggjum sinum af þeirri ákvörðun
bandarískra stjómvalda að falla frá
Kyoto-bókunni frá 1997 um leiðir til
að draga úr losun gróðurhúsaloft-
tegunda.
„Það er nánast óhugsandi að
Bandaríkin verði ekki með í sam-
komulaginu," sagði Michael
Meacher, umhverfisráðherra Bret-
lands, í viðtali við breska sjónvarp-
ið BBC.
Meacher sagði að hækkandi hita-
stig í heiminum af völdum gróður-
húsaáhrifanna væri hættulegasta
verkefnið sem mannkynið stæði
frammi fyrir næstu eitt hundrað ár-
in og ákvörðun bandarískra stjóm-
valda væri „mjög alvarleg".
Ákvörðun Bandaríkjamanna, sem
tilkynnt var í gær, er mikið áfall
fyrir Evrópuþjóðir sem gerðu sér
vonir um að hægt væri að bjarga
samkomulaginu sem gert var á
loftslagsráðstefnunni í Kyoto í Jap-
an. Ekki er lengra síðan en í síðustu
viku að ráðamenn Evrópusam-
bandsins sögðu að baráttan gegn
gróðurhúsaáhrifunum væri óað-
skiljanlegur þáttur i samskiptum
ESB og Bandaríkjanna.
„Forsetinn hefur verið ótvíræður,
George W. Bush
Bandaríkjaforseti hefur vakið reiði
og hneykslan demókrata á þingi,
umhverfissinna og leiðtoga erlendra
ríkja með afstöðu sinni til Kyoto-
samkomulagsins um baráttuleiðir
gegn gróðurhúsaáhrifunum.
hann styður ekki Kyoto-samning-
inn,“ sagði Ari Felsicher, talsmaður
Hvita hússins, við fréttamenn í gær.
„Hann þjónar ekki efnahagslegum
hagsmunum Bandaríkjanna."
Aðspurður hvort Bandaríkin
myndu draga sig út úr samkomulag-
inu, sagði Fleischer að það hefði
aldrei tekið gildi og því væri ekkert
til að draga sig út úr.
Áður en samkomulagið var gert í
Kyoto 1997 hafði öldungadeild
Bandaríkjaþings samþykkt ályktun,
sem ekki var bindandi, með 95 at-
kvæðum gegn engu um að deildin
gæti ekki stutt samkomulag um
gróðurhúsalofttegundir sem ekki
byndi þróunarlöndin til jafns við
iðnríkin.
Demókratar á Bandaríkjaþingi og
umhverfisverndarsinnar fordæmdu
afstöðu Bush forseta.
„Nýi forsetinn kom í bæinn og
sagðist myndu breyta tóninum og
andrúmsloftinu í Washington. Við
höfum líklega ekki áttað okkur á
því að það væri hið raunverulega
andrúmsloft sem hann ætlaði að
breyta," sagði Richard Gephardt,
leiðtogi demókrata í fulltrúadeild
þingsins, við fréttamenn í Was-
hington.
Embættismenn sögðu síðar að
stjórnvöld myndu vinna með öðrum
að því að finna aðrar leiðir til að
berjast gegn gróðurhúsaáhrifunum.
Vladimir Pútín
Rússiandsforseti skipaði sína eigin
menn í lykilembætti í gær.
Losar sig við
menn Jeltsíns
Vladimir Pútín Rússlandsforseti
stokkaði í gær upp í stjórn sinni og
losaði sig við menn Borís Jeltsíns,
fyrrverandi forseta, og skipaði sína
eigin menn í lykilembætti. Nýr
varnarmálaráðherra verður Sergej
Ivanov sem þar til í gær var yfir-
maður öryggisráðs Rússlands. Hann
var áður foringi í leyniþjónustunni
og hefur fylgt Pútín eins og skuggi
frá því að hann varð forseti. Annar
dyggur stuðningsmaður Pútins,
Borís Gryzlov, verður innanríkis-
ráðherra. Athygli vakti að Pútín
skipaði konu, Ljubov Kudelina, í
embætti aðstoðarvarnarmálaráð-
herra. Hún gegndi embætti aðstoð-
arfjármálaráðherra. Að uppstokk-
uninni lokinni hélt Rússlandsforseti
á hátíðartónleika til að fagna 225
ára afmæli Bolsjoí-leikhússins.
Kjarnorkugámar
á ákvörðunarstað
Flutningabílar komu snemma í
morgun með gámana sex með kjarn-
orkuúrgangi, sem komið höfðu með
lest frá Frakklandi til Þýskalands,
til geymslustöðvarinnar í Gorleben.
Mótmælendum mistókst að tefja
flutningana frekar eftir að gámun-
um hafði verið lyft úr lestinni yfir á
flutningabílana í bænum Dannen-
berg.
Áður en lestin kom til Dannen-
berg hafði hún beðið í 15 klukku-
stundir 1 bænum Dahlenburg á með-
an lögregla beitti loftpressubor og
klippum til að losa mótmælendur
sem höfðu hlekkjað sig við teinana
og fest sig í steypu.
Um 20 þúsund lögreglumenn tóku
þátt í öryggisgæslu vegna flutning-
anna á kjarnorkuúrganginum sem
er úr þýskum kjarnorkuverum en
hafði verið sendur til Frakklands til
endurvinnslu.
Kjarnorkuandstæðingar höfðu
hótað frekari mótmælum síðasta
spölinn á leiðinni til geymslustöðv-
arinnar í Þýskalandi. Þeir höfðu sig
hins vegar ekkert í frammi í morg-
un. Stjórn Gerhards Schröders
Þýskalandskanslara hefur varið
flutningana og segja þá lið í að
leggja niður kjamaofna 2025.
Vatni sprautað á kjarnorkuandstæðing
Óeirðalögregla í Þýskalandi beitti meðal annars vatnsþrýstibyssum gegn
kjarnorkuandstæöingum sem mótmæltu flutningi kjarnorkuúrgangs frá
Frakklandi.
EFTA-DÓMSTÓLLINN
Dómritari
EFTA-dómstólnum var komið á fót samkvæmt ákvæðum samningsins um
Evrópska efnahagssvæðið og hefur lögsögu í málum sem varða aðildarríkin,
ísland, Liechtenstein og Noreg. Helstu mál sem dómstóllinn fjallar um
eru mál sem Eftirlitsstofnun EFTA (ESA) ber undir dómstólinn vegna
meintra brota á samningnum og beitingar eða skýringar á EES-reglum,
og mál sem höfðuð eru til endurskoðunar á ákvörðunum ESA. Þá veitir
EFTA-dómstóllinn dómstólum aðildarríkjanna ráðgefandi álit um skýringar
á ákvæðum EES-réttar. EFTA-dómstóllinn fer með hliðstætt hlutverk og
dómstóll Evrópubandalaganna.
Laus er til umsóknar staða dómritara, sem er ábyrgur fyrir daglegri stjóm
dómstólsins, þ.á m. gerð fjármálaáætlana og starfsmannahaldi. Viðkomandi
er einnig ætlað að sjá um málaskrá dómstólsins og annast regluleg störf
dómritara. Ráðið verður í stöðuna frá 1. september 2001 til tveggja eða
þriggja ára, með möguleika á endurnýjun í jafnlangan tíma.
Krafist er háskólaprófs í lögfræði og kunnáttu í Evrópurétti/EES-rétti.
Umsækjandi skal hafa reynslu af stjórnunarstörfum og starfsmannahaldi.
Æskilegt er að umsækjandi hafi reynslu af stjóm dómstóla eða hafí starfað
fyrir alþjóðastofnun. Áskilið er að umsækjandi hafi fullkomið vald á ensku
og nokkra þekkingu á frönsku. Eingöngu er tekið við umsóknum frá
þegnum aðildarríkjanna þriggja.
Laun og önnur kjör em samkvæmt starfsreglum EFTA-dómstólsins í flokki
P5 og við þau bætast húsaleigustyrkur, menntunarstyrkur vegna bama og
fjölskylduuppbót.
Umsóknarfrestur er til 1. maí 2001.
Frekari upplýsingar um stöðuna og umsóknareyðublöð (nr. 1/01) fást hjá
EFTA-dómstólnum:
EFTA Court, 1, rue du Fort Thiingen, L-1499 Luxembourg
Sími: (OO 352) 42 10 81. Símbréf: (00 352) 43 43 89
Netfang: eftacourt@eftacourt.lu
Nánari upplýsingar er að finna á heimasíðu dómstólsins: http://www.efta.int/
og með viðtölum við núverandi ritara, Gunnar Selvik.