Dagblaðið Vísir - DV - 02.06.2001, Page 19

19
LAUGARDAGUR 2. JÚNÍ 2001
DV___________________________________________________________________________________________________Helgarblað
Fujitsu Siemens i
ferðatölva frá I
Otficeisuperstore
Rúnar hefði sagt „Ég er orðinn svo
fullur að ég mun örugglega drepa ein-
hvern í kvöld“.
Dómurinn sagði að aðfór Rúnars
Bjarka að Áslaugu hefði verið tilefn-
islaus, hrottaleg og heiftúðug. „Hann
ruddist inn á heimili hennar að næt-
urlagi og skirrðist ekki við að stinga
hana margítrekað i höfuð, háls,
bringu og víðar í líkama hennar,
þrátt fyrir að hún væri varnarlaus,
nakin inni á baðherbergi og ætti sér
einskis ills von. Hróp hennar og köll
urðu einungis til að e£la hann við
ódæðisverkið."
Á líkama Áslaugar voru 28 sár eft-
ir hníf og auk þess nokkrar grunnar
yfirborðsrispur. Við árásina hlaut
sambýlismaður Áslaugar nokkra
áverka á höndum en hann reyndi við
annan mann að stöðva Rúnar Bjarka
við ódæðisverkið.
Rúnar Bjarki Ríkharðsson ólst upp
í Keflavík og bjó þegar morðið var
framið hjá móður sinni, fósturfóður
og þremur yngri systkinum. Hann
hefur sögu frá barnsaldri um að lenda
í útistöðum við fjölskyldu sína, skóla-
yflrvöld og síðcir atvinnurekendur.
Það er saga um áhættuhegðun, smáaf-
brot, m.a. búðarhnupl, innbrot í ein-
býlishús og verslanir.
Rúnar Bjarki gekkst í kjölfar
morðsins undir geðrannsókn sem
leiddi í ljós að hann væri ekki hald-
inn alvarlegum geðsjúkdómi en
greind hans væri „innan eðlilegra
marka“. Enn fremur sagði að Rúnar
hefði ýmis einkenni persóriuleika-
röskunar, sérstaklega andfélagslegrar
persónuleikaröskunar. Hann hafi átt
erfitt með að mynda tilfinningatengsl
og sé skeytingarlaus um tilfinningar
annarra. Hann virðist ekki geta iðr-
ast gjörða sinna.
Dómurinn taldi að Rúnar Bjarki
ætti sér engar málsbætur, þó tekið
yrði tillit til ungs aldurs hans og
þess að hann hafi ekki áður sætt
refsingu.
Rúnar Bjarki Ríkharðsson var
dæmdur til 18 ára fangelsisvistar
fyrir morð, líkamsárás og nauðgun.
Dauðinn á svölunum
Ásgeir Ingi Ásgeirsson var 23 ára
þegar hann hitti Áslaugu Perlu Krist-
jónsdóttur, sennilega i miðbæ Reykja-
víkur, að morgni laugardags 27. mai
árið 2000. Þau settust saman upp í
leigubíl um klukkan átta að morgni
fyrir utan Kaffi Thomsen og óku að
Engihjalla 9 í Kópavogi og voru kom-
in þangað rétt fyrir kl. 09.
Rúmlega hálftíma síðar var lögregl-
an kvödd að Engihjalla og fann Ás-
laugu Perlu látna á steyptri stétt utan
við húsið. Rannsókn leiddi i ljós að
hún hafði fallið ofan af svölunum á
10. hæð. Ásgeir var handtekinn sof-
andi í barnaherbergi á heimili systur
sinnar í umræddu fjölbýlishúsi og
ákærður fyrir að hafa valdið dauða
Áslaugar með því að hrinda henni
fram af svölunum.
Þótt Ásgeir játaði aldrei beinlínis
að hafa hrint Áslaugu með ásetningi
fram af svölunum leiddi rannsókn
eðlisfræðings á aðstæðum í ljós að
fall hennar gat ekki hafa orðið með
öðrum hætti. Hann var dæmdur í
Héraðsdómi Reykjaness í febrúar
2001 í 14 ára fangelsi fyrir að hafa orð-
ið Áslaugu Perlu að bana.
í dómsniðurstöðum kemur itrekað
fram að Ásgeir hafi framið morðið í
reiðikasti eða mikilli heift. Ekkert
verður þó ráðið af gögnum málsins
hvað kunni að hafa valdið þeirri reiði
og í raun kom fátt fram í svörum
ákærða sem gæti skýrt það. Reiði
hans var enn mjög sýnileg við hand-
töku þar sem hann veitti gríðarlegan
mótþróa, hótaði lögreglumönnum og
fjölskyldum þeirra og æpti ókvæðis-
orð að þeldökkri skúringakonu sem
varð á vegi þeirra. Hann hafði í
frammi látæði sem túlka má sem vit-
neskju hans um atburði þegar við
handtöku.
„Á Landspítalanum tók ákærði
upp á því að flauta og líkja með þeim
hætti eftir falli hlutar úr mikilli hæð
með tilheyrandi dynki við lendingu."
Af rifnum fötum Áslaugar og
áverkum á kynfærum, ásamt þeirri
staðreynd að ákærði var með rifnar
nærbuxur hennar í vasanum við
handtöku, þykir ljóst að um einhvers
konar ofbeldisfull átök af kynlífstoga
hafi verið að ræða. Ákærði viður-
kenndi að „harkalegt kynlíf ‘ hefði átt
sér stað en játaði aldrei nauðgun.
Vímuefni komu við sögu i þessu
morði með þeim hætti að morðinginn
var undir miklum áhrifum áfengis
þegar hann framdi verknaðinn en
engin önnur fikniefni mældust í blóði
hans.
Ásgeir Ingi er alinn upp í Þorláks-
höfn, elstur Qögurra systkina. Hann
hefur átt í margvíslegum útistöðum
við lögin og fékk fyrsta dóminn af all-
mörgum 19 ára gamall. Fyrri dómar
lutu að bílstuldum og ölvunarakstri.
Hann átti við geðræn vandamál að
stríða og þremur vikum fyrir morðið
hafði iögregla og læknar afskipti af
honum vegna sjálfsvígstilraunar
hans sem mun ekki hafa verið sú
fyrsta.
Nokkuð var deilt um geðrannsókn
á Ásgeiri en hann leyfði sálfræðingi
sínum ekki að bera vitni fyrir réttin-
um með vísan til þagnarskyldu.
Morö í Öskjuhlíö
Miðvikudaginn 8. nóvember síðast-
liðinn veittist Atli Guðjón Helgason,
33 ára lögfræðingur, að vinnufélaga
sínum, Einari Erni Birgissyni, 27 ára
kaupmanni í GAP, á bílastæði í
Öskjuhlið í Reykjavík og varð honum
að bana með því að slá hann margoft
í höfuðið með slaghamri. Að því búnu
kom Atli líki Einars Arnar fyrir í far-
angursgeymslu bifreiðar sinnar, þeg-
ar hann hafði afmáð verksummerki á
staðnum, og ók með það í átt til
Grindavíkur. Atli kom líkinu fyrir í
hraungjótu nálægt Grindavík og
huldi það með hraunmolum og plast-
poka. Næstu daga á eftir þreif hann
blóð úr farangursgeymslu bílsins og
henti fatnaði af Einari Erni sem hann
hafði geymt. Á Qórum stöðum losaði
Atli sig við það sem hann taldi sönn-
unargögn, svo sem farsíma, billykla,
blóðuga steina og morðvopnið, ham-
arinn.
Umfangsmikil leit var gerð að Ein-
ari Erni Birgissyni. 9. nóvember,
morguninn eftir morðið, fannst bif-
reið hans hjá Hótel Loftleiðum en þá
var talað við Atla og síðan teknar af
honum skýrslur næstu daga. Atli tók
þátt í leitinni að Einari Erni og tjáði
sig m.a. við DV um að hann „skildi
þetta ekki“ og „stæði á gati og hugs-
aði í hringi". Hann var viðstaddur
bænastund í Hjallakirkju og þar
faðmaði móðir Einars hann að sér en
í dómsniðurstöðu segir að það atvik
hafi - eftir að öll kurl voru komin til
grafar - verið móðurinni sérstaklega
þungbært og valdið sárindum, kvíða,
angist og svefntruflunum.
15. nóvember var Atli handtekinn
og játaði hann sama dag að hafa orð-
ið vini sínum að bana.
Atli Guðjón Helgason ólst upp í
stórum systkinahópi í Reykjavík.
Fjölskyldusaga hans er ekki með öllu
áfallalaus þar sem bróðir hans fórst
25 ára gamall í sviplegu slysi, þegar
hann keyrði í höfnina með lögreglu-
bil í eftirför, en fjórum árum seinna
lést faðir þeirra með sviplegum hætti
á heimili þeirra. Atli var knatt-
spyrnumaður og lék m.a. með Víkingi
og Val en hætti að leika knattspyrnu
árið 1997. Ljóst þykir að Atli hafði
misnotað örvandi efni eins og efedrin
og amfetamín nokkra hríð þegar
hann framdi morðið.
í vikunni var Atli Guðjón Helgason
dæmdur í 16 ára fangelsi fyrir morð.
PÁÁ /-þhs
Sharp XL-IOOO geislaspilari
með innbyggðu útvarpi frá

*Fyrir þá sem hafa verið áskrifendur 6 mánuði eða lengur
áskrift
-borgar sig
550 5000
Ert þú áskrifandi?
Takið þátt í áskrifendaleik t
Veglegir vinningar!
Þar á medal
ferðatölvur,
geislaspilarar o. fl. o. fl.
Rúsínan í pylsuendanum:
Glæsileg bifreið.*
DREGIÐ MÁNAÐARLEGA TIL JÓLA