Dagblaðið Vísir - DV - 21.10.2002, Page 24

48
Tilvera
MÁNUDAGUR 21. OKTÓBER 2002
I>V
...með GSM áskrift
hjá Íslandssíma.
r
18.900 kr.
9.900 kr.
Nokia 3310 á 9.900 kr.
- með 12 mánaða áskrift.
Ekkert stofngjaid ?-10ö kr.
J
Nokia 3510 á 18.900 kr.
- með 12 mánaða áskrift.
Ekkert stofngjald 3»1G0 kr.
_____________________________J
14.900 kr.
Nokia 3410 á 14.900 kr.
- með 12 mánaða áskrift.
Ekkert stofngjald EJ-OÖ-ftr.
______________________)
Hringdu í 800 1111 , komdu í verslun
okkar í Kringlunni eða líttu á islandssimi.is.
Með Íslandssíma hringir þú frítt í fjögur
númer innan kerfis og á þjónustusvæði okkar.
f~x
Isiandssími
Selló og píanó í Salnum í kvöld:
Losnum ekki svo glatt hvor við aðra
- segja Bryndís Halla og Steinunn Birna
Meistaraverk fyrir selló og píanó
eftir Beethoven, Debussy, Brahms og
Chopin munu hljóma í Salnum í kvöld
í meðfórum þeirra Bryndísar Höllu
Gylfadóttur og Steinunnar Birnu
Ragnarsdóttur. Þetta eru Tíbrártón-
leikar og dagskráin hefst kl. 20.
Þær Bryndís Halla og Steinunn
Birna eiga að baki farsælt samstarf i
fimmtán ár. „Við höfum fylgst að frá
því við vorum í námi við sama skóla
úti í Boston og losnum ekki svo glatt
hvor við aðra,“ segir Bryndís Halla
glettnislega. „Enda erum við búnar að
gefast upp á að reyna og tónleikamir
í kvöld undirstrika það,“ bætir Stein-
unn Bima við í sama tón.
Á efnisskrá kvöldsins eru Sónata
fyrir píanó og selló op. 102 nr. 2 í D-
dúr eftir Beethoven, Sónata nr. 1 í d-
moll eftir Debussy, Sónata fyrir píanó
og selló op. 38 í e-moll eftir Brahms og
Polonaise brillante op. 3 eftir Chopin.
Þær vinkonur segja verkin öll þekkt
en hvernig vilja þær lýsa þeim í orð-
um? „Þetta eru stóru topparnir, bæði
hjá Brahms og Beethoven og við erum
að spreyta okkur á þeim í fyrsta
skipti," segir Bryndis Halla. „Já, ég
var einmitt að lesa það í gær að það
hefði verið gert grin að Beethoven fyr-
ir þessa sónötu sem við ætlum að
flytja eftir hann því hún var talin
óspilandi. Hann hefði ekkert mið tek-
ið af takmörkunum hljóðfæranna,"
segir Steinunn Bima og heldur áfram
hlæjandi. „Við höfum komist að því
að mikið er til í því.“ Alvarlegri. „Þeg-
ar hann sest niður og gerir þessa fúgu
í sónötunni þá fer hann á algert flipp.
Þetta er það erfíðasta sem ég hef spil-
að eftir hann.“
„Beethoven kunni að nota hljóðfær-
in en var ekkert að spekúlera í hvort
verkin væru þægileg eða ekki fyrir
hljóðfæraleikarana. Þannig á tónsmið-
ur líka að hugsa.“ segir Bryndís
Halla. „Hún er algerlega á bandi tón-
skálda, enda er hún gift einu þeirra."
segir Steinunn Birna til útskýringar.
Þótt stutt sé í skensið hjá þeim
stallsystrum eru þær sammála um að
nauðsynlegt sé að takast á við erfíð og
ögrandi verk. Það sé krefjandi en jafn-
framt spennandi. -Gun.
Laugarásbíó/Háskólabíó/Sambíóin/Borgarbíó - Red Dragon 'k'k'k
Aldrei skal treysta Hannibal
Hilmar
Karlsson
skrifar gagnrýni
um kvikmyndir.
Ætli ástæðan fyrir því að Red
Dragon var gerð sé sú að Anthony
Hopkins lék ekki i Manhunter (1986)
sem gerð var eftir fyrstu skáldsögu
Thomas Harris. Þar var kynntur
Hannibal Lecter sem síðan hefur orð-
ið frægasti raðmorðingi kvikmynda-
sögunnar. Svarið hlýtur að vera já-
kvætt (gróðasjónarmið hefur örugg-
lega einnig ráðið ferðinni). Sá Hanni-
bal Lecter sem Hopkins hefur skapað
á hvíta tjaldinu er persóna sem smýg-
ur inn í hugann. Og jafn óhugnanleg-
ur og hann er hefur Hopkins tekist að
koma á einstaklega nánu sambandi
milli persónunnar og áhorfandans
sem helst má líkja við ástar/hatur
samband. Allir óttast hann en enginn
vill missa af honum.
Manhunter, sem Michael Mann
leikstýrði af mikilli prýði, hafði
Hannibal Lecter sem aukapersónu og
ég minnist þess þegar ég sá myndina
á myndbandi áður en Silence of the
Lambs var gerð, að áhrifín af nær-
veru Hannibals Lecters voru jöfn á
við raðmorðingjann sem var enn að
störfum. í Red Dragon er nærvera
Anthony Hopkins aftur á móti ógn-
vekjandi þó hann sé megnið af mynd-
inni á bak við lás og slá og ósjálfrátt
er beðið eftir því að hann birtist.
Það þarf ekki lengi að bíða eftir
Hannibal Lecter i Red Dragon. I löngu
upphafsatriði þar sem hann meðal
annars býður til matarveislu að eigin
hætti, sýnir hann allar sinar bestu
eða verstu hliðar, eftir því hvemig á
það er litið. Þetta atriði er beinlínis
gert til að auka hlut Hannibals í
myndinni og er dálitið tilgerðarlegt
þar til Will Graham (Edward Norton)
kemur til sögunnar. Þar fær Hannibal
verðugan andstæðing sem kemur hon-
um í fangelsi, en leitar siðar á náðir
hans þegar hann er fenginn til að að-
stoða FBI við að hafa uppi á raðmorð-
ingja sem gengur undir nafninu Tann-
álfurinn. Sá myrðir heilu fjölskyld-
umar þegar fullt tungl er. Þegar Gra-
ham er fenginn til að snúa aftur til
starfa hefur hann myrt tvær fjölskyld-
ur og eru þrjár vikur í að fullt tungl
verði á ný.
Sem fulltrúi hins illa var Hannibal
Lecter ávallt sýnilegur í Silence of the
Lambs og Hannibal. Hér er ekkert
breytt út frá þeirri aðferð. Tannálfur-
inn (Ralph Fiennes) er allt frá þvi
hann kemur til sögunnar sýnilegur og
við fylgjumst jafn mikið með hans að-
gerðum og samskiptum á milli Gra-
hams og Hannibals. Þar má segja að
mætist stálin stinn. Graham á í fúllu
tré við Hannibal. Hann veit hvemig
hann hugsar og gerir sér grein fyrir
því að aldrei skal treysta honum
hversu sannfærandi sem hann er.
Öðru máli gegnir um sálfræðinginn
sem á að stunda Hannibal, hann á
enga möguleika.
Tannálfurinn er dýr í mannsmynd
eða svo heldur hann. Til að vega upp
á móti sambandi Hannibals og Gra-
hams er hann látinn kynnast blindri
stúlku (Emily Watson) sem hrærir í
truflaðri sál hans. Þetta samband er
mótvægi við samband Hannibals og
Grahams og vegur þungt í myndinni.
Þetta er samband góðs og ills og
minni leikarar en Fiennes og Watson
hefðu auðveldlega getað klúðrað
þessu. Hvað varðar leik Anthony Hop-
kins og Edwards Nortons þá er Hanni-
bal fullsköpuð persóna og Hopkins er
í raun aðeins að endurtaka það sem
hann hefur áður gert og fengið hrós
fyrir. Norton er frábær leikari og hef-
ur í fullu tré við Hopkins. Skapar
hann eftirminnilega persónu sem gæti
átt lengra líf í bókmenntum og á hvíta
tjaldinu ef Thomas Harris kærir sig
um. Ekki verður skilið við leikarana
svo að ekki sé minnst á Harvey Keitel
sem leikur FBI-lögguna Jack Craw-
ford (kemur einnig við sögu í Silence
of the Lambs) og Philip Seymour
Hoffman í hlutverki æsifréttamanns
sem hefði átt að vita betur en vera að
abbast upp á brjálaðan morðingja í
blaði sínu. Þeir fullkomna úrvals leik-
arahóp sem leggur mikið af mörkum
við að gera Red Dragon að skemmti-
legum og spennandi sakamálatrylli.
Leikstjóri: Brett Ratner. Handrit: Ted
Tally eftir skáldsögu Thomas Harris.
Kvikmyndataka: Diante Spinotti. Tónlist:
Danny Elfman. Aöalleikarar: Anthony
Hopkins, Edward Norton, Ralph Fiennes,
Harvey Keitel, Emily Watson, Mary-Louis
Parker og Philip Seymour Hoffman.
Lögregla leitar hjálpar hjá morölngja
Anthony Hopkins í hlutverki Hannibais Lecters og Edward Norton í hlutverki
FBI-löggunar Will Graham.