Dagblaðið Vísir - DV - 15.01.2003, Blaðsíða 12

12
_______MIÐVIKUDAGUR 15. JANÚAR 2003
Skoðun J3V
Spurning dagsins
Hvaða tómstundum mynd-
irðu vilja bæta við skólann?
Þorvaröur Eiríksson nemi:
Ég myndi vilja hafa golfkennslu.
Unda Hrönn Hlynsdóttir nemi:
Frjálsum íþróttum.
Hrefna Fanney Árnadóttir nemi:
Ég myndi vilja hafa hestamennsku.
Ása Björk Halldórsdóttir nemi:
Einhverju hljóöfæraspili.
Tjörvi Þorgeirsson neml:
Ég myndi vilja hafa handboltatíma.
Rúnar Bjarki Elvarsson neml:
Handboltatímum.
Sameining - lykilorð dagsins
11 m tm
1

hljómar vel
Fyrirtækl eru sameinuð
Fólki sagt upp í hagræöingarskyni.
Konráð R. Friðfinnsson
skrifar:
Tvennt má segja aö hafi ein-
kennt árið 2002. Umræðan um
Kárahnjúkavirkjun sem fáir
vita nákvæmlega hvar er á
landakortinu, og sameiningar-
talið. Bankar sameinast og fyr-
irtæki. Sumt hefur gengið eftir,
annað bíður síns tíma, eins og
sala Landssímans. Samson-hóp-
urinn svokallaði náði að undir-
rita og staðfesta kaup á Lands-
bankanum rétt fyrir áramótin.
Það getur verið skynsemi í
því að reka fyrirtæki sem fást
við svipaða hluti undir einum
hatti. Gleymum samt ekki hinu
að öll mál hafa á sér tvær hlið-
ar. í mörgum tilvikum hefur
starfsfólki verið sagt upp og það
misst sína vinnu. Jafnvel fólk
sem í áraraðir hefur starfaö hjá
viðkomandi fyrirtæki stendur
skyndilega frammi fyrir þeim
veruleika að vera orðið at-
vinnulaust. Fyrirtæki er sam-
einað öðru og fólki sagt upp í
hagræðingarskyni. Með sam-
einingunni undanfarin ár hafa
hundruð karla og kvenna orðið at-
vinnulaus - þvert ofan í eigin áætl-
anir. Og þarna hefur verkalýðs-
hreyflngin sýnt að hún er handónýt
þegar á reynir.
Við hömpum hinum nýríku
mönnum á Islandi sem ekki vita
aura sinna tal sem merkilegum og
um þá eru gerðar stórar og fyrir-
ferðarmiklar fréttir og tekið við þá
spjall. En hvað um aiit fólkið sem
missti atvinnuna vegna eigenda-
skiptanna? Heyrst hafa fregnir af að
sumt af þessu fólki hafi þurft á
áfallahjálp að halda. Kannski nýbú-
ið að fjárfesta í húsnæði eða öðru og
sem skyndilega breyttist vegna þess
að fastar launatekjur voru ekki
lengur til staðar og óvissan ein fram
undan.
Við verðum að horfa á þetta fólk
„Með sameiningunni und-
anfarin ár hafa hundruð
manna og kvenna orðið at-
vinnulaus - þvert ofan í
eigin áætlanir. Og þarna
hefur verkalýðshreyfingin
sýnt að hún er handónýt
þegar á reynir. “
sem þannig lendir í vandræðum
sem staðreynd en ekki mál sem
bara reddist einhvem veginn. Ef
fram heldur sem horfir í þessu landi
gerist það sem gerst hefur í svo
mörgum löndum að við missum að
mestu niður „miðstéttina" sem flest-
ir íslendingar tilheyra enn og eftir
verður annars vegar „hástétt" með
miklar tekjur og eignir, og hins veg-
ar „lágstétt" sem ekkert á og hefur
enga leið til að bjarga sér, og við for-
um að sjá hér í fyllingu tímans fá-
tækrahverfi með illa hirtum húsum
eins og víða í stórborgum heimsins.
Gerist það hefur sagan endurtekið
sig og við farið í hring.
Og fólk leyfir þessu að gerast fyr-
ir þær sakir að það sefur á verðin-
um eða lætur sér á sama standa og
heiðrar mennina með allt fjármagn-
ið - með fullri virðingu fyrir þeim.
Ríkidæmi manna getur verið bless-
un spili þeir rétt úr sínum spilum
og horfi ekki bara á eigin hag, held-
ur lika hag starfsmannanna og
fólksins í landinu. Öll ríki þurfa á
framkvæmdamönnum með fjár-
málavit og góðar hugmyndir að
halda. - En tO að allt fari nú vel er
samt visku þörf.
Klassapíur í stjórnmálum
Hildur
skrifar:
Klassapíur í stjórnmálum eru ekki
á hverju strái. Enda er það svo á tím-
um jafnréttis að ekki þykir við hæfi
að taka konu fram yfir karl, eða öf-
ugt, kynferðisins vegna. Það er því
óskiljanlegt hvernig borgarstjórinn í
Reykjavík, Ingibjörg Sólrún, hefur
komiö ár sinni fyrir borð hjá jafn-
ingjaflokkunum.
Hún hefir aldrei þurft að taka þátt
í forkönnunum eöa prófkjöri R-list-
ans, hún hefur aldrei þurft að taka
þátt í prófkjöri Samfylkingarinnar,
hún er töluð upp eins og hlutabréf og
nú er hún tekin fram fyrir alla fram-
bjóöendur Samfylkingarinnar og er
„Hvað segja frambjóðendur
flokksins sem starfað hafa
fyrir hann í áraraðir eins
og t.d. hinar klassapíumar,
þœr Jóhanna, Bryndís og
Ásta Ragnheiður. Eru þœr
virkilega svo pólitískt lítil-
látar að þœr sœtti sig við
svona vinnubrögð?“
þó nýliði. Henni er stillt upp í 5. sæti
á lista og boðið forsætisráðherrasæti,
hvort sem hún nær kjöri eða ekki.
Hvað segja frambjóðendur flokks-
ins sem starfað hafa fyrir hann i
áraraðir eins og t.d. hinar klassapí-
umar, þær Jóhanna, Bryndís og Ásta
Ragnheiður. Em þær virkilega svo
pólitiskt lítillátar, að þær sætti sig
við svona vinnubrögð?
Þetta er vissulega ósmekklegt og
niðurlægjandi fyrir aðra frambjóð-
endur sem hlotið hafa kjörfylgi ofar-
lega á lista, einnig fyrir kjósendur
sem ómakað hafa sig á kjörstað, og
ekki síst klassapíuna, sem þiggur
góssið.
Og svo átti aö fara eins að með
karlpeninginn, Ellert í ÍSÍ átti að
taka sæti Einars Karls, þannig að
menn gætu séð að jafningjaflokkur-
inn kæmi eins fram við alla menn.
Að skafa ekki utan af því
Garri vaknaör í gærmorgun upp við
þann óþverra að þurfa að skafa rúðuna á
bílnum sínum. Það er ömurlegt verk.
Garri er að vísu húðlatur og viðurkennir
það fyrstur manna svo hann skóf aðeins
pínulítið gat á ísinguna á framrúðunni
og eina rák á hvora hliðarrúöuna og lét
þar við sitja, enda sætir það nokkurri
furðu hvað ökumaður þarf lítiö útsýni til
að geta ekið bifreið sinni nokkurn veg-
inn skammlaust.
Svo lagöi hann af stað í vinnu sína
eins og gengur.
Blá blikkandi Ijós
Ekki hafði Garri ekið nema nokkra
kílómetra þegar hann var truflaður við
næsta öruggan akstur sinn með bláum
blikkandi ljósum. Þar var komin lögregla
hverfisins sem sveigði bil sínum í veg
fyrir Garra. Það var ekki laust við að
Garri fengi svolítið adrenalínhögg við
þessa uppákomu, ekki ósvipað og Eiður
Smári Guðjohnsen fær þegar hann legg-
ur undir í Lundúnaborg.
Þetta virtist grafalvarlegt. Saklaust
hverfi um sjöleytið að morgni og nokkuð
feitur og pattaralegur lögregluþjónn á
miðjum aldri steig út úr bifreið sinni og
gekk hægum skrefum í átt að einkabifreið
Garra sem sat á bak við stýrið og kyngdi
munnvatni.
Lélegur verkmaður!
„Hvar læröir þú að skafa, vinurinn?"
spurði löggumaðurinn inn um frosna rúð-
una sem gekk erfiðlega að snúa niður.
Garri opnaði dyrnar og sat aumingjalegur
í bifreið sinni og svaraði því til að hann
hefði bara verið að flýta sér og væri þess
utan nokkuð latur maður að eðlisfari, aUt-
ént lélegur verkmaður. Það hnussaði í lög-
reglunni sem fór þess á leit við Garra að
hann mundaði sköfuna á ný og skæfi
snjóalagið almennilega af rúðum bílsins.
Það gekk eftir, orðalaust.
Þarna stóð Garri undir lögreglueftirliti
og hreinsaði svo gott sem hvert korn af
bílnum sínum. Hann slapp við þyngri refs-
ingu og ók á burtu, kalinn á höndum.
Cjyffu
Farþegaskipið Norröna
Veröur til sýnis í Reykjavík.
Til Reykjavíkur
Elín Guðmundsdðttir skrifar:
Tilkynnt hefur verið að ný Nor-
röna (í eign Smyrilline þess fær-
eyska) komi til landsins upp úr miðj-
um marsmánuði og verði kynnt
landsmönnum, m.a. í Reykjavík.
Nýja skipið er þrefalt stærra en það
sem áður sigldi til Seyðisfjarðar. Ég
get ekki ímyndað mér að skipið nái
góðri nýtingu nema íslenskir farþeg-
ar verði uppistaðan til jafns við út-
lendinga. Því er ljóst að skipið þyrfti
að koma við hér á suðvesturhorninu
til að ná einhverjum rekstrarmögu-
leikum. Ég legg tU að borgaryfirvöld
reyni að fá þetta farþegaskip tU að
koma hér við í sumar - eða stuðli að
því að það komi þá a.m.k. tU Þorláks-
hafnar þar sem öU aðstaða er fyrir
hendi fyrir farþega. Hefjum nú far-
þegasiglingar til vegs á ný.
Ekki fá Duranona
Kristinn Sigurðsson skrifar:
Það á alls ekki að fá Duranona í
landsliðið í handbolta. Ég skU ekki
hvers vegna nafniö Duranona kemur
upp þegar vaiið er í landsliðið. Hann
var góður, frábær skytta, en er það
ekki lengur. Minna má á að hann fær
hvergi pláss í 1. deUd í þýska hand-
boltanum. Við eigum unga og kraft-
mikla stráka í öUum liðum sem eru
miklu fljótari og betri en Duranona.
Ég vona að sá sem nú er landsliðs-
stjóri átti sig á þessu, og ef hann ætl-
ar að hampa Duranona þá er hann
líka að lítUsvirða unga og frábæra
handboltastráka í öUum liðum
Skattar á bensín
Lárus skrifar:
Skattar á
oliu og bensín
eru hvergi
hærri í heimin-
um en á ís-
landi. Því er
bensín dýrast
hér á landi.
Bensín er hins vegar langódýrast í
Bandaríkjunum, varla hærra en í
kringum 30 kr. lítrinn. Skattlagning á
bensín í Evrópu er mjög mikU þótt
hún nái ekki þeirri fjarstæðukenndu
skattlagningu sem hér tíðkast. Eigum
við að stefna á þátttöku í ESB fáum
við fyrst að kynnast skattlagningu og
öðrum ríkiskvöðum á almenning fyr-
ir alvöru. Með inngöngu í ESB erum
við líka orðin eitt ríkið í ríkjasam-
bandi Evrópu. Ég kysi þá frekar að ís-
land gerðist ríki í Bandaríkjunum
þar sem verðlag og hagsæld er langt
fyrir ofan það sem gerist í Evrópu-
ríkjunum. - Er það ekki rökrétt?
Heimilisföngin
í Reykjavík
Karl Sigurðsson hringdi:
Mér brá er ég las nöfnin á fram-
boðslista Framsóknar í Norðaustur-
kjördæminu sem nýlega hefur verið
samþykktur og sá að efstu menn á
listanum voru aUir með heimilisföng
í Reykjavík og svo í Kópavogi. Eru
virkilega engir sterkir einstaklingar
sem fylgja Framsókn búsettir í kjör-
dæminu? Eins er þetta orðið meö
frambjóðendur hér í Reykjavík,
margir þeirra eru utanbæjarmenn.
Hvaða öfugþróun er þetta, að utan-
bæjarfólk ætli aö skipta sér af mál-
efnum Reykjavíkur. Mér er sem ég
sjái upplitið á fólki á landsbyggðinni
ef Reykvíkingar flykktust í framboð í
þeirra umdæmi.
Lesendur geta hringt allan sólarhring-
inn í síma: 550 5035.
Eöa sent tölvupóst á netfangiö:
graðdv.ls
Eöa sent bréf til: Lesendasíöa DV,
Skaftahlíð 24,105 Reyk)avík.
Lesendur eru hvattir til aö senda mynd
af sér til birtingar meö bréfunum á
sama póstfang.
Viö bensíndæluna
Hæst verö hér, lægst
í Bandaríkjunum.