Dagblaðið Vísir - DV - 25.04.2003, Síða 14

14
FÖSTUDAGUR 25. APRÍL 2003
Skoðun DV
Skoðun
Jakob Bragi
Hannesson
skólastjóri
Hlíöarhúsaskóla
„Einkunnarorðin eru þæg-
indi, meiri þægindi, enn-
þá meiri þægindi. Allt
gengur út á það að svaia
þægindasjónarmiðum sín-
um. Hvað ber ég úr být-
um? Hvað fæ ég borgað
fyrir viðvikið?*1
Langt aftur í árdaga voru menn
uppteknir af því aö skilgreina
hvaö hiö svokallaða „góða líf‘
væri. Grísku heimspekingarnir
Sókrates, Platón og Aristóteles
fóru þar fremstir í flokki. Hið
góða líf að þeirra mati ákvarðað-
ist fyrst og fremst af dyggðugu líf-
erni, sjálfskoðun ásamt andlegri
og líkamlegri ögun.
Hið góða líf og hið Ijúfa líf
í dag eru þessir mannkostir enn
í hávegum hafðir en þeir eru þó
fáséðir í lundarfari nútímamanns-
ins. Nútímamaðurinn leggur aðra
merkingu í „hið góða líf‘. í huga
nútímamannsins er „hið góða líf ‘
í rauninni „hið ljúfa líf‘. Ein-
kunnarorðin eru þægindi, meiri
þægindi, ennþá meiri þægindi.
Allt gengur út á það að svala þæg-
indasjónarmiðum sínum. Hvað
ber ég úr býtum? Hvað fæ ég borg-
að fyrir viðvikið? í augum nú-
tímamannsins er þægindasjónar-
miðið og gróðahyggjan leiðin að
„hinu góða lífi“. Til hvers að
leggja eitthvað á sig? Þú berð ekk-
ert meira út býtum við það! Strit-
ið veldur þér bara óþægindum.
Vinnan var talin vera dyggð hér
áður fyrr og mannkostir voru
meðal annars metnir eftir vinnu-
Þægindi og aftur þægindi
- þaö er sú merking sem nútímamaöurinn leggur í „hiö góöa líf“.
framlagi launþegans og atorku
hans. í dag er þessu öðruvísi far-
ið. Best er að bjóða atvinnurek-
andanum upp á lágmarks vinnu-
framlag því þá slítum við okkur
ekkert út. Það er ill nauðsyn að
vinna og vinnuframlag mitt skipt-
ir engu máli. Þetta er því miður
viðkvæði nútímamannsins.
Borgað fyrir greiðann
Hér áður fyrr voru greiðvikni
og sjálfboðamennska sjálfsögð.
Menn gáfu af sjálfum sér og upp-
skáru gleðina og þakklætið í stað-
inn. í dag er sjálfboðamennska fá-
gæt og greiðviknin er á undan-
haldi. Lítið fer fyrir náungakær-
leikanum. Þú hjálpar engum
nema þú fáir ríkulega borgað fyr-
ir greiðann í beinhörðum pening-
um Best er að vita sem minnst
um náungann og hleypa engum
að sinni lokuðu veröld. Þetta er
dapurleg staðreynd sem löngu er
tímabært að reyna að sporna við.
Hiö góða líf nútímamannsins
er líf hnignunarinnar, siðspilling-
arinnar og hræsninnar. Skilaboð-
in og fyrirmyndimar koma ofan
frá. Siðspilltir stjórnmálamenn
og atvinnurekendur maka krók-
inn af þvílíkri græðgi og djörfung
að undan svíður. Það er löngu
tímabært að íslenska þjóðin taki
höndum saman og reyni að koma
á mannbætandi samfélagi. Við
getum eingöngu spornað við þess-
ari vá með því að ráðast á kaun-
ið. Kaunið hefur því miður tekið
sér bólstað í hugum flestra lands-
manna. Dygðugt líferni er því
miður á undanhaldi og okkur
skortir fyrirmyndirnar. Látum til
skarar skríða og tökum upp
dygðugt líferni með náungakær-
leika að leiðarljósi. Látum sið-
spillta stjórnmálamenn og at-
vinnurekendur lönd og leið. Tök-
um til í ranni vorum. Hið „góða
líf ‘ hefst innan frá. Þekktu sjálf-
an þig og vertu þinn eigin
lærifaðir. Því er nú einu sinni
þannig fariö að þegar fyrirmynd-
ina vantar alls staðar í kringum
þig verður þú sjálfur að vera fyr-
irmyndin. Með réttri breytni og
með útgeislun gætir þú stuðlað
að mannbætandi lífi. Hið góða líf
er nefnilega ekkert annað en til-
tekt í sálarlífi einstaklingsins.
Lærðu að breyta því sem þú get-
ur breytt, nefnilega sjálfum þér.
Hann er þó formaðurinn
Hilmar SigurOsson skrifar:
Mann er
farið að
gruna margt
í sambandi
við þau reið-
innar ósköp
af viötölum
og sviðsljósa-
heimsóknum
sem forsætis-
ráðherraefni
Samfylking-
arinnar er
leitt I þessa
dagana. í
sameiginlegum viðtölum þar
sem formenn allra stjórnmála-
flokkanna eru kallaðir til
skrafs er enginn formaður
Samfylkingarinnar til staðar,
heldur fyrrverandi borgarstjóri,
Ingibjörg Sólrún. Össur Skarp-
héðinsson er þó formaðurinn,
ekki rétt! Það er verið að ýja
að því núna á kaffistofum víða
að Össuri skuli vikið frá sem
mest fram að kosningum því
hann sé of hallur undir sam-
starf við Sjálfstæðisflokkinn og
vilji mjög draga í land með
ýmsa áhersluþætti sem Ingi-
björg Sólrún hvikar hins vegar
aldrei frá. Össuri er því aðeins
leyft að hamra á einhverju sem
litlu máli skiptir og að endur-
taka eitthvað frá liðinni tíð, en
forðast öll stefnumál. Það er
orðið áberandi hve Össuri er
stjakað frá. Hann á nú aðeins
eina útgönguleið; láta Ingi-
björgu víkja að mestu úr sviðs-
ljósinu til kosninga.
Össur
Skarphéðlnsson.
„Vllja menn horfa á skuldabagga útgerðarinnar þenjast út, þannig að úr verði þjóðargjaldþrot eftir fáein ár?“
Framsalið hefur afvegaleitt ágætis menn
Garðar H.
Björgvinsson
útgm. og
bátasmiður,
skrifar:
Þegar á hólminn
er komið með af-
nám spillingarinn-
ar í sjávarútvegs-
málum renna tvær
grímur á annars
ágætis menn. Nú
er það buddan sem
vegur. Fjárhagsleg
framtíð samfélags-
ins, réttlætiskennd-
in sem undir
blundar, já allt
þetta má fara til fjandans fyrir fá-
einar skítugar krónur. - Er mað-
urinn nokkuð frábrugðinn dýri
merkurinnar þegar magafyllin er
annars vegar?
Auðvitað er svona hugsana-
gangur aumkunarverður. Þess
vegna - og það getum við bókað
og ef Framsókn og Sjálfstæðis-
flokkur halda velli er það ekki af
öðru en því að sú spilling sem
þessir flokkar hafa gróðursett í
„Þegar svo er komið að
aðalatvinnuvegur þjóðar-
innar er kominn í einka-
eigu fáeinna útgerða og
flutningafyrirtœkið Eim-
skip er síðan orðið eig-
andi stórs hluta afla-
heimilda smáþorpanna á
ströndinni, ja, þá er ein-
faldlega kominn tími til
að segja: Hingað og ekki
lengra.“
þjóðarsálinni er orðin svo rótgró-
in að hún fylgir þessu vesalings
fólki eins og trúarbrögð fram á
grafarbakkann.
Vilja menn horfa á skuldabagga
útgeröarinnar þenjast út, þannig
að úr verði þjóðargjaldþrot eftir
fáein ár? En það mun verða á allra
næstu árum, fari allt sem horfir.
Röng flskveiðistefna, rányrkja og
eyðilegging lífríkisins; þetta leiðir
að lokum til algjörs' hruns fiski-
stofna. Þeir fáu aðilar sem hafa
eignað sér og sínum allan ágóða af
hinni sameiginlegu auðlind lands-
manna með sérpöntuðum laga-
setningum þurfa ekkert annað en
að forða sér í sínar einkavillur á
sólarströnd vítt og breitt um
heiminn.
Þegar svo er komið að aðalat-
vinnuvegur þjóðarinnar er kom-
inn í einkaeigu fáeinna útgerða og
flutningafyrirtækið Eimskip er
síðan orðið eigandi stórs hluta
aflaheimilda smáþorpanna á
ströndinni, ja, þá er einfaldlega
kominn tími til að segja: Hingað
og ekki lengra. - Stefna Frjáls-
lynda flokksins er því sú sem
landsmenn geta sannanlega stutt
með góðri samvisku.
Sofandi verkalýðsfélög
JMG skrifar:
Rétt er það hjá Sigmundi Erni
Rúnarssyni í forystugrein í DV að
stofnanir ýmsar sem eiga að
vinna fyrir fatlaða sinna ekki
skjólstæðingum sem skyldi. Þess í
stað vinna þær fyrir sjálfar sig.
Stórt vandamál og alþekkt. Gagn-
rýni Sigmundar Ernis á rétt á sér
og ætti að verða upphaf að stóru
átaki. Víðar er pottur brotinn;
verkalýðsfélög vinna ekki fyrir at-
vinnulausa félaga sína en þjóna
fremur duttlungum eigin stjórn-
enda. Þetta vita þeir mörgu sem
ganga um atvinnulausir. Eftir því
sem fleiri menntamenn verða at-
vinnulausir verður erfiðara að
þagga þetta niður. Stéttarfélagið
Efling sefur enn á verðinum. Fé-
lagið á að vinna fyrir sitt fólk en
ekki fyrir kerfið. Og Efling á líka
að vinna fyrir fleiri en félaga sína,
til dæmis gæti félagið beitt sér í
ýmsum málum sem Sigmundur tí-
undar í grein sinni. Verkalýðsfé-
lögum á ekkert að vera óviðkom-
andi. Og hagsmunir fólksins eiga
ævinlega að vera í fyrirrúmi.
Kýs almættiö
Jónas Bjarki Gunnarsson hringdi:
Nú eru að nálgast kosningar og
allir flokkar á íslandi eru stefnu-
lausir með þrönga hagsmuni inn-
anborðs. Sjálfstæðisflokkur og
Framsóknarflokkur lofa öllu
fögru eins og menn sem eru að
drukkna og biðja um líf. Best er
að kjósa almættið.
Gunnar G. hringdi:
Erótíkin á
leikinn
- rómantíkin er
víös fjarri.
Ótrúlegt kyn-
færa- og uppá-
ferðatal á sér
stað í fjölmiðl-
um, ekki síst í
sjónvarpinu, afar
órómantískt tal.
Myndir af kynlífi
og djarfri nekt
virðist leiðin til
að selja vöru og
þjónustu. Eflaust
mun létt pornó
verða í auglýsingum stjórnmála-
flokkanna. Hvað annað? Stjóm-
málamenn eru til í allt þessar
vikurnar, drekka jafnvel óþverra
bara til að komast að á sjónvarps-
stöðvunum. Ógeðið, klámið og of-
beldiö fer auðvitað í taugarnar á
öllu hugsandi fólki. Fjölmiðlar
eiga að virða þau gildi sem höfð
hafa verið í heiðri varðandi
blygðunarsemi. Fjölmiðlar eiga
ekki að iðka bjálfaskap eins og
nú viröist mest í tísku. Stjórn-
málamenn eiga líka að sýna
reisn, afla sér virðingar og hafna
með öllu vitleysisganginum.
Vitiö þér enn - eða hvað?
Sigurjón Jónsson skrifar:
Lœtur hann lögmál byrst,
lemja og hrϚa.
Eftir það fer hann fyrst,
að frióa og grœða.
Svo kvað séra Hallgrímur Pét-
ursson forðum. Þetta minnir
nokkuð á aðfarir Bush og samlede
venner (Coalition Partners) austur
í írak. Að stríði loknu ætlar þetta
kompaní að hefja endurreisnar-
starf. Þar i hópi eru Davíð og
Halldór. Sennilega gætu þeir sent
Bush um leið kveðju sína með
orðum skáldsins:
Ég fel í sérhvert sinn,
sál og líkama minn,
í vald og vinskap þinn,
vernd og skjól þar ég finn.
Vitið þér enn - eða hvað?
DV| Lesendur
Lesendur geta hringt allan sólarhring-
inn í síma: 550 5035.
Eöa sent tölvupóst á netfangiö:
gra@dv.is
Eöa sent bréf til: Lesendasíða DV,
Skaftahlíö 24,105 ReyKjavík.
Lesendur eru hvattir til aö senda mynd
af sér til birtingar meö bréfunum á
sama póstfang.