Dagblaðið Vísir - DV - 02.05.2003, Blaðsíða 4
4
FÖSTUDAGUR 2. MAÍ 2003
H>“Vr
Fréttir
Elín Sigfúsdóttir
hefur verið einn af
helstu stjómendum
Búnaðarbankans í
áratug en var á
dögunum ráð-
in fram-
kvœmda-
stjóri fyr-
irtœkja-
sviðs
Lands-
banka
íslands.
Elín Sigfúsdóttir, einn nýju stjóranna í Landsbankanum:
Gat lært heilu
símaskrarnar
Nafn: Elín Sigfúsdóttir
Aldur: 47 ára
Fjölskylda: gift Oddi C. Einarssyni fram-
kvæmdastjóra og eiga þau þrjú börn.
Lögheimili: Reykjavík
Menntun: Lauk stúdentsprófi frá
Menntaskólanum viö Tjörnina áriö
1974 og cand. oceon. prófi frá víö-
skipta- og hagfræðideild Háskóla ís-
lands árið 1979.
Starf: Framkvæmdastjóri lyrirtækjaviös
Landsbanka íslands.
Efni: Sviptingar í bankaheiminum.
Á dögunum var Sigurjón Þ.
Árnason ráöinn bankastjóri
Landsbanka íslands við hlið Hall-
dórs J. Kristjánssonar. Auk hans
hefur um fjórðungur af helstu
stjórnendum Búnaðarbanka ís-
lands sagt upp störfum og gengið
til liðs við Landsbankann, þar á
meðal Elín Sigfúsdóttir. Hún hef-
ur verið ráðin framkvæmdastjóri
fyrirtækjasviðs Landsbankans en
var áður framkvæmdastjóri fyrir-
tækjasviðs Búnaðarbankans og
bankaráðsmaður í Búnaðarbank-
anum.
Elin er viðskiptafræðingur að
mennt og starfaði hjá Búnaðar-
bankanum í 24 ár. í um áratug hef-
ur hún verið í hópi helstu stjórn-
enda Búnaðarbankans og óhætt er
að segja að hún sé ein valdamesta
konan í bankaumhverfinu í dag.
Elín er fædd í Reykjavík 24.
ágúst 1955. Hún er dóttir Sigfúsar
Kristins Gunnlaugssonar, við-
skiptafræðings og skjalaþýðanda,
og Ragnhildar Eyju Þórðardóttur
deildarstjóra.
Elín lauk stúdentsprófi frá
Menntaskólanum við Tjörnina
árið 1974 og cand. oecon. prófi frá
viðskipta- og hagfræðideild Há-
skóla Islands árið 1979. Hún er gift
Oddi C. Einarssyni framkvæmda-
stjóra og eiga þau þrjú börn.
Dugleg, traust og klár
Þegar vinnufélagar hennar og
vinir voru beðnir að lýsa Elínu
voru svörin nánast á einn veg.
Greinilegt er að hér er á ferðinni
gríðarlega dugleg og samviskusöm
kona sem býr yfir mikilli þekk-
ingu á því sviði sem hún starfar á.
Einn vinnufélagi hennar úr
Búnaðarbankanum til margra ára
lýsti henni sem einstaklega góðum
starfsmanni og ákaflega þægileg-
um í samstarfi. Sagði hann að
ekki væri hægt að hugsa sér betri
vinnufélaga. Hún hefði unnið sig
upp í bankanum, stig af stigi og
hefði átt fyllilega skilið að ná eins
langt og raun bar vitni.
Fyrrverandi yfirmaður hennar í
Búnaðarbankanum, sem vann
með henni í meira en tuttugu ár,
hafði sömu sögu að segja um El-
ínu þegar DV hafði samband við
hann.
„Elín er alveg einstakur starfs-
maður að öllu leyti. Hún skilaði
öllum sínum verkefnum með
stakri prýði og treysti ég henni
fullkomlega. Það er í raun ekki
hægt að finna neitt að henni,“
sagði hann.
„Hún er prúð og ákaflega sam-
viskusöm manneskja og naut mik-
ils trúnaðar, jafnt manna I banka-
stjórninni sem og starfsmanna
bankans. Sagði hann að það gæfi
góða mynd af þeim karakter sem
hún væri.
Tók þriðja bekk í menntó
utan skola
„Hún er mjög sterkur karakter,
traust og ábyggileg," sagði góð
vinkona hennar í samtali við
blaðið. Hún sagði að Elín vílaði
ekki fyrir sér að framkvæma hlut-
ina og hefði alltaf tíma fyrir alla,
bæði vini og fjölskyldu. „Hún á
þrjú börn sem eru hvert ööru dug-
legra og einnig á hún mann sem
styður hana dyggilega.“
Samkvæmt upplýsingum DV er
Elín mikil útivistarkona og hefur
ferðast víða, bæði innanlands sem
utan. Hún er mikil göngumann-
eska og hefur gengið mikið um
óbyggðir landsins. Hún hefur
einnig áhuga á tónlist og sækir
tónleika og leikhús. Hún er ekki
pólitísk eða hefur alla vega ekki
gefið það upp.
„Það er ekkert nema gott um
Elínu að segja," sagði vinkona
hennar sem var með henni í skóla
og hefur þekkt hana frá því hún
var tólf ára. „Hún var mjög glöð
sem krakki, jafnlynd og ótrúlega
klár. Henni gekk alltaf vel í skóla
og var fræg fyrir það hvað hún
átti auðvelt með að læra allt utan
að. Hún lærði allar reglur og und-
antekningar og gat nánast lært
heilu símaskrárnar utan að. Hún
var með okkur fyrstu tvö árin í
menntaskóla en tók þriðjubekkj-
arprófin um sumarið og settist
svo í fjórða bekk um haustið. Hún
útskrifaðist því ári á undan okkur
öllum," sagði hún.
Vinnan skiptir Elínu miklu
máli og er hún mjög upptekin af
henni. „Hún er rosalega skipulögð
og vinnur jafnt og þétt. Það er
mjög mikið að gera hjá henni en
hún kvartar aldrei yfir því. Ég
myndi treysta henni fyrir lífi
mínu og aleigu,“ sagði vinkona
hennar að lokum. -EKÁ
Islensk veisla
í Hróarskeldu
Alls munu fjórir íslenskir lista-
menn og hljómsveitir koma fram
á Hróarskelduhátiðinni í Dan-
mörku í sumar. Þetta eru Björk,
Sigur Rós, Ske og Gus Gus og
munu aldrei svo margir íslend-
ingar hafa komið fram á hátíð-
inni sama árið. Hátíðin fer fram
dagana 26.-29. júní í sumar. ís-
lendingar hafa jafnan fjölmennt á
hátíð þessa og árið í ár er þar
engin undantekning. Til marks
um það eru allir þeir 700 miðar
sem Stúdentaferðir höfðu til sölu
uppseldir. Áhugasamir verða því
að leita leiða til að kaupa sér
miða erlendis.
-hdm
Hæstiréttur:
Áöup reynt að kom-
ast undan réttvísinni
Hæstiréttur hefur staðfést úr-
skurð Héraðsdóms Reykjavíkur
yfir þýskum manni en honum
hefur verið gert að sæta gæslu-
varðhaldi þar til dómur gengur í
máli hans eða allt til 25. júní nk.
Maðurinn er undir sterkum grun
um þátttöku í stórfelldu fíkni-
efnabroti sem getur varðað allt
að 12 ára fangelsi. Maðurinn hef-
ur verið búsettur í Þýskalandi og
hefur rannsókn áður beinst að
honum hér á landi vegna fíkni-
efnabrota. Þá fór hann af landi
brott áður en tókst að birta hon-
um ákæru og ekki var unnt að fá
hann framseldan hingað þar sem
þýsk lög banna framsal þar-
lendra ríkisborgara. í úrskurði
héraðsdóms sagði að þar sem
maðurinn hefði áður reynt að
komast undan réttvísinni mætti
ætla að hann myndi reyna að
komast úr landi eða á annan hátt
reyna að koma sér undan máls-
sókn eða fullnustu refsingar.
Þótti því skilyrðum til að beita
gæsluvarðhaldi yfir honum full-
nægt. Maðurinn hafði krafist
þess að farbann kæmi í stað
gæsluvarðhalds en ekki var fall-
ist á það. -EKÁ
Útreikningar Hagstofunnar á tekjum íslendinga:
Vísbendingar um
Útreikningar sem Hagstofan
(áður Þjóðhagsstofnun) hefur gert
á tekjum íslendinga sýna að mið-
að við uppreiknuð fátæktarmörk
ársins 1995 minnkaði fátækt um
helming á árunum 1995 til 2001,
eða úr 4,2% í 2%. Sigurður Snæv-
arr borgarhagfræðingur kynnti
niðurstöðurnar á málþingi um
börn og fátækt sem haldiö var á
mánudag.
Fátæktarmörkin
Útreikningarnir eru úr verk-
efni sem Þjóðhagsstofnun og nú
Hagstofan vinnur að um tekjur ís-
lendinga og dreifingu þeirra.
Byggt er á skattframtölum allra
framteljenda eldri en 25 ára en
ekki tekið tillit til meðlags-
greiðslna. Ráðstöfunartekjum
heimilanna er deilt á hvern ein-
stakling á viðkomandi heimili, þó
þannig að tekið er tillit til fjöl-
skyldustærðar samkvæmt aðferð
OECD og með því gert ráð fyrir að
hagræði sé af stórum heimilum.
Fátæktarmörkin sem miðað er
viö liggja við 50% af miðgildi
tekna allra einstaklinga.
Lítil fátækt barna
Árið 1995 voru 4,2% allra ein-
staklinga undir fátæktarmörkum,
en 2,9% allra barna og 4,7% allra
fullorðinna. Sams konar mæling
fyrir árið 2001 gefur að 5,4% allra
einstaklinga hafí þá verið undir
fátæktarmörkum, en 2,6% barna
og 6,4% fullorðinna.
Sigurður vakti athygli á því að
samkvæmt þessu væri fátækt
meðal barna hvergi í heiminum
minni en í Svíþjóð og á íslandi.
Hins vegar virtist munurinn á fá-
tækt meðal barna einstæðra for-
eldra og annarra barna vera mikl-
um mun meiri hér en annars stað-
ar en hafa yrði í huga að ekki
væri tekið tillit til meðlags-
greiðslna.
Minnkaö um helming
Þótt ofangreindur samanburður
bendi til þess að fátækt hafi al-
mennt heldur aukist segir hann
minnkandi fátækt
Undir fátæktarmörkum:
Allir Börn Fullorðnir
1995 4,20% 2,90% 4,70%
2001(1) 2,00% 0,80% 2,50%
2001(2) 5,40% 2,60% 6,40%
Fátæktarmörk miðast við 50% af
miðgildi allra tekna.
(1) Miðað viö fátæktarmörk ársins
1995 á verölagi ársins 2001.
(2) Miöað viö ný fátæktarmörk, reiknuö
út frá hærri tekjum ársins 2001.
ekki alla söguna. Vegna
þess að miðað er við af-
stæð fátæktarmörk - sem
hækka þegar tekjur í
þjóðfélaginu hækka -
myndi það engu breyta
um fátækt á íslandi þótt
tekjur allra íslendinga
tvöfölduðust, tífölduðust
eða jafnvel hundraðfóld-
uðust; nákvæmlega jafn-
margir yrðu undir fá-
tæktarmörkum eftir sem
áður.
Þessi samanburður seg-
ir því ekkert til um það
hvort tekjur lægstu
hópanna hafi hækkað eða
lækkað, heldur aðeins að þeim
hafi fjölgað sem hafa minna en
50% af miðgildistekjum. Við sam-
anburð á efnahagslegri stöðu -
ekki afstæðri stöðu - á milli ára
er þess vegna fróðlegt að skoða
hve margir voru árið 2001 undir
fátæktarmörkunum eins og þau
voru 1995 á verðlagi ársins 2001.
Með því móti eru borin saman
sömu fátæktarmörk á milli ára,
þó þannig að tekið er tillit til
verðbólgu. Þetta er gert í töflu
sem fylgdi erindi Sigurðar Snæv-
arr á málþinginu og kemur þá í
ljós að einstaklingum undir fá-
tæktarmörkum fækkaði úr 4,2% í
2% frá 1995 til 2001, en börnum úr
2,9% í 0,8% og fullorðnum úr 4,7%
í 2,5%. -ÓTG
Samningur um
framtíðarsamvinnu
Undanfarna daga hefur sjávar-
útvegsráðherra Máritaníu, Ah-
medou Auld Ahmedou, ásamt
sendinefnd verið i opinberri
heimsókn í boði Árna M.
Mathiesen sjávarútvegsráðherra.
Ráðherrarnir fóru yfir ýmis mál
er varða möguleika á samstarfi
milli íslands og Máritaníu á sviði
sjávarútvegs.
Sjávarútvegsráðherrarnir und-
irrituðu samning um framtíðar-
samvinnu landanna á sviði sjáv-
arútvegs. Með samningnum er ís-
lenskum fyrirtækjum veitt tæki-
færi til þátttöku í sjávarútvegi
við Máritaníu, bæði hvað varðar
veiðar, vinnslu og fjárfestingar í
þarlendum fyrirtækjum. Samn-
ingurinn kveður og á um sam-
vinnu á sviði fiskveiðistjórnunar,
rannsókna, eftirlits og menntunar
í sjávarútvegi. Þá var ákveðinn
farvegur fyrir áframhaldandi
samvinnu með því að stofnuð
verður sameiginleg nefnd íslands
og Máritaníu sem ætlað er að
fylgja samningnum eftir og stuðla
að samstarfsverkefnum. -GG
www.rey kjavi k J s
^ Kjörskrár í Reykjavík vegna Alþingiskosninga 2003 eru á www.reykjavik.is
Siáðu inn kennitölu og fáðu upplýsingar um kjörstað og kjördeild