Dagblaðið Vísir - DV - 15.05.2003, Qupperneq 18
34
____________________________________________FIMMTUDAGUR 15. MAÍ 2003
Skoðun dv
Sigur Vinstri grænna
í Norðvesturkjördæmi
Jón
Bjarnason
alþingismaöur
Skoðun
Það er ekki ofmælt að
segja að Vinstrihreyfingin
- grænt framboð hafi
fengið góða kosningu í
Norðvesturkjördæmi.
En flokkurinn jók fylgi sitt um
liðlega 2% frá síðustu alþingis-
kosningum og fékk kjördæmakos-
inn þingmann.
Munaði hársbreidd
Vinstri grænir hafa náð á
skömmum tíma að byggja upp öfl-
ugt félagsstarf um allt kjördæm-
ið. Kosningabaráttan var rekin á
eigin málefnum en ekki á óhróðri
um andstæðinginn. Á kosninga-
skrifstofum víðs vegar um kjör-
dæmið var líf og fjör þar sem
svignuðu borðin undan bakkelsi
og öðrum kræsingum, að
ógleymdum hákarlinum frá
Bjarnarhöfn. Raunar munaði
ekki nema hársbreidd, eða liðlega
100 atkvæðum á landsvísu, að
flokkurinn næði öðrum manni á
lista, Áma Steinari Jóhannssyni,
„Raunar munaði ekki nema hársbreidd, eða liðlega
100 atkvceðum á landsvísu, að flokkurinn næði öðr-
um manni á lista, Áma Steinari Jóhannssyni, inn á
þing og þannig hefði VG haldið sínum fyrri þing-
mannafjölda óskertum. “
inn á þing og þannig hefði VG
haldið sínum fyrri þingmanna-
fjölda óskertum.
Það var mikill styrkur fyrir VG
og kjördæmið að fá Árna Steinar
í framboð hér og skaði að hann
skyldi ekki hafa náð kjöri eins og
að var stefnt. En samt sem áður
er bersýnilegt að Vinstri grænir
hafa styrkt stöðu sína mjög í kjör-
dæminu og byggt upp í öllum
hlutum þess hvarvetna ferska og
baráttuglaða liðssveit sem er
reiðubúin til enn stærri átaka á
næstu misserum
Það mátti vera öllum ljóst að
kjördæmabreytingin, þar sem
slegið var saman þrem víðfeðmum
kjördæmum í eitt og fækkað þing-
mönnum úr 15 í 10, hlaut að
skerpa átakalínur milli flokkanna.
Tveir sigurvegarar
Flug Frjálslynda flokksins með
formanninn, Guðjón Arnar Krist-
jánsson, í broddi fylkingar hafði
einnig veruleg áhrif, ekki síst
vegna þess að í mörgu höfðaði
hann til hliðstæðra sjónarmiða
og að hluta sömu kjósenda og
Vinstri grænir. Vinstri grænir og
Frjálslyndi flokkurinn eru því
sigurvegarar í kjördæminu í
þessum kosningum. Ég óska
Frjálslynda flokknum til ham-
ingju með glæsilegan kosninga-
sigur í kjördæminu.
Því miður tókst ekki að fella
ríkisstjórn Framsóknar og Sjálf-
stæðisflokks. En gjörðir hennar á
síðustu árum hafa reynst íbúum í
Norðvesturkjördæmi þungar í
skauti.
Hvaö gerir Framsókn?
Allar líkur benda til að sama
ríkisstjómarmynstur verði
áfram. Það verður fróðlegt að
fylgjast með Framsóknarflokkn-
um, sem boðaði fráhvarf frá
einkavæðingu á almannaþjón-
ustu, endurvakningu félags-
hyggju og velferðarstefnu og
hvemig hann fellur nú aftur í
einkavæðingarfarið, sem hann
studdi svo eindregið á síðasta
kjördæmabili.
Fyrir hönd framboðs Vinstri
grænna í Norðvesturkjördæmi vil
ég þakka öllum þeim mörgu sem
lögðu hönd á plóg í þessum kosn-
ingum og kjósendum flokksins
fyrir öflugan og góðan stuðning.
Tryggur stuðningsmaður? - „Þá hringlr bjöllum í hleruðum nútíma"
Vondar hlerunarspurningar
Þorsteinn Hákonarson
framkvæmdastjórí skrífar:
Þegar maður verður fyrir því í
skoðanakönnun að vera spurður
hvort maður sé tryggur stuðnings-
maður þá hringir bjöllum í
hleruðum nútíma. Sú tækni er
framkvæmanleg, að hlera, sú
tækni er framkvæmanleg, að
brjótast í tölvukerfl, sú tækni er
framkvæmanleg, að læða inn
„tryggum stuðningsmönnum" í
úrtak hjá aðilum sem gera skoð-
anakannanir. Þetta er allt fram-
kvæmanlegt ef skipulega er að
staðið.
En það er staðreynd að skipu-
legar hleranir eru stundaðar af
mörgum aðilum, m.a. glæpamönn-
um, vítt og breitt um heiminn, en
þeir sjálflr, sem eru þaulskipu-
lagðir, nást ekki með hlerunum -
kynferðisglæpamenn nást hins
vegar með hlerun á Netinu, svo
dæmi sé tekið.
Röng spurning
Vegna þessa þá er spumingin
um hvort orðið „tryggur stuðn-
ingsmaöur" sé óviðeigandi. Hler-
„Ef skoðanakannari verð-
ur fyrir rafrœnni árás,
án þess að vita það, get-
ur hann verið að minnka
trú fólks á að það taki
því að kjósa einhvem
sem á þá ekki séns hvort
sem er. Það er í eðli sínu
kosningasvindl. “
ari getur skráð og hugsanlega not-
fært sér það. Það er hins vegar
ekki málið hvort „tryggir stuðn-
ingsmenn" borði að meirihluta
hafragraut á morgnana. Það kem-
ur spá um kosningaúrslit ekkert
við. Þess vegna eiga spumingar,
sem ekki snerta kosningaúrslit
beint, ekki að vera með í skoðana-
könnunum. Og hafl einhver safn-
að upplýsingum um „tryggð" þá er
alltaf möguleiki á spillingu.
Þess vegna eiga skoðanakann-
anir að vera fastar við yfirlýst við-
fangsefni og þeir sem hringja eiga
að segja að upplýsingar sem gefn-
ar eru séu ekki fullvarðar gegn
hlerun.
Ef skoðanakannari verður fyrir
rafrænni árás, án þess að vita það,
getur hann verið að minnka trú
fólks á að það taki því að kjósa
einhvem sem á þá ekki séns hvort
sem er. Það er í eðli sínu kosn-
ingasvindl. En fólki er ekki sagt
frá því að upplýsingar sem það
gefur séu ekki varðar fyrir hlerun.
Það eru hins vegar einungis sér-
stakir aðilar sem hafa þá aðstöðu
í hlerun að hafa raddgreini til að
þekkja þá.
Sjálfur var ég kominn með slíkt
þegar árið 1976, en það var dýr og
erfíð tækni þá. Og orsökin var sú
að ég held því fram að heimurinn
gerist frekar en að hann sé. í stað-
inn fyrir sjálfstæða hluti eins og
massa, tíma, rúm og rafhleðslu, þá
gerist hlutir af rúmi í framvindu
sem tími er talning á og rafhleðsla
sá þáttur gerundarfasa sem sam-
hæfir það út á við, að nýsköpun
eða eyðing fari ekki fram. - Er
nema von að menn hvái og hleri
og velti fyrir sér hvort það sé ein-
hvers staðar kjamorka í þessu.
ÞekRja ekki tíðarandann
Gunnar Gunnarsson skrifar:
Mér, sem almennum neyt-
anda og matvælakaupanda hér
á höfuðborgarsvæðinu, er í
raun og sannleika farið að
blöskra hve illa hefur verið
haldiö á málum bænda i land-
inu og að forsvarsmenn þeirra,
allir sem-einn, skuli leyfa sér
að fullyrða að það sé frelsinu
að kenna hvemig komið er fyr-
ir kjötframleiðslu og sölú þess-
arar gæðavöru. Offramleiðsla
kjöts er afleiðing frelsisins, seg-
ir Ari Teitsson, formaður
Bændasamtakanna, og meinar
auðvitað oframleiðslu á
kjúklingum og svínakjöti. Hann
myndi vilja sjá verð á þessum
tveimur kjöttegundum mun
hærra en nú er, eitthvað í lík-
ingu við lambakjötið. Formað-
urinn virðist ekki skilja tíðar-
andann; neysla á kjúklingum
hefur farið fram úr öllum spám
um neysluhefðir hér en það
sáu menn þó þegar fyrir u.þ.b.
áratug. Bændasamtökin áttu þá
strax að aðstoða sauðíjárbænd-
ur við að draga úr framleiðslu
þeirra ásamt því að fækka
milliliðunum sem eru orðinn
baggi á framleiðslunni og koma
í veg fyrir viðunandi skilaverð
til bændanna sjáifra.
Áttl aö sjá þróunina fyrir löngu.
Enginn útundan á fyrsta fundi.
Svapt-hvíta þingliðið
Guðrún Kristjánsdðttir skrifar:
í Mbl. sl. þriðjudag mátti sjá heil-
síðu auglýsingu frá Samfylkingunni
þar sem allt nýja þingliðið var kynnt
til sögunnar i svart-hvítri prentun.
Kærar þakkir, stóð undir auglýsing-
unni. Þetta minnti marga á aðra
auglýsingu frá Samfylkingunni fyrir
kosningar þar sem hún raðaði sam-
an öllum forsætisráðherrum lýðveld-
isins frá upphafi, mörgum myndum
af sömu mönnunum saman (líklega
til að stækka auglýsinguna í heila
síðu; Samfylkingin hefur svo mikl-
um peningum úr að spila!). Og neðst
var mynd af Ingibjörgu Sólrúnu
Gísladóttur, forsætisráðherraefninu,
í lit. í auglýsingu Samfylkingarinnar
sl. þriðjudag er Ingibjörg skilin út-
undan. Hún þakkar ekki fyrir sig.
Og ekki heldur allir hinir sem voru
í framboði en töpuðu; þeim er haldið
til baka eins og „óhreinu bömun-
um“. Ingibjörg Sólrún mætir þó á
fund með þingflokknum eftir kosn-
ingar. Hún hefði því átt að þakka -
eins og hinir.
Guðjón Guðmundsson skrifar:
Enn er rekstur RÚV til umræðu,
og kannski sem aldrei fyrr, einfald-
lega vegna þess að það getur ekki
gengið lengur að reka Ríkisútvarpið
og allt þess batterí (meðtalið sjón-
varp og dægurlagaútvarp) með millj-
arðs króna tapi á 8 árum. Búiö er að
„gefa heimild" til þess að reka RÚV
með rúmlega 200 milljóna kr. tapi í
ár! Og RÚV svarar með því að krefj-
ast þess að losna undan lífeyrissjóða-
skuldbindingum og að rjúfa tengslin
við Sinfóníuna. Allir vita að þetta
nægir ekki. Og landsmenn vUja losna
undan beinni ánauö afnotagjaldsins.
Eina vitið er að gera RÚV að sjálfs-
eignarstofnun eftir að Sjónvarpið
hefur verið lagt af. Nú er tækifærið;
með nýrri ríkisstjóm sem bindur
þetta í málefnasamningi sínum.
Sameinaðir um skynsemisstefnu
í launamálum?
Kjarakjör efst á baugi
Snorri Sigurðsson skrifar:
Margir hafa átt bágt með sig eftir
að Kjaradómur úrskurðaði um hækk-
un launa tU æðstu embættismanna
ríkisins. Ekki vegna þess að laun
þeirra séu úr takti við tímann - þá
sem fá mUdu hærri laun í stjómun-
arstörfum emkageúans - heldur
vegna þess að hér er gefinn upp bolt-
inn fyrir mun hærri launakröfur á
almennum vinnumarkaði þegar líður
á árið. Og ekki nema eðlUegt. Ég
hlýddi á forseta ASÍ í sjónvarpi sl.
þriðjudagskvöld. Varla hafa orð ASÍ-
forsetans vegið þungt í eyrum al-
menns launafóUcs. Framkvæmda-
stjórarnir fyrir Samtökum atvinnu-
lífs og ASÍ, þeir Ari Edwald og Gylfi
Arnbjömsson, vom mun áheyrUegri
og mæltist vel í Kastljóssþætti Sjón-
varps sama kvöld. Þeir töluðu
mannamál og gagnrýndu harðlega
framkvæmd hinna nýju „kjarakjara"
helstu ráðamanna landsins. Óskandi
að þeir samemist um raunhæfa skyn-
semisstefnu í launamálum þegar
kemur tU þeirar kasta, á fundum
með stjómvöldum.
DV Lesendur
Lesendur geta hringt allan sólarhring-
inn í síma: 550 5035.
Eöa sent tölvupóst á netfangiö:
gra@dv.is
Eöa sent bréf til: Lesendasíöa DV,
Skaftahlíö 24,105 ReyKjavík.
Lesendur eru hvattir til aö senda mynd
af sér til birtingar með bréfunum á
sama póstfang.