Dagblaðið Vísir - DV - 25.06.2003, Side 17

MIÐVIKUDAGUR 25. JUNI2003 MENNING 77
Menning
Leikhús ■ Bókmenntir ■ Myndlist ■ Tónlist ■ Dans
Pósthólf dauðans á spænsku
BÆKUR: í vikunni sem leið kom
út á Spáni skáldsagan Pósthólf
dauðans eftir Kristin R. Ólafsson
í þýðingu og aðlögun höfundar-
ins sjálfs. Spænskur titill bókar-
innar er Epitafio (Grafskrift). Þá
hafa tekist samningar um að
gefa út aðra bók Kristins R., Fjöl-
móðs sögu föðurbetrungs,
einnig í þýðingu hans. Svo er
komin út Historias desde el hi-
elo (Sögur af ísnum) sem inni-
heldur barna- og unglingasmá-
sögur frá Norðurlandaþjóð-
unum fimm. Þar hefur Kristinn
R. Ólafsson valið og þýtt í sam-
vinnu við Sol Álvarez þrjár ís-
lenskar sögur, Ormagull eftir
Aðalstein Ásberg Sigurðsson,
Hlemm eftir Öddu Steinu
Björnsdóttur og Sjö á landi, sjö í
sjó eftir Iðunni Steinsdóttur.
Síðasta helgi
SÝNINGAR: Nú er komið að síð-
ustu sýningarhelgi á verkum
Eggerts Péturssonar í i8 gallerí á
Klapparstíg 33. Sýningin hefur
vakið mikla athygli. Opið er
fimmtudaginn og föstudaginn
frá kl. 11-18 og laugardaginn frá
kl. 13-17. i8 verður lokað vegna
sumarfrís íjúlí og verðuropnað
aftur 31. júlí með sýningu á
verkum eftir Roni Horn.
List og
M 1 MYNDLISTARGAGNRYNI
L =
Listasafn Reykjavíkur, Hafnarhúsinu:
Innsýn í erlenda samtímalist á íslandi.
Sýningin stendur til 7. september og er
opin daglega kl. 10-17. Leiðsögn alla
sunnudaga kl. 15.00. Frítt er í húsið á
mánudögum.
Samspil og víxlverkan íslenskrar og er-
lendrar myndlistar er umfjöllunarefni a.m.k.
tveggja myndlistarsýninga sem nú standa yflr
í bænum. Á opnunarsýningu „Safns" á
Laugaveginum, sem nánar verður fjallað um
á næstu vikum, er að finna íslenska samtíma-
myndlist í samhengi þeirrar alþjóðlegu listar
sem þau Pétur Arason og Ragna Róbertsdótt-
ir hafa sankað að sér í tímans rás. I Hafnar-
húsi, Listasafni Reykjavíkur, getur síðan að
líta sýningu sem ber nafnið „Innsýn í erlenda
samtímalist á Islandi", sem Ingólfur Örn Arn-
arson myndlistarmaður hefur sett saman.
Þar er líka að finna verk í eigu þeirra Péturs
og Rögnu, en einnig verk úr fórum þriggja
annarra einstaklinga og þriggja opinberra
listasafna.
Á síðarnefndu sýningunni er vissulega
margt áhugaverðra listaverka, jafnt gamalla
kunningja sem verka sem ekki hefur áður
verið flíkað, en helsta aðal hennar er samt
sjálf upphengingin. Kaldranalegir salirnir á
efri hæð Hafnarhússins hafa sjaldan myndað
betri umgjörð utan um myndlistina en í þetta
sinn sem helgast að miklu leyti af náttúru
verkanna sem sýnd eru. Ýmist kallast harð-
hnjóskulegur arkitektúrinn á við myndraðir í
lenska
naumu formi og grátónum (Douwe Jan Bakk-
er) eða myndverk sem eru beinlínis arki-
tektónísk, samanber þrykk Donalds Judds,
eða þá að hrátt yfirbragð verkanna fellur eins
og flís við rass hrásteypunnar í sýningarsöl-
unum; þetta á t.d. bæði við um verk Dieters
Roths og Franz Grafs.
Ingólfur Örn hefur hugað
vendilega að útliti verka og
samspili þeirra í sýningarrým-
inu. Og haft erindi sem erfiði.
Hins vegar virðist ýmislegt
annað en innbyrðis samræmi
verkanna hafa vakað fyrir
honum, samanber hugleið-
ingar hans í sýningarskrá.
Staðbundin list og almenn
Ingólíúr Örn hefur sem sagt hugað vendi-
lega að útliti verka og samspili þeirra í sýn-
ingarrýminu. Og haft erindi sem erfiði. Hins
vegar virðist ýmislegt annað en innbyrðis
samræmi verkanna hafa vakað fyrir honum,
samanber hugleiðingar hans í sýningarskrá.
Illu heilli er þeim tæplega fylgt eftir í sjálfri
sýningunni. Að vísu viðrar Ingólfur örn al-
menna þanka um nauðsyn þess fýrir Islend-
inga að eignast verk eftir erlenda listamenn
og missa ekki af lestinni, samanber langvar-
andi vanmat landsmanna á myndlist Dieters
Roths. Hér hefði ég viljað sjá hann skerpa á
því argúmenti með tillögum um það hvers
konar erlenda myndlist við ættum að bera
okkur eftir, en sýnist hann þó vera hallur
undir listamenn sem tengjast íslandi með
Hexrec-hópurinn með tónleika íVínarborg
Eyru Vínarbúa eru móttækileg
fyrir fleira en Mozart og Vínarvölsum
Hljóðfærahópurinn Hexrec sem skip-
aður er tónskáldunum Hilmari Þórðar-
syni og Ríkharði H. Friðrikssyni, ásamt
blokkflautuleikaranum Camillu Söder-
berg hélt tónleika á Electronischer
Frúhlung tónlistarhátíðinni í Vínarborg
nú nýlega. Á efnisskrá voru verk eftir
Hilmar og Ríkharð auk þess sem flutt
var verkið „Þar sem syndin er falleg"
eftir Lárus Halldór Grímsson.
Tónleikarnir fóru fram í Alte Schmiede
tónleikasalnum. Þeir voru mjög vel heppnað-
ir og viðtökur fóru fram úr björtustu vonum.
Sannaðist þar að eyru Vínarbúa eru móttæki-
leg fyrir fleiru en Mozart-sónötum og Vínar-
völsum því dagskráin var mjög framsækin
þar sem spiluð var eingöngu lifandi raftón-
list. Hljóðfæranotkun er í mörgu mjög fram-
andi því notaðar eru rafmagnsblokkflautur
og rafhljóðfæri af ýmsum toga sem minna lít-
ið á hefðbundin hljóðfæri.
Var auðsjáanlegt að
tónleikagestir voru mjög
spenntir fyrir þessum undar-
lega hljóðfærakosti
Var auðsjáanlegt að tónleikagestir voru
mjög spenntir íyrir þessum undarlega hljóð-
færakosti því eftir að hafa látið þakklæti sitt í
ljós með miklu lófaklappi í lok tónleikanna
þá gáfu margir þeirra sig á tal við hljómsveit-
armeðlimi og vildu ólmir fá meiri upplýsing-
ar um þessa nýju tækni sem notuð var við
tóngjörninginn.
Reyndi hljómsveitin
að svala þessari for-
vitni eftir fremsta
megni en leysti síðan
vandann með því að
lofa að koma fljót-
lega aftur.
RAFTÓNUST: Hexrec-
hópurinn:Talið frá
vinstri: Camilla Söder-
berg. Hilmar Þórðarson
og Ríkharður H.
Friðriksson.
einum eða öðrum hætti, opna okkur nýja sýn
á land okkar, veruleika og list: Roth, Roni
Horn og nú síðast Matthew Barney. Ef þetta
er rétt skilið, er ég öldungis sammála.
En áhugaverðari er samt stuttleg tilraun
Ingólfs Arnar til skilgreiningar á því sem ís-
lenskt er í íslenskri myndlist. Hann spyr: Er
ekki öll góð myndlist bæði staðbundin og al-
menn? Og er myndlist erlends listamanns,
sprottin upp úr íslenskum aðstæðum, nokk-
uð óíslenskari en verk listamanna sem fædd-
ir eru á landinu, o.s.frv.? Ég hefði viljað sjá
Ingólf Örn gera sjálfa sýninguna að vettvangi
fyrir þessar hugleiðingar, í stað þess að láta
stjómast af auganu og sýningarrýminu.
Verk eftir frumkvöðla
Verkin á sýningunni eru frá sfðustu 40
ámm, flest frá síðustu tveimur áratugum. Til
að áhorfendur freistist ekki til að halda að ís-
lendingar séu nýlega farnir að safna verkum
erlendra listamanna er rétt að taka fram að í
opinberum söfnum og einkasöfnum fslend-
inga leynast verk, aðallega grafík, vatnslita-
myndir og teikningar, eftir marga merkustu
listamenn 20stu aldar, allt frá Munch til Ant-
onis Tapíes. Þar á meðal er grafík eftir fmm-
kvöðla á borð við Picasso, Miró, Chagall,
Braque og Dali, málverk og teikningar eftir
Cobra-menn (Jorn, Carl-Henning Pedersen,
Heerup, Alfelt, Mortensen, Alechinsky,
Rooskens), ýmsa meðlimi Parísarskólans
(Vasarely, Deyrolle, Schneider), bandaríska
fmmkvöðla (David Smith, Oldenburg, Robert
Morris) og loks fulltrúa evrópskra poppara,
t.d. Hamilton, Kitaj, Adami, Fahlström.
Það skyldi þó ekki vera að frásagnir af land-
lægu áhugaleysi Islendinga um erlenda
myndlist séu stórlega ýktar? Úr því væri gam-
an að fá skorið.
FERDATASKA:
Grunnáhöld hryðju-
verkamannsins. Verk
eftir Axel Lischke.
Meistarar formsins
Á laugardag verður sýningin „Meistar-
ar formsins: Úr höggmyndasögu 20.
aldar" opnuð í Listasafninu á Akureyri,
en hún er gerð í samvinnu við Ríkis-
listasafnið í Berlín (Nationalgalerie
Berlin).
Lfldega hefur aldrei áður verið haldin sýn-
ing á höggmyndum á Islandi sem endur-
speglar á jafn hnitmiðaðan og yfirgripsmik-
inn hátt þróun vestrænnar nútímamyndlist-
ar og þessi sýning í Listasafninu á Akureyri. Á
sýningunni er íslenskum höggmyndalista-
mönnum jafnframt stillt upp í samhengi við
þá sem heimsbyggðin þekkir og voru stefnu-
mótandi, hver á sínum tíma. Alls eru verk eft-
ir 43 listamenn á sýningunni, en þar af eru
ellefu fslendingar, og verkin um hundrað.
Sendiherra Þýskalands, dr. Hendrik Dane,
og yfirsýningarstjóri Hamburger Bahnhof-
safnsins í Berlín, sem heyrir undir Ríkislista-
safnið, Britta Schmitz, verða viðstödd opnun
sýningarinnar. Þá hefur verið gefin út 90
síðna bók á íslensku og ensku um listamenn-
ina og verkin á sýningunni.
Öll erlendu verkin nema eitt eru fengin að
láni frá Ríkislistasafninu í Berlín. Verk íslensku
listamannanna koma víða að, frá Listasafni
Reykjavíkur, Listasafni fslands, Listasafni
Kópavogs, listasöfnum Sigurjóns Ólafssonar
og Einars Jónssonar og Gallerí i8. Sýningin
hlaut styrk úr Menningarborgarsjóði og lýkur
henni miðvikudaginn 20. ágúst.