Dagblaðið Vísir - DV - 04.09.2003, Blaðsíða 4

4 FRÉTTIR FIMMTUDAGUR 4. SEPTEMBER 2003
Þyrlurnar komnar aftur
BJÖRGUN: Þrjár björgunarþyrl-
ur Varnarliðsins á Keflavíkur-
flugvelli og flestir þeirra 65
liðsmanna björgunarsveitar-
innar og annarrar liðssveita
varnarliðsins sem sendir voru
með þeim til tímabundinna
starfa í Sierra Leone og Líberíu
sneru aftur til Keflavíkurflug-
vallar á mánudag. Þyrlurnar
voru fluttar utan með skömm-
umfyrirvara 13. júlí og voru til-
búnar til starfa átta klukku-
stundum eftir lendingu í Sierra
Leone. Þar veitti björgunar-
sveitin liðsmönnum Banda-
ríkjahers og sendiráðsstarfs-
mönnum í Monróvíu aðstoð og
flutning og annaðist sjúkraflug.
Varnarliðsmennirnir sögðust
fegnir að koma heim eftir 50
daga strangt úthald.
Tölvum stolið
LÖGREGLA: Brotist var inn í fyr-
irtæki við Skipholt í nótt og
þaðan stolið tölvum. Tilkynning
þar um þarst lögreglu um fjög-
urleytið. Þjófarnir hafa ekki
náðst. Þá fannst mannlaus bíl
úti í á í Þormóðsdal í nágrenni
Mosfellsbæjar. Ekki virðist hafa
verið um slys að ræða en lög-
regla rannsakar málið.Tilkynnt
var um mikinn reyk í hesthúsi í
Víðidal. Þegar lögregla og
slökkvilið komu á vettvang
reyndist heitt vatn hafa lekið í
kjallara og steig mikil gufa frá
vatnselgnum. Að öðru leyti var
rólegt á höfuðborgarsvæðinu
og helstu lögregluumdæmum.
Engin óhöpp eða útköll voru
vegna veðurs en Veðurstofan
hafði varað við stormi.
Lagafrumvarp 2002 um breytingar á þungaskatti:
Hörð andstaða
olíufélaganna
Ljóst er að olíufélögin hafa haft
mikið með framvindu þunga-
skattsmálsins á dísilbíla að
segja. Hafa áætlanir stjórn-
valda mætt þar harðri and-
stöðu.
f bréfi fjármálaráðuneytisins,
dagsettu 22. júlí 2002, var óskað
umsagnar Olíudreifingar ehf. um
frumvörp til laga um olíugjald og
kílómetragjald og frumvarp til
breytinga á lögum um vörugjald af
ökutækjum, eldsneyti o.fl. sem fjár-
málaráðherra hafði lagt til kynn-
ingar á Alþingi.
Umsögn Olíudreifingar var send
fjármálaráðuneytinu 11. október
2002. Leitaði Olíudreifing álits eig-
enda félagsins, þ.e. Olíuverzlunar
fslands hf. og Olíufélagsins ehf., og
var gefin sameignleg umsögn um
málið.
Olíudreifing gerði
margháttaðar athuga-
semdir við frumvarpið
og lagðist gegn því í
óbreyttri mynd.
Engar athugasemdir voru gerðar
við frumvarp um breytingu á lög-
um um vörugjald af ökutækjum,
eldsneyti o.fl. Hins vegar voru gerð-
ar athugasemdir við lög sem koma
áttu i stað laga um fjáröflun til
vegagerðar nr. 3/1987 og miða að
því að afleggja þungaskatt á gasol-
íudrifin ökutæki að hluta og setja
BARA BENSfN: Olíufélögin hafa lagst hart gegn breytingum á þungaskattskerfinu en þær miða að því að þungaskattur verði lagður á
dísilolíuverðið. Núverandi kerfi er þó talið helsta orsök þess að ekki hefur orðið sama þróun í sölu disilbila hér á landi og víðast í Evrópu.
hluta skattheimtunnar í eldsneytis-
verðið.
Olíudreifing ehf., sem dreifingar-
aðili á stærstum hluta þess elds-
neytis sem frumvarpið átti að ná
yfir og sem stórnotandi á gasoiíu,
gerði margháttaðar athugasemdir
við frumvarpið og lagðist gegn því í
óbreyttri mynd.
Fundið flest til foráttu
Er það gróft mat félagsins að
frumvarpið muni að óbreyttu auka
skattbyrði félagsins um 17% frá nú-
verandi þungaskattskerfi sem er
veruleg íþynging og óásættanlegt.
Bent er á að frumvarpið leggi til
að innheimta og framkvæmd skatt-
lagningar verði færð frá hinu opin-
bera til einkaaðila sem hafa allt
aðra og óljósari réttarstöðu og geta
jafnvel valdið sér refsiábyrgð ef
framkvæmdin er ónákvæm. Mistök
eigi sér stað eða að einstakir starfs-
menn misstígi sig, með tilheyrandi
neikvæðri umfjöllun og lýti á orð-
spori. Þetta hafi í för með sér að
auk eftirlits hins opinbera með
framkvæmd laganna þurfi félagið
einnig að hafa eftirlit með fram-
kvæmdinni sem veldur verulegum
aukakostnaði fyrir samfélagið.
Dæmi um óljósa réttarstöðu er
t.d. staða afgreiðslumanns sem
beðinn er um að afgreiða gjald-
frjálsa olíu á tæki sem ekki hafa
heimild til að nota slíka olíu. „Á
starfsmaðurinn að kveða úr um
það og hvenær á hann að leita sér
ráðgjafar um það og bæri hann
hugsanlega refsiábyrgð á þeim
gjörningi sem þó væri að ósk við-
skiptavinar?"
Hagkvæmni og sparnaður
Rökin íyrir lagafrumvarpinu voru
hins vegar m.a.:
1. Hagkvæmni við að kaup á spar-
neytnari gasolíudrifnum ökutækj-
um sé meiri,
2. Fleiri muni nota gasolíudrifin
ökutæki,
3. Greiðslubyrði hvers gjaldanda
verði jafnari,
4. Undanskot frá skattheimtu
minnki,
5. Sparnaður við framkvæmd og
umsýslu náist.
Að auki eru færð rök fyrir að:
6. Fara litunarleið frekar en end-
urgreiðsluleið við innheimtu gjalds-
ins vegna minni tilkostnaðar.
Þessi rök rifu olíufélögin niður lið
fyir lið í athugasemdum sínum og
fundu frumvarpinu flest til foráttu. I
lok athugasemdanna segir síðan:
„Er því lagt til að frumvarpið
verði endurskoðað í samvinnu við
hagsmunaaðila." hkr@dv.is
Um 60 prósent barnanna slasast í bíl
Um 60 prósent barna, 0-6 ára,
sem slösuðust í umferðinni
1991-2000, slösuðust í bílum.
Mun færri, eða um 30 prósent,
slösuðust á gangi. Enn færri
slösuðust á hjóli eða rétt um 10
prósent.
Þessar upplýsingar koma fram í
skýrslu sem María Finnsdóttir hjá
Umferðarstofu tók saman og koma
mun til umræðu á námskeiði um
öryggisbúnað barna í bflum sem
Árvekni, Umferðarstofa og sænska
umferðarstofan NTF standa fyrir á
Grand Hótel Reykjavík í dag.
Á árunum 1991-2000 slösuðust
alls 515 börn á aldrinum 0-6 ára í
umferðinni eða um 52 börn að
meðaltali á hverju ári. Af þeim
hlutu 430 börn eða 83,5 prósent
minniháttar meiðsl, 74 eða 14,4
prósent slösuðust alvarlega og 11
eða 2,1 prósent létust. Flest barn-
anna sem slasast eru í bflum.
Af þeim 11 börnum í fyrrnefnd-
um aldurshópi sem létu lífið í um-
ferðarslysum voru flest í bflum eða
7. Þrjú voru gangandi og eitt á hjóli.
Bráðabirgðatölur segja að 47 börn
hafi slasast í umferðinni árið 2001
en sú tala er aðeins undir meðaltal-
inu.
í aldurshópnum 7-14 ára slösuð-
ust 1145 börn í umferðinni á árun-
um 1991-2000. Þar af slösuðust
flest í bflum eða 41 prósent en 28,1
prósent slösuðust gangandi og 26,7
7997 7992 7993 7994 7995 7996 7997 7998 7999 2000
H íbíl Gangandi A hjóli
prósent á hjóli, 0,9 prósent sem far-
þegar á hjólum og 3,3 prósent í öðr-
um slysum í umferðinni.
Þá kemur enn fremur fram í
skýrslunni að 45 börn og unglingar
á aldrinum 0-18 ára hafi beðið
bana í umferðarslysunum á áður-
nefndu 10 ára tímabili.
Samkvæmt þessu er bfllinn
hættulegur staður íyrir börn og ekki
sama hvernig að slysavörnum fyrir
börn er staðið við framleiðslu bfla.
Á námskeiðinu í dag mun Thomas
Carlsson, upplýsinga- og markaðs-
stjóri NTF, gamalreyndur blaða-
maður og fyrrum ritstjóri Motor,
fjalla um hvernig umbætur á bflum
virðast ekki taka nægilegt mið af ör-
yggi barna. hlh@dv.is