Dagblaðið Vísir - DV - 04.09.2003, Blaðsíða 28

28 DVSPORT FIMMTUDAGUR 4. SEPTEMBER 2003
DVSport
Keppnií hverju orðí
Netfang: dvsport@dv.is
Sfmi: 550 5885 • 550 5887 • 550 5889
Asgeir bestur
KNATTSPYRNA: Stjórn Knatt-
spyrnusambands fslands hefur
valið Ásgeir Sigurvinsson sem
besta knattspyrnumann (s-
lands síðastliðin 50 ár.
Knattspyrnusamband Evrópu,
UEFA, heldur á næsta ári upp á
50 ára afmæli sitt og leggur
sambandið mikið kapp á að öll
52 aðildarlöndin taki virkan
þátt í hátíðahöldunum. Meðal
á Islandi síðustu
þess sem UEFA hefur farið fram
á við knattspyrnusamband
landa í Evrópu er að þau út-
nefni besta leikmann hvers
lands síðustu 50 árin. Atvinnu-
mannaferill Ásgeirs var einkar
glæsilegur. Hann byrjaði hjá
belgíska félaginu Genk árið
1973 en árið 1981 gekk hann
til liðs við stórlið Bayern
Munchen. Ári seinna gekk *
50 ár
hann svo til liðs við Stuttgart
og með þeim varð hann þýsk-
ur meistari árið 1984 en sama
ár var hann einnig valinn besti
leikmaður þýsku úrvalsdeildar-
innar. Ásgeir var tvisvar valinn
íþróttamaður ársins á íslandi,
árin 1974 og 1984, en hann er
eini íslenski knattspyrnumað-
urinn sem hefur hlotnast sá
heiður.
BESTUR: Ásgeir þykir hafa skarað
fram úr á islandi síðustu 50 ár.
Mikil pressa á þýska liðinu
Eyjólfur Sverrisson metur alla leikmenn þýska landsliðsins fyrir DV Sport
Eyjólfur Sverrisson, fyrrum
landsliðsfyrirliði, lauk gifturík-
um atvinnumannaferli í lok síð-
asta tímabils. Hann lék lengst af
sínum ferli í Þýskalandi. Fyrst
með Stuttgart og síðar með
Herthu Berlin eftir smá milli-
lendingu í Tyrklandi. Það má
því leiða líkum að því að Eyjólf-
ur sé manna fróðastur hér á
landi um þýska boltann enda
hefur hann leikið gegn öllum
leikmönnum þýska landsliðs-
ins. DV Sport fékk Eyjólf til þess
að meta hvern einasta leik-
mann þýska hópsins. Hvar
styrkleikar og veikleikar hvers
leikmanns lægju og hvaða leik-
menn helst þarf að varast á
Laugardalsvellinum á laugar-
dag. Við spjölluðum einnig við
Eyjólf um leikinn en hann hefur
sjálfur aldrei leikið gegn þýska
landsliðinu.
„Leikurinn leggst mjög vel í mig.
Ég er orðinn mjög spenntur og far-
ið að hlakka til að fylgjast með
þessu,“ sagði Eyjólfur í samtali við
DV Sport í gær.
„Ég vona bara að við náum að
hitta á góðan leik og náum með því
að stríða og standa í þeim. Ef það
gerist verður þetta skemmtilegur
leikur. Ég vona að þeir eigi ekki
sinn besta leik að þessu sinni og að
þetta verði góð skemmtun."
Eyjólfur hefur fylgst náið með
umræðunni í Þýskalandi um leik-
inn undanfarið og hann segir að
það sé mikil pressa á þýska lands-
liðinu að innbyrða þrjú stig á Laug-
ardalsvellinum.
„Það er gríðarlega mikil pressa á
þeim. Strax eftir Færeyjaleikinn hjá
okkur var farið að tala um að nú
væru þeir ekki lengur í efsta sæti
„Þessar yfirlýsingar hjá
Lehmann um að hann
vilji vera númer eitt í
landsliðinu eru bara
gömul lumma."
riðilsins. Þannig að það er klárt að
þeir koma hingað til þess að vinna
leikinn og ætla að sýna það að þeir
séu besta liðið í riðlinum. Þannig
að það er mikil pressa á þeim að
vinna þennan leik. Svo hafa líka
margir sagt að þeir verða en við vilj-
um og það er okkur í hag,“ sagði
Eyjólfur sem vonast til þess að
gamall frasi sem oft er notaður um
þýska landsliðið eigi ekki við á
laugardaginn.
„Það er oft sagt að knattspyrnu-
leikur taki 90 mínútur og í lok hans
sigra Þjóðverjar. Ég ætla rétt að
vona að það verði ekki raunin um
helgina."
Litlar yfirlýsingar
„Þeir hafa annars ekki verið með
hástemmdar yfirlýsingar fyrir utan
það að þeir ætla sér að vinna leik-
inn,“ sagði Eyjólfur sem hefur ekki
trú á því að það sé mikil kergja í
þýska landsliðshópnum þótt sumir
leikmanna liðsins hafi verið að
senda hver öðrum pillur undan-
farnar vikur en þar hefur farið
fremstur í flokki fyrirliðinn' Oliver
Kahn.
„Málið er að Oliver Kahn er alltaf
að vekja þessa stráka og sparka í
afturendann á þeim. Er mikið í því
að koma þeim á jörðina. Þetta er
alltaf viss taktík hjá honum og hann
hefur beitt þessu mikið hjá Bayern
Múnchen Ifka. Hann er mikið fyrir
það að skella upp smá stemningu
til þess að vekja menn. Hann hefur
reyndar sjálfur sagt að hann þoli
það ekki þegar allt er í góðu fyrir
leiki. Honum líður mjög illa þegar
öllum öðrum líður vel í kringum
hann. Þessar yfirlýsingar hjá Leh-
mann um að hann vilji vera númer
eitt í landsliðinu eru bara gömul
lumma. Mér finnst þeir persónu-
lega áþekkir enda báðir frábærir
markverðir. Nema Lehmann á það
frekar til að gera mistök en Kahn.
Jens Lehmann er svona týpa að
„Málið er að Oliver
Kahn eralltafað vekja
þessa stráka og sparka
í afturendann á þeim.
Þetta er viss taktík hjá
honum"
þegar vel gengur hjá honum og lið-
ið er á toppnum þá byrjar hann
alltaf á því að krefjast þess að vera
aðalmarkvörður í landsliðinu. Svo
þegar illa gengur heyrist ekki múkk
í honum. Þannig að þetta er orðinn
þekkt lumma í Þýskalandi."
henry@dv.is
MEÐ ÞÝSKA BOLTANN Á HREINU: Eyjólfur Sverrisson sést hér í kveðjuleik sínum með
Herthu Berlin á dögunum. Eyjólfur spáir í spilin fyrir DV Sport og segir sitt álit á öllum leik-
mönnum þýska landsliðsins. DV-mynd Pjetur
Oliver Kahn, mark
Bayern Múnchen, 61 leikur
„Frábær markvörður, leiðtogi
liðsins og sá leikmaður sem
drífur liðið áfram. Hann smit-
ar mikið út frá sér og krefst
mikils af samherjum sínum.
Hann sparkar í rassinn á fé-
lögum sínum þegar þeir
þurfa á því að halda. Ef hægt
er að tala um einhverja veik-
leika hjá Kahn þá er það
kannski helst úthlaupin hjá
honum en hann er engu að
síður skynsamur og veður
ekki í vitleysu."
Jens Lehmann, mark
Arsenal, 16 leikir
„Hörkumarkvörður sem hef-
ur það kannski fram yfir
Kahn að hann er sterkari í
úthlaupum.
Mér finnst hann í sjálfu sér
ekkert síðri leikmaður en
Kahn. Þjóðverjar hafa tvo
sterka markverði og eru alls
ekki í vanda ef Kahn meiðist
því að mínu álíti er Lehmann
jafn sterkur á milli stang-
anna og eins og áður segir
betri í úthlaupum."
Frank Baumann, vörn
Werder Bremen, 17 leikir
„Hann er mjög rólegur leik-
maður. Sterkur skallamaður
og gríðarlega fastur fýrir.
Veikleikar hans eru kannski
þeir að hann er fullrólegur í
tíðinni á stundum og það
heyrist frekar lítið í honum.
Einnig vantar hann svolítið
upp á hraða.
Með því er ég ekki að segja
að hann sé seinn en hann
vantar samt vissulega meiri
hraða og það má nýta sér."
Arne Friedrich, vörn
Hertha Berlin, 10 leikir
„Þetta er hörkuleikmaður
sem býr yfir gríðarlega mikl-
um hraða. Hann er geysilega
mikill íþróttamaður og er vel
þjálfaður.
Hann er gríðarlega mark-
sækinn enda fljótur, flinkur
með boltann og mjög áræð-
inn. Spilar oft sem hægri
bakvörður og sækir hátt upp
völlinn. Eitt mesta efni sem
komið hefur fram lengi og
hefur varpað Deisler algjör-
lega í skuggann. Veikleiki
hans er að enn vantar hann
uppá reynslu."
Michael Hartmann, vörn
Hertha Berlin, 3 leikir
„Þetta er virkilega fljótur
leikmaður sem er jafnvígur á
báða fætur. Skemmtilegur
strákur sem verður að hafa
góðar gætur á því hann er
virkilega skæður.
Hans helsti veikleiki er aftur
á móti sá að hann er lélegur
skallamaður og svo er hann
tiltölulega nýlega kominn í
landsliðið þannig að hann
vantar enn að fá reynslu
með liðinu."
Marko Rehmer, vörn
Hertha Berlin, 33 leikir
„Þetta er einstaklega fljótur
leikmaður og sá sprettharð-
asti í þýska landsliðinu.
Hann lítur ekki út fyrir að
vera það en hann er mjög
stórstígur og í öllum mæl-
ingum er hann langfljótastur
af þeim öllum. Hann er
einnig líkamlega sterkur
strákur.
Hann vantar upp á tæknina
og er ekki mjög sérstakur á
boltanum. Honum leiðíst að
hanga á boltanum."