Dagblaðið - 06.04.1976, Blaðsíða 8

DAGBLAÐIÐ ÞHIÐJUDAGUR 6. APRÍL 1976.
15-16 þúsund skotvopn
eru tíl í landinu
„Ekki er ólíklegt, aö um 15 til
16 þúsund skotvopn séu nú til í
landinu,” segir í athugasemd-
um við frumvarp um skotvopn,
sprengiefni og skotelda, sem
ríkisstjórnin hefur lagt fram á
Alþingi.
Skráning skotvopna hófst
hér á landi á árinu 1936. Þá
voru sett lög um meðferð
þeirra, innflutning og sölu.
Eftir upplýsingum frá lögreglu-
stjóraembættinu í Reykjavík
hafa tæplega sjö þúsund skot-
vopnaleyfi verið gefin út í
Reykjavík, frá því að byrjað var
að skrá skotvopn. Þessi tala
segir að visu ekki til um raun-
verulegan fjölda skotvopna.
Veldur því einkum, að stundum
eru fleiri en eitt skotvopn skráð
í sama leyfi, ef sami maður á
fleiri en eitt skotvopn. Á móti
kemur, áð í framangreindri
tölu eru skotvopn, sem orðin
eru ónýt, og skotvopn brott-
fluttra manna úr umdæminú og
einnig er í sumum tilvikum
sama skotvopn skráð oftar en
einu sinni, ef það hefur gengið
-kaupum og sölum.
Hjá bæjarfógetaembættinu á
Akureyri fengust þær upplýs-
ingar, að síðan 1968 hafi öll
skotvopn verið endurskráð og
hafa síðan þá verið endurskráð
og nýskráð um eitt þúsund skot-
vopn. Bæjarfógeti telur, að eitt-
hvað sé ennþá af óskráðum
skotvopnum í umdæminu, sem
ekki hefur verið komið með til
endurskráningar.
Hjá bæjarfógetaembættinu í
Kópavogi fengust þær upplýs-
ingar, að rúmlega 600 skot-
vopnaleyfi hafa verið gefin út
þar frá því að embættið var
stofnað 1955.
Af framangreindu má ráða
að skotvopn í landinu séu
15—16 þúsund. Flest eru þau
haglabyssur og rifflar. Örfáar
skammbyssur hafa verið skráð-
Leyfi gefin út
til 10 ára
Samkvæmt frumvarpinu eru
hvers konar eigendaskipti á
skotvopnum óheimil, nema
leyfi lögreglustjóra komi til,
hvort sem eignarréttur yfirfær-
ist við sölu, gjöf, erfð eða á
annan hátt.
Öll leyfi eiga nú að verða
gefin út til ákveðins tíma og
ekki lengri en 10 ára í senn.
Nú skulu aðeins þeir, sem
eru 20 ára og eldri, fá leyfi fyrir
skotvopni. I gildandi lögum er
ekki tilgreindur lágmarksald-
ur. 1 sumum lögsagnarumdæm-
um hefur tíðkazt, að yngri en 20
ára fái slík leyfi.
Eiganda skotvopns skal
óheimilt að lána það til afnota
nema með leyfi dómsmála-
ráðherra.
Illa gengið frá
sprengiefni
Gerð hefur verið könnun á
geymsluaðstöðu sprengiefna
hér á landi. Hefur komið í ljós,
að mjög skortir á, að geymslu-
aðstaða sé fullnægjandi.
Einungis er nú til ein sprengi-
efnageymsla á landinu, sem
getur talizt viðunandi. Geymslu
þessa byggðu ríkið og Reykja-
víkurborg á árunum 1968—9.
Þó er ekki föst vakt í geymsl-
unni, en mannheld girðing tal-
in vera í kring. 1 athugasemd-
um frumvarpsins segir, að
koma þyrfti upp birgðastöðvum
víða um landið.
I frumvarpinu segir, að ekki
megi selja yngri mönnum en 16
ára skotelda. Ráðherra er þó
heimilt að ákveða, að yngri
menn megi kaupa skotelda, ef
um sé að ræða hættuminni skot-
elda. —HH
Flugleiðir:
Skila þotu
úr leigu og
fú aðra
úr leigu
Nú eru Flugleiðir aö fá DC-8
þotuna, sem félagið leigði
Cargolux í fyrrahaustoger hún að
koma úr mikilli skoðun hjá
United. Flugleiðir keyptu þotu
þessa ásamt annarri eins í fyrra-
sumar, eftir nokkurra ára leigu-
kaupasamninga við Seabord í
Bandaríkjunum, sem átti þær.
Síðan leigðu Flugleiðir Cargolux
aðra þotuna en tóku í stað
hennar enn aðra á leigu hjá Sea-
bord, sem verið er að skila um
þessar mundir. Verður félagið
með fjórar DC-8 þotur í sumar,
tvær eigin, eina sem er leigð allt
árið til Bahama flugsins og eina
sem það hefur á leigu frá Seabord
yfir annatimann í sumar. -G.S.
vV
Rritsijorn
SÍÐUMÚLA 12
Sim ri
81312
Áskrriftrir
Afgrcribsla
Auglýsringar |
ÞVERHOLTI 2
27012
Bandariskur innrásaprammi úr þjónustu Dana og i gegnum
hendur Breta, fœr nýtt hlutverk á íslandi:
1 Stálsmiöjunni er verið að leggja síðustu hönd að smíði fulikomnasta sanddæluskips, er Íslendingar
hafa átt. Db-mynd B.P.
Nýja sanddœiuskipið þarf
ekki hafnarmannviriá
— getur siglt upp í fjöru hvar sem er og losað sig í land
Bandarískur innrásaprammi,
sem einkum var notaður í Dan-
mörku við æfingar og fór síðar til
Bretlands, er nú að verða að full-
komnasta sanddæluskipi, sem hér
hefur nokkurn tíma verið.
Fyrirtækið Björgun h/f i
Reykjavík, sem rekur sanddælu-
skipið Sandey, keypti prammann
frá Bretlandi og •Stálsmiðjan h/f
er nú að ljúka endurbyggingu
hans skv. hollen/.kum teikning-
um og með hoiu o/.kuui lækjum.
Kristinn Guðbrandsson. for-
stjóri Björgunar h/f, sagði í gær,
að skipið ætti aö verða tilbúið um
næstu mánaðamót og færi þá
heint i verkefni Það mun bera
þúsund tonn, en vegna byggingar-
lags — skipið er mjög breitt og mokað upp í skipið um leið og
flatbotna —- gengur það ekki dælt er. Um klukkustund tekur
nema átta til níumíiurþrátt fyrir að fylla skipið við góð skilyrði og
þrjár 350 hestafla vélar. annan eins tíma að losa.
Hugmyndin að baki þessu er að
koma upp grunnskreiðu sand-
dæluskipi, sem geti landað beint
upp í fjöru og þurfi engin hafnar-
mannvirki til að leggjast að. Sagði
Kristinn að það kæmi sér mjög
vel víða úti á landi, og myndi
tilkoma skipsins þannig víða stór-
lækka byggingarkostnað, þar sem
erfitt hefur verið með aðdraj*i á
hráefni í steypu.
Þá er skipið þannig útbúið, að
efnið kemur þurrt upp úr því og
auk þess að geta dælt í sig er stór
krani aftast á þvi, sem getur
Kristinn bjóst við, að skipið
myndi fullbúið kosta 250 til 300
milljónir króna. Þrátt fyrir stærð
þess verða aðeins sex menn um
borð, enda er unnt að stjórna
vélum, dælum og spilum úr
brúnni. Auk skipstjóra verður
þá stýrimaður, vélstjóri, kokkur
og tveir hásetar.
Björgun h/f mun áfram reka
Sandey, sem fyrr er nefnd. enda
mun nýja skipið einkum fara í
fjarlægari verkefni. sem ekkert
skip hér hel'jir gelað sinnt til
þessa. —G.S.
Er vöruúrval
grœnmetis-
verzlunarinnar
meira en
yður grunar?
Vegna fréttar þeirrar í
Dagblaðinu fimmtudaginn
1. apríl að nóg væri til af
grænmeti í Danmörku, sem
hægt væri að flytja til
íslands, hvenær sem væri,
vill Grænmetisverzlun land-
búnaðarins vekja athygli á
þeim vörutegundum.sem hjá
henni eru til.
Frá Danmörku er til um
þessar mundir hvítkál
rauðrófur og sellerírót....
Rauðkál og gulrætur eru til
frá Hollandi. — Allt er þetta
ferskt grænmeti.
Hjá Sölufélagi garð-
yrkjumanna er úrvalið
öllu meira. Af innlendu
grænmeti er til steinselja,
salat og gúrkur. Þá er til
bandarískt iceberg salat,
blómkál og paprika. Einnig
á Sölufélagið von á
frönskum eða spænskum
tómötum fyrir páska.
Reiknað er með því að
verðið á þeim tómötum
verði all verulegra lægra en
á síðustu sendingu sem
kostaði 1.200 krónur hvert
kíló. Nýja verðið mun verða
800-900 krónur kilóið.
-ÁT-
Hótelin:
Neita að
taka við
Reykvík-
ingum
„Við verðum að vernda gesti
hótelsins,” sagði móttökustjóri á
einu hótelanna hér í bæ okkur
þegar spurzt var fyrir því Reyk-
víkingar fengju ekki greiðlega
gistingu á hótelum í Reykjavík.
Reykvíkingar geta að öllu jöfnu
ekki fengið gistingu á Reykja-
víkurhótelunum nema að undan-
genginni rannsókn og verða
tilvonandi gestir þá að færa fram
góð rök, svo sem ónýt hitaveita,
húsið brunnið eða annað sem
gerir þeim ómögulegt að búa
heima hjá sér. „Ef um fjölskyldu-
erjur er að ræða, eru þær ekki
nægjanleg ástæða til að fá inni á
hóteli,” sagði einn vonsvikinn
sem reynt hafði árangurslaust að
komast inn á hótel í Reykjavík á
laugardagsnóttina. Neyddist hann
til að fara heim til kellu sinnar i
bólið, hvort sem honum líkaði
betur eða verr, þrátt fyrir
rifrildið. Hótelin í hans eigin
heimabæ höfnuðu honum á þeirri
forsendu að hann væri
Reykvíkingur.
-BH.
Sjólfstœðismenn í
Garðabœ þjappa sér
saman um mólgagn
Sjálfstæðismenn í Garðabæ
hafa stofnað hlutafélag um
útgáfu blaðsins Garða. Stjórnar-
formaður er Benedikt Sveinsson
hrl., en aðrir í stjórn eru þeir dr.
Gunnar Sigurðsson, verk-
fræðingur, og Valdimar J.
Magnússon, framkvæmdastjóri.
Málgagn sjálfstæðismanna í
Garðahreppi, nú Garðabæ, hefur
komið út áður, en eins og Bene-
dikt Sveinsson sagði í viðtali við
Dagblaðið, „með mestum krafti
fyrir kosningar.”
Áformað er, að blaðið komi út
tíðar en áður, og er stofun hluta-
felagsins liður í þeirri ætlan. 50
aðilar hafa skrifað sig fyrir
framlagi hlutafjár, sem-nemur kr.
500 þúsundum króna.