Dagblaðið - 23.07.1976, Blaðsíða 19

19
DAGBLAÐIÐ FÖSTUDAGUR 211 JULÍ 1976.
Ertu kannski að fara í
útilegu um Verzlunarmanna-
helgina og átt hvorki tjald,
svefnpoka né annað sem maður
þarf á að halda? Hvernig væri
þá að kíkja með okkur Arna
Páli ljósmyndara á nokkuð af
því sem er á boðstólum af
varningi, sem notaður er í úti-
legum og ferðalögum.
Hafa saumað tjöld síðan
1919
Það var vel tekið á móti
okkur í Geysi. Verzlunar-
stjórinn Haraldur Theodórsson
sýndi okkur allt sem nöfnum
tjáir að nefna. Sumt af því sem
hann sýndi okkur, vissum við
ekki að væri til.
Við fórum á háaloftið í Geysi
og litum á tjöldin. Þau eru
framleidd úr bómullardúk og
þeir hafa æfinguna í tjalda-
saumi, þeir hafa framleitt tjöld
frá 1919. Hægt er að fá 2ja
manna tjald á 14.100 krónur.
Fjögurra manna kostar frá
24.100 krónum. Ef við viljum
vera viss um að fari nú ekki að
leka í ausandi rigningu, þá er
til alls konar silicon áburður og
úðunarbrúsar til að bera á
dúkinn. Eins er hægt að fá
þekju, en hún kostar 12.400
krónur.
Svefnpokar eru til í Geysi af
öllum gerðum. Þeir eru ýmist
úr ull eða gerviefnum t.d.
diolin. Verðið á Bláfeldar-
svefnpoka er 6.950 krónur, en
hægt er að fá þá úr Gefjun frá
5.200 krónum. Vindsæng er
einnig hægt að fá fyrir þá, sem
vilja ekki vakna í tjaldinu sínu
lurkum lamdir. Þær kosta frá
2.800 krónum.
Það muna allir eftir því að
taka með sér mat, en ætli það
hafi ekki komið fyrirjgð ein-
hver hafi gleymt hnífapörum.
Það gerir kannski ekki svo
mikið til, en fyrir þá sem vilja
gott ferðasett frá Englandi, þá
er það til frá 4.200 krónum og
allt upp í 12.000, en það er fyrir
sex manns. Grill má fá í
mörgum gerðum og stærðum.
Það ódýrasta og einfaldasta, er
kannski ekki neitt grill, en það
er nú hægt að sjóða á því
apparati. Það fæst - á 3.010
krónur. Svo er líka hægt að fá
útigrill frá 2.300 upp í 5.800
krónur. • Fimm kíló af viðar-
kolum kostar 1.325 krónur. Ef
einhverjir vilja grilla heima
hjá sér eða steikja, geta þeir
keypt sér box, sem halda
matnum ýmist heitum eða
köldum. Þau er hægt að fá frá
fjögur þúsund krónum.
Eins og gefur að skilja er
margt fleira sem Haraldur
lumar á en við látum þessar
upplýsingar nægja í bili.
Skótabúðin: Sérgrein
ferðabúnaður
Á gólfinu var tjald með
feikna stórum himni yfir, Páll
Guðmundsson verzlunarstjóri
sagði okkur að það væri frá
Seglagerðinni Ægi. Það er víst
mest selt af 4 til 6 manna
tjöldum, svo við spurðum um
verðið á þeim. Þau er hægt að
fá frá 25.000 krónum. Þekjuna,
eða himininn öðru nafni, er
hægt að fá frá 18.900 krónum.
Á einum veggnum í
Skátabúðinni var allt fullt af
svefnpokum og það var hægt að
velja úr íslenzkum jafnt sem
útlendum pokum. Þeir íslenzku
kosta frá 4.500 krónum. Það er
líka hægt að fá enska dúnpoka
á 36.000 krónur. Vindsængin
fæst hjá Páli frá 3.400 krónum,
en það er hægt að fá tvíbreiða
og hún kostar 6.000 krónur.
Grillin voru til taks og nóg
var úr að velja. Verðið á því
ódýrasta, sem hægt var að kalla
grill, var 3,560 krónur. Viðar-
kolin kostuðu 1.365 krónur
fimm kíló.
Bakpokar héngu upp um
heilan vegg í búðinni. Þar var
Kæliboxin eru mjög vinsæl. t þeim er einnig hægt að hafa heitai.
mat, en þá eru sérstakir pokar soðnir í stað þess að frysta þá.
einnig hægt að fá stóla til að
bera i börnin í gönguferðum.
Bakpokarnir kosta frá 8.500
upp í 30.000 krónur.
Hagkaup: Allt í ferða-
lagið
Það er hægt að finna sport-
vörudeildina í Hagkaup, ef
maður lítur vel í kring um sig.
Annars er það nú ekki mjög
vandasamt, fljótlega kemur
maður auga á tjald með borði
fyrir framan og alls kyns við-
legubúnaði. Fjögurra manna
tjöld eru frá 20.850 krónum, en
3-4 manna kosta 17.400.
Þórður Sigurðsson sýndi
okkur svefnpoka, en þeir voru
frá Magna, svokallaðir ullar-
pokar frá 4.560 krónum. Til eru
svampdýnur sem koma í
staðinn fyrir vindsængina frá
2.200 krónum. Það er jafnvel
hægt að fá sér svona dýnu og
hafa bara rúmfötin með.
Það er auðvitað hægt að
kaupa sér allt í matinn í
ferðalagið í Hagkaup og jafnvel
fatnaðinn líka. Þá eiga þeir nóg
úrval af grillum og gastækjum
frá 2.094 Kr. uppí
3.258. Handhæg pottaseft, sem
hægt er að setja saman fást
einnig frá 6.897 krónum. Sett af
borðbúnaði kostar frá 4.840 og
borð, sem hægt er að setja
saman kostar 5.975 krónur.
Fimm kílóa pokinn af viðar-
kolum kostar 1.150 krónur.
pað er örugglega margt
forvitnilegt sem við höfum
sleppt, en þá er bara að fara á
stúfana og skoða. Ferðalöngum
sem hafa með sér gastæki, ber
að hafa það í huga, að aðgát
skal höfð í meðferð þeirra.
Góða ferð og góða skemmtun
um verzlunarmannahelgina.
Fimm kíló af viðarkolum kosta
1.325 krónur i Geysi.
Páll Guðmundsson hjá Skátabúðinni sýnir okkur tjaldið og þekj-
una.
Páll Guðmundsson verzlunarstjóri í Skátabúðinni sýnir okkur úr-
valið af bakpokum.
Ferðasett voru til i miklu úrvali hjá Geysi.
Þórður Sigurðsson verziunarstjóri í Hagkaup sýnir okkur noxkrar
gerðir af svefnpokum.