Dagblaðið - 10.08.1976, Blaðsíða 12

12
DAGBLAÐIÐ. ÞRIÐJUDAGUR 10. AGUST 1976.
Kvefaður náði Walker
góðum tíma í mflunni
— á f rjálsíþróttamóti í Stokkhólmi. Stones Bandaríkjunum sigraði í hástökki
Eftir tiltölulega slæmt hlaup
John Walker á Ol.vmpíuleikunum
þótti mönnum sem kappanum
færi aftur. En Walker afsannaði
allt slíkt með frábæru míluhlaupi
í Stokkhóimi i gærkvöld.
John Walker, gullhafinn frá
Montreal í 1500 metra hlaupinu
og heimsmethafinn í míluhlaupi
sigraði í gærkvöld í míiuhlaupi á
miklu frjálsíþróttamóti, sem
fram fór í Stokkhóimi.
Tími Walker í mílunni var
ágætur — 3:53.07 sem er 3.77
sekúndum lakari tími en gildandi
heimsmet, sem hann setti í frægu
hlaupi í Gautaborg fyrir tæpu ári.
Þessum ágæta árangri náði
Walkcr þrátt fyrir að hann væri
kvefaður, hann kvefaðist eftir
hlaupið í Edinborg um helgina.
Þjóðverjinn Thomas
Wessinghage setti nýtt Evrópu-
met, eri hann fékk aðeins lakari
tíma en Walker — 3:53.1 —
ágætur tími.
Þeir Wessinghage og Walker
háðu mikið einvígi. Þegar frá
upphafi tók Walker forystu og
hlaupararnir hlupu geyst. Walker
hafði alltaf forystu, en í kjölfar
hans kom Wessinghage og síðan
ekki ófrægari menn en
Pólverjinn Malinowski, Svíinn
Gærderud, írinn Coghlan og hver
annar en Lasse Viren, þjóðhetja
Finna.
Hraðinn var mikill og þegár
kom á beinu brautina i síðasta
hringnum höfðu
þeir Walker og Wessinghage nao
góðri forystu. Svo virtist sem
Wessinghage ætlaði að fara fram
úr Ný-Sjálendingnum — en
Walker hélt sínu og teygði sig
fram-og náði að vera sjónarmun á
undan V-Þjóðverjanum, sem
þarna náði sínum langbezta tíma.
Irinn Coghlan varð þriðji,
Malinowski fjórði, Gærderud
fimmti og Viren níundi.
Annars urðu úrslit í hlaupinu:
1. J. Walker Nýja-Sjálandi 3.53.07
2. T. Wessinghage N-Þýzkal.3:53.1
3. Eamon Coghlan trlandi 3:55.1
4. B. Malinowski Póllandi 3:55.4
5. G. Groueh Ástralíu 3:55.7
6. A. Gærderud Svíþjóð 3:56.0
Dwight Stones bar sigur úr
býtum í hástökkinu eftir hinn
hroðalega árangur sinn í lands-
keppninni við Sovétmenn um
helgina. Og sigur Stones var
sætur því hann sigraði einnig
Olympíuhafann frá Montreal,
Jacek Wzsola. Stones stökk 2.27,
Wzsola 2.24. Þriðji varð Mike
Winor USA — 2.24 og fjórði Rune
Almen frá Svíþjóð — stökk 2.21
Portúgalinn Corlos Lopez
sigraði í 10.000 metra hlaupinu og
hafði silfurhafinn frá Montreal
mikla yfirburði.
Lopez fékk tímann 27:42.8 og
var langt á undan Dick Quax frá
Nýja-Sjálandi. Lopez var 12
sekúndum frá heimsmeti Bretans
Dave Bedford.
Quax fékk tímann 27.48.6.
Þriðji varð Mark Smet frá Belgíu
á 27:48.6.
Gullhafinn frá Montreal í spjót-
kasti, Ungverjinn Miklos Nemeth,
varð að sætta sig við annað sætið í
Stokkhólmi. Landi hans Miklos
Erdelyi kastaði 82.14 — Nemeth
81.,92 eða langt frá heimsmeti
sínu.
Gullhafinn frá Montreal í lang-
stökki, Arnie Robinson, sigraði í
langstökkinu, stökk 7.97. t 100
metra hlaupinu sigraði Panama-
búinn Guy Abrahams á 10.44,
annar varð James Gilkes frá
Guyana á 10.60.
Svíinn Michael Fredriksson
sigraði í 400 metra hlaupi í 46.94,
annar varð Podlas frá Póllandi á
47.01 og þriðji Bandaríkja-
maðurinn Maurice Peoples á
47.02.
Annars hefur pólitíkin sett sitt
markið á mótið í Stokkhólmi.
Kenyabúinn Mike Boit ætlaði að
taka þátt í mótinu en orðsending
frá Kenya sagði — ekkert slíkt.
við keppum ekki þar sem Ný-
Sjálendingar taka þátt.
Þrátt fyrir að Boit hefði ekki
náð sambandi við heimaland sitt
hefur hann ákveðið að virða
orðsendiffguna. Hann sagði við
fréttaj«<enn. „Ég hef ekki náð
sambandi heim svo mér er bezt að
hlaupa ekki.“
Óttast
gjaldþrot!
Nicki Lauda heimsmeistarinn í
kappakstri er stöðugt á batavegi
og er heimsmeistarinn úr lífs-
hættu en um tíma var mjög óttazt
um Iíf hans eftir hið svipiega slys
í Grand Prix kappakstrinum í V-
Þýzkalandi.
Næst færa kappaksturs-
mennirnir sig til Austurríkis,
heimalands Nicki Lauda. For-
ráðamenn kappakstursins óttast
mjög um hag sinn eftir hiö
sviplega slys Lauda — óttast
mikinn taprekstur. Hins vegar
hafa allar öryggisráðstafanir
verið efldar ef eitthvað skyldi
bera út af.
Lauda keyrði Ferrari bíl og nú
hafa Ferrari verksmiðjurnar
ákveðið að draga bíla sína út úr
keppninni um heimsbikarinn.
BARIZT A AKUREYRII 5. FLOKKI
tlrslit Islandsmótsins í knatt-
spyrnu, 5. aldursflokki, fóru fram
nú í vikulokin og um helgina.
Fóru allir ieikirnir fram á Þórs-
veilinum. Sex lið börðust að þessu
sinni um íslandsmeistaratign, en
það voru Fram, Rvík, ÍBV, KA,
ÍR, Rvík, Valur, Reyðarfirði, og
Þróttur, Neskaupstað. Liðunum
var skipt í tvo riðla og iéku Fram,
KA og Þróttur, Neskaupstað í
öðrum riðlinum og hinn riðilinn
skipuðu ÍBV, ÍR og Valur, Reyð-
arfirði.
Fyrstu leikirnír fóru fram á
fimmtudagskvöldið og léku þá
fyrst Fram og Þróttur en strax
að þeim leik loknum léku ÍBV og
Valur. Leik Fram og Þróttar lauk
með naumum sigri Framara sem
gerðu eitt mark en Þrótturum
tókst ekki að skora, 1-0.
Þróttarar léku undan sterkri
sunnangolu og moldroki í fyrri
hálfleik og sóttu mun meira en
Framarar Þeir sköpuðu sér
nokkur marktækifæri en ekki
vildi boltinn í markið. Eftir fyrri
hálfleikinn var staðan jöfn, 0-0.
1 síðari hálfleik voru það hins
vegar Framarar sem sóttu nær
stanzlaust og áttu nokkur góð
marktækifæri. Á þessu sést að
vindurinn réð mestu um gang
leiksins og svo var einnig í leikj-
unum sem á eftir komu.
Um miðjan hálfleikinn skoruðu
Framarar sigurmark sitt og var
það Guðjón Ragnarsson sem gerði
það. Fram-strákarnir skoruðu svo
annað mark rétt fyrir leikslok, en
það var dæmt af vegna rangstöðu.
Þjálfari þeirra Framara er
Björn Einarsson en þjálfari Þrótt-
ar er Magnús Jónatansson.
Dómari var Arnar Einarsson og
línuverðir þeir Rafn Hjaltalín og
Baldur Arnason.
Eins og áður sagði léku I3V og
Valur strax að þessum leik lokn-
um. Það er skemmst frá því að
segja að Vestmanneyingar unnu
þennan leik auöveldlega. Þeir
sigruðu á nýju vallarmeti, sendu
knöttinn alls tíu sinnum í mark
andstæðinga sinna og hefðu
mörkin getað orðið enn fleiri,
slíkir voru yfirburðir strákanna
úr ÍBV. Fyrsa markið kom strax á
fyrstu mín. og er um það bil 5
mín. voru liðnar af leiktímanum
var staðan orðin 4-0. Næstu þrjú
mörkin komu svo um miðjan hálf-
leikinn og var staðan í leikhléi
7-0. Strax á 5. mín. síðari hálfleiks
kom svo áttunda markið úr víti
sem dæmt var vegna brots innan
vítateigs. Um það bil tveim mín.
síðar fengu Valsarar gullið tæki-
færi til að minnka muninn er þeir
fengu vítaspyrnu. En heppnin var
þeim ekki hliðholl í þetta skiptið,
skotið fór langt framhjá.
Níunda markið kom svo á 10.
mín. og það tíunda og síðasta kom
einni mín. fyrir léikslok en hver
hálfleikur var 25 mín. Leikmenn
ÍBV spiluðu oft mjög fallega og
var afar skemmtilegt að fylgjast
með leikni þessara ungu manna.
Þeir börðust einnig vel og töluðu
vel saman.
Mörkin gerðu þeir Lúðvík
Bergvinsson 3, Sigurjón Kristins-
son 3, Elías Bjarnhéðinsson, Sig-
urður Friðriksson, Héðinn
Svavarsson og Hlynur Stefánsson
gerðu eitt mark hver. Þjálfari
IBV er Sævar Tryggvason,
fyrrum leikmaður með 1. deildar
liði Eyjamanna en þjálfari Vals
er Sigurbjörn Marinósson.
Dómari var Þóroddur Hjaltalín og
línuverðir þeir Rafn Hjaltalín og
Arnar Einarsson.
Á föstudaginn voru einnig tveir
leikir og léku þá annars vegar lR
og Valur og hins vegar KA og
Fram. Fyrrnefndi leikurinn, IR
— Valur, endaði með sigri iR-
inga. Þeim tókst að skora tvívegis
án þess að Valsmönnum tækist að
svara fyrir sig, 2-0. ÍR lék á móti
vindi í fyrri hálfleik og sóttu þá
Valsmenn heldur meira en þeir
en sköpuðu sér engin teljándi
marktækifæri. Síðan snerist
dæmið við í siðari hálfleik þarsem
ÍR-ingar sóttu nær stanzlaust og
komu bæði mörkin um miðjan
hálfleikinn. Staðan í leikhléi var
0-0.
Mörk ÍR gerðu þeir Jóhann Þor-
kelsson og Gunnar Marteinsson.
Þjálfari ÍR er Magnús Einarsson.
Dómari var Páll Leósson og línu-
verðir þeir Arnar Einarsson og
Kjartan Tómasson.
Leikur KA og Fram endaði með
sigri þeirra síðarnefndu sem
gerðu eitt mark gegn engu marki
KA.
Leikmenn KA léku undan vindi
í fyrri hálfleik og sóttu nokkuð
stíft en fengu engin sérstök mark-
tækifæri. Einnig var
markvörður Fram vel með á nót-
unum og greip oft mjög
skemmtilega inn í. Staðan í leik-
hléi var 0-0.
Framarar sóttu ívið meira en
KA í síðari hálfleik og áttu bæði
liðin sínar ágætu sóknir. En sigur-
mark Fram kom aðeins þrem mín.
fyrir leikslok en það kom upp úr
horni. Markið gerði Skúli Helga-
son. Þjálfari KA er Hörður
íþréttir
Hilmarsson. Dómari yar Páll
Leósson og línuverðir þeir Arnar
Einarsson og Kjartan Tómasson.
Á laugardaginn voru einnig
háðir tveir leikir og hófst sá fyrri
klukkan átta um morguninn. Þá
léku KA og Þróttur og lauk leikn-
um með sigri KA sem skoraði eitt
mark gegn engu marki Þróttara.
KA lék á móti frekar hægum
vindi í fyrri hálfleik og tókst .að
skora sigurmarkið, en það var
Omar Pétursson sem gerði það. í
síðari hálfleik hvesslitil muna og
hafði KA nú öll völd i leiknum.
Þeir voru betri en Þróttarar og
áttu nok'kur marktækifæri, þar á
meðal skot í þverslá. Dómari var
Rafn Hjaltalin og línuverðir þeir
Páll Leósson og Guöjón Haróar-
son.
Siðari leikurinn þennan dag
var milli ÍBV og ÍR. Honum lauk
með stórsigri Vestmanneyinga
sem skoruðu sjö mörk á móti
tveimur mörkum ÍR-inga. Eins og
markatalan sýnir voru IBV-
strákarnir mun betri aðilinn á
vellinum og unnu verðskuldað.
Mörkin gerðu þeir Elías Bjarn-
héðinsson 3, Hlynur Stefánsson 2,
Lúðvík Bergvinsson og Sigurjón
Kristinsson skoruðu eitt mark
hver fyrir ÍBV og fyrir IR skoraði
Jóhann Þorkelsson bæði mörkin.
Þar méð var leikjunum í riðlun-
um lokið og urðu úrslit sem hér
segir:
ÍBV 2 2 0 0 17-2 4
ÍR 2 10 14-72
Valur 2 0 0 2 0-12 0
Hinn riðillinn endaði sem hér
segir:
Fram 2 2 0 0 4 2-0 4
KA 2 10 12 1-12
Þróttur 2 0 0 2 0 0-2 0
Á sunnudaginn var svo komið
að sjálfum úrslitunum um 1., 2., 3.
og 4. sæti. Um þriðja og fjórða
sætið léku KA og ÍR og um fyrsta
sætið og jafnframt Islandsmeist-
aratitilinn léku IBV og Fram.
Fyrst var leikið um þriðja sætið
og unnu KA-menn hann auðveld-
lega, skoruðu fimm mörk gegn
aðeins einu marki ÍR-inga. KA lék
undan vindi í fyrri hálfleik og
skoraði fyrsta mark sitt á 10. mín.
en það gerði Omar Pétursson.
Annað markið kom svo á 20.
mín. og það gerði Bjarni Jónsson
mjög laglega. Og þannig var
staðan í leikhléi. KA átti nokkur
marktækifæri og björguðu tR-
ingar m.a. einu sinni á línu.
Þrið.ia markið gerði svo Bergþór
Ásgrímsson. En loks komust
tR-ingar á blað með marki Bóasar
Arnasonar. Fjórða mark KA gerði
Bergþór og jafníramt sitt annað
mark og síðasta markið gerði
Qmar Pétursson, einnig annað
markið hans.
Dómari var Arnar Einarsson og
línuverðir þeir Sævar Frímanns-
son og Steindór Gunnarsson.
Og nú var komið að sjálfum
úrslitaleiknum.
Fyrirfram var búizt við jöfnum
og spennandi leik.
Leiknum lauk með sigri Vest-
manneyinga sem gerðu fjögur
mörk gegn einu marki Framara.
Þar með unnu Vestmanneyja-
strákarnir íslandsmeistarabikar-
inn að þessu sinni. Framarar
léku undan vindi í fyrri hálfleik
og sóttu meira í upphafi en IBV.
En IBV varð fyrra til að skora.
Það mark kom fljótlega og það
gerði Lúðvík Bergvinsson eftir
mistök markvarðar Fram. Nokkr-
um mín. síðar gerðu þeir sitt
annað mark og aftur var það Lúð-
vík sem markið gerði.
En svo kom að því að Framarar
kæmust á blað. Agnar Sigurðsson
skaut þrumuskoti af um 30 m færi
og hafnaði það í neti ÍBV. —
Stórglæsilegt það. Næstu mark-
tækifæri voru Framara. Þeir
fengu tvö dauðafæri en mark-
vörður IBV var vel á verði og
varði í bæði skiptin! IBV sótti
mjög stíft í síðari hálfleik og þá
hafði hvesst mun meira en var í
fyrri hálfleik. Þeir áttu þrjú
stangarskot, öll af löngu færi.
Þriðja mark ÍBV skoraði
Hlynur Stefánsson og fjórða og
síðasta markið gerði Lúðvfk Berg-
vinsson. Þá tók fyrirliði ÍBV,
Hlynur Stefánsson við tslands-
meistarabikarnum og síðan fengu
allir liðsmenn verðlaunapening.
1. iBV 6 stig. Iviarkahl. 21:3
2. Fram 4 stig. Markahl. 3:4
3. KA 4 stig. Markahl. 6:2
4. ÍR 2 stig. Markahl. 5:12
•Markahæstu leikmenn:
Lúðvík Bergvinsson 4 mörk
Elías Bjarnhéðinsson 4 mörk.
Sigurjón Kristjánsson 4 mörk.
Hlynur Stefánsson 3 mörk
Ömar Pétursson 3 mörk
JóhannÞorkelsson 3 mörk
Bergþór Ásgrímsson 2 mörk
Sigurður Friðriksson 1 mark
Skúli Helgason 1 mark
Guðjón Ragnarsson 1 mark
Bjarni Jónsson 1 mark
Héðinn Svavarsson 1 mark
Gunnar Marteinsson 1 mark
Bóas Arnason 1 mark.
StA.