Dagblaðið - 25.03.1977, Blaðsíða 8

DAGBLAÐIÐ. FÖSTUDAGUR 25. MARZ 1977.
Formaður Félags íslenzkra iðnrekenda:
ÚTLENDINGAR NJÓTA HÉR
FORRÉTTINDA Á KOSTNAÐ
ALMENNRA LÍFSKJARA
—sérstök undan-
þágulögnotuðtil
að lokka hingað
erlentfjármagn
til iðnaðar
— íslenzkur
iðnaðurafskiptur
um leið
„Það hefur alltaf orðið að
setja sérstök undanþágulög til
að lokka hingað erlent fjár-
magn i iðnrekstur því enginn
erlendur aðili mundi nokkru
sinni ljá máls á að fjárfesta hér
á þeim kjörum sem íslenzkur
iðnaður verður að búa við,“
sagði Davið Scheving Thor-
steinsson formaður Félags ís-
lenzkra iðnrekenda í viðtali við
DB i gær.
Atti hann þarna t.d. við
ÍSAL, málmblendiverið á
Grundartanga og Kísiliðjuna
við Mývatn. í sambandi við mis-
munun gat hann einnig ís-
lenzkra fyrirtækja, sem nánast
eru ríkisfyrirtæki, og nefndi
þar sem dæmi Þörungavinnsl-
una við Reykhóla. Aðspurður
um nefndar undanþágur sagði
hann þær ná til tolla, sölu-
skatts, aðstöðugjalda og raf-
magnsverðs, svo eitthvað væri
nefnt.
I ræðu sem hann hélt i gær á
ársþingi FÍI gat hann eftirfar-
andi sem hann sagði hafa kom-
ið fram í nýrri skýrslu þjóðhag-
stofnunar: Iðnaðurinn greiðir
að meðaltali 30% hærri vexti
en hinir höfuðatvinnuvegirnir.
Hluti iðnaðar í útlánum banka-
kerfisins minnkaði úr 13% árið
1970 í 9,4% í fyrra. Framlög til
iðnaðar af fjárlögum í ár eru
0,6% en til samanburðar til
sjávarútvegs 2,1% og 5,1% til
landbúnaðar. Iðnaðurinn greið-
ir 3,5% launaskatt en fyrr-
nefndir atvinnuvegir engan.
Fleira taldi Davíð upp í þess-
um dúr og sagði svo: „Þrátt
fyrir þennan aðbúnað er at-
hyglisvert að vöxtur iðnaðar-
framleiðsly hefur verið langt
umfram aukningu þjóðarfram-
leiðslu undanfarinna ára. Mér
er spurn, hver hefði vöxtur
hans orðið ef hann hefði t.d.
fengið að njóta sömu starfsskil-
yrða og'útlendingar njóta á Is-
landi? Hversu miklu betri væru
lífskjör hér á landi I dag ef svo
hefði verið?“
Davíð kom víða við og sagði
m.a. að framlag rlkissjóðs til
Utflutningsmiðstöðvar iðnaðar-
ins færi árlega minnkandi þrátt
fyrir heldur aukna krónutölu.
Síðar I ræðunni tók hann
fram að með þessu væri hann
ekki að fara fram á nein for-
réttindi en kröfur íslenzkra iðn-
rekenda væru: Sömu starfsskil-
yrði og aðrir höfuðatvinnuvegir
þjóðarinnar njóta. Sömu starfs-
skilyrði og erlendir keppi-
nautar njóta hver í slnu landi
og loks sömu starfsskilyrði og
útlendingar njóta á íslandi.
Helgi Ólafsson teflir glæsilega í Lone Pine:
HEFUR GERT JAFNTEFLIVIÐ
ÞRJÁ STÓRMEIST ARA
— Hefur 2 'L vinning eftir fjórar umferðir
„Bandaríski stórmeistarinn
Benkö bauð mér jafntefli eftir 30
leiki í fjórðu umferðinni hér. Ég
tók þvl,“ sagði Helgi Ólafsson í
viðtali við fréttamann DB I gær.
Helgi hafði hvítt. „Byrjunin var
enskur leikur. Ég fékk verri
stöðu,“ sagði Helgi.
Helgi Ólafsson teflir nú á al-
þjóðlegu skákmóti í Lone Pine I
Kaliforníu. Hefur hann nú fengið
2'A vinning úr fjórum skákum.
Efstir á mótinu eru nú Balasjov
frá Sovétríkjunum og séra Lom-
bardi sem hér er að góðu kunnur,
m.a. frá því hann var yfirdómari
hér á millisvæðamótinu í fyrra.
Þá var hann aðstoðarmaður
Bobby Fischers hér í Reykjavík
þegar hann vann heimsmeistara-
titilinn árið 1972.
Helgi gerði jafntefli í fyrstu
umferðinni, sem tefld var sl.
sunnudag, og þá við bandaríska
stórmeistarann Larry Evans. I
næstu umferð tefldi Helgi við
ungan Bandaríkjamann sem náð
hefur hálfum alþjóðlegum meist-
araárangri. I þeirri skák náði
Helgí vinningi. í þriðju umferð
gerði Helgi jafntefli við banda-
ríska stórmeistarann Larry
Christiansen.
Alþjóðlegi stórmeistarinn
Benkö, sem Helgi gerði jafntefli
við í fjórðu umferð sem tefld var í
fyrradag, flúði land sitt, Ung-
verjaland, árið 1954. Tók hann
þátt í alþjóðlegu skákmóti
stúdenta sem haldið var hér í
Austurbæjarskólanum 1 Reykja-
vík. í því móti var Tal á fyrsta
borði hjá sveit sovétstúdenta og
Spassky á 2. borði.
Benkö fékk landvistarleyfi sem
pólitískur flóttamaður I Banda-
ríkjunum. Hefur hann teflt á
fjölda skákmóta, einkum þar I
landi.
Meðal annarra keppenda, sem
eru annars um 50, eru 13 alþjóð-
legir stórmeistarar. Þar eru t.d.
Browne frá Bandarlkjunum og
Nona Gaprindasvili, heimsmeist-
ari kvenna í skák, og Argentínu-
maðurinn Panno.
Fyrir þessu móti gengst auð-
maður og uppfinningamaður,
Louis Statham að nafni. Fyrstu
verðlaun í mótinu eru um 2 mill-
jónir ísl. króna. Fyrstu 15 menn
fá verðlaun, stiglækkandi.
„Hér er ljómandi veður,“ sagði
Helgi, „og fer vel um mig.“ Þegar
fréttamaður talaði við Helga
Ölafsson kl. 17 I gær var klukkan
8 að morgni í Lone Pine I Kali-
forníu. Var þá að hefjast nýr
keppnisdagur hjá Helga. Átti
hann fyrir höndum að tefla við
jýgóslavneskan skákmann. „Ég
hef hvítt,“ sagði Helgi, ,,og ætla
að vinna hann.“ Teflt er eftir
Monrad-kerfi. BS.
Helgi Ólafsson
Portisch — Larsen: 5 /2—3/2
Larsen sýnir enn sniHingshandbragð í
endatafli
Biðskákinni I Rotterdam lauk
með jafntefli. Um þessa niundu
skák í áskorendaeinvlginu milli
Larsens og Portisch sagði i frétt I
DB I gær: „Níunda skákin milli
Larsens og Portisch fór einnig I
bið. Talið er að skákin sé töpuð
hjá Larsen. Ekki má þó gleyma
þvl að Larsen er enginn aukvisi I
endatafli." Staðan I Rotterdam er
því 5V4—3V4 fyrir Portisch og
þrjár skákir ótefldar, ef Larsen
tekst að vinna næstu skák og gera
a.m.k. jafntefli í þeirri næstu, eða
öfugt. Skákin tefldist annars
þannig: Larsen hafði hvítt:
41. Hf7—Kg8 42. Hc7—Hf6 43.
Rf5—g6 44. Hc6—Hxc6 45. Re7-
—Kf7 46. Rxc6—g5 47. b4—cxb4>
48. Rxb4—Kf6 49. Rd5—Ke6 50.
Rc7—Kf7 51. b5—Bc5 52.
Rc7—Kf 6 53. Rd5—Kg6 54.
Hcl—Hxh2 - 55. Kd3—Bd4 56.
Hc6—Kf7 57. Hf6—Ke8 58.
Hf5—g4 59. fxg4—h4 60.
Hh5—Kf7 61. Hf5—Ke8 62.
Hh5—Kf7 63. Hf5—Jafntefli.

Montemario
Handsaumaöar ítalskar leöur
karlmannamokkasíur
Sérlega mjúkar og vandaöar
Reimaðar og óreimaðar,
Litir: Brúnt, svart, ryðrautt.
Verð: kr. 7.550 —
Skór í sérstökum
gæðaflokki
^au9ave9i 69 sim'168b0
* Miðbæjarmarkaði — simi 19494
Kortsnoj —
Petrosjan
5%-4%
Kortsnoj og Petrosjan gerðu
jafntefli I níundu skákinni I ein-
viginu í II Giocco, eins og spáð
var. Skákin var þannig, Kortsnoj
hafði hvítt:
41. e5—Rb2- 42. Kc3—Ra4- 43.
Kd3—Jafntefli.
Allt á sama stað hjá Garðbiíum:
Páskaeggjamarkaöur, kökubasar,
f lóamarkaöur og hlutavelta
Skátafélagið Garðbúar, sem
starfar I Bústaða-, Smáíbúða- og
Háaleitishverfi, mun laugardag-
inn 26. marz efna til páskaeggja-
markaðar, kökubasars, flóamark-
aðs og hlutaveltu — allt á einum
stað, i Bústaðakirkju.
Þetta er ein af mörgum fjáröfl-
unum sem félagið hyggst standa
fyrir á næstu 2-3 mánuðum I þeim
tilgangi að sem flestir eigi kost á
að komast á landsmótið er haldið
veróur í sumar, dagana 17.-24. júlí
1977.
Takmark Garðbúa er að geta
greitt mótsgjald og ferðir ásamt
sameiginlegum kostnaði félags-
manna niður um helming en
mótsgjaldið verður kr. 13.400 og
er þar innifalið fullt fæði fyrir
allan mótstímann.
Sem sagt, á laugardaginn kl. 14
er vissara fyrir fólk að koma fyrr
en seinna svo það verði ekki af
beztu vinningunum.