Dagblaðið - 04.05.1977, Blaðsíða 9

DAGBLAÐIÐ. MIÐVIKUDAGUR 4. MAl 1977.
9
Krakkarnir hlupu á
eftir mér og kölluðu
Emífí, Emnl!
— það var ekki sérlega skemmtilegt, sagði Alan Edwall, sem
nú setur „Gary” á svið ílðnó
„Þégar ég var I Þrándheimi þá
hlupu krakkarnir á eftir mér og
kölluðu Emííl, Emííl.Það var ekki
sérlega skemmtilegt," sagði Alan
Edwall, sænski leikhúsfrömuður-
inn, sem nú dvelur hér á landi um
fimm vikna skeið og setur leikrit-
ið Gary á svið. Gary er einmitt
eftir Edwall sjálfan en hann
samdi það 1970. Gary verður
frumsýndur í Iðnó í haust og
hefur notið mikilla vinsælda á
Norðurlöndum.
„Já, krakkarnir kölluðu Emííl,
Emííl, vegna þess að ég lék föður
Emils í myndaflokknum er mér
skilst að hafi verið sýndur hér,“
hélt Alan Edwall áfram. „Karl
faðir hans var ekki sérlega vin-
sæll en þessir þættir voru sýndir
fyrir þremur árum í sænska sjón-
varpinu við gífurlegar vinsældir.
Emil hefur einnig vérið sýndur í
Noregi við miklar vinsældir.
Annars hafði ég ekki gaman af að
leika föður Emils — slíkur mynd-
arpiltur sem hann var. Karl faðir
hans var gerður ákaflega harð-
neskjulegur í myndaflokknum og
það er nú svo, að sem leikari
verður maður að gera fleira en
gott þykir — slíkt er starfið. /
Nú en hér er ég við að setja
Gary á svið. Gary samdi ég 1970
og leikritið gekk í tvö ár í Gauta-
borg. Það hefur einnig verið sýnt
í Finnlandi, Danmörku og Noregi
— raunar á tveimur stöðum í
Noregi, í Osló og Þrándheimi, og
viðtökur leiksins hafa verið mjög
góðar.
Gary er dæmigerður nútíma-
maður.— það er, hann hefur eng-
ar skoðanir á hlutunum í kring
um sig. Hann trúir á hinn sterka í
þjóðfélaginu og skoðanir hans eru
í samræmi við það sem hann álít-
úr að aðrir vilji. Annars er ákaf-
lega erfitt að lýsa verki sem tók
mann tvö ár að semja, tekur tvo
tíma í flutningi á leiksviði og á að
lýsa á tveimur mínútum í viðtali.
Nema hvað — Gary býr með
foreldrum sínum, — hann er þrí-
tugur og því er tími til kominn
fyrir hann að taka ákvarðanir.
Hann flyzt að heiman og ætlar að
kvænast — en hlutirnir eru bara
ekki svo einfaldir fyrir Gary.
Ég hef skrifað fleiri verk og
eitt þeirra hefur verið þýtt á ís-
lenzku og hlaut nafnið — Velkom-
inn.
Ég kom hingað í gær og verð
hér í 5 vikur en kem síðan aftur í
haust á frumsýninguna í septem-
ber og vona að ég eigi eftir að
koma hingað oft. Vona bara að
krakkarnir hiaupi ekki á eftir
mér og kalli — Emííl, Ernfíl .... þá
tek ég sem fljótast til fótanna."
h. halls.
Brendan bíður norðaustan byrjar
„Við höfum alls ekki lagt árar í
bát og bíðum nú bara eftir því að
hann blási af norð-austri,“ sagði
George Molony einn af ævintýra-
mönnunum.sem ætla að sigla
skinnbátnum Brendan héðan yfir
hafið til Ameríku. Kapparnir
fimm ætla alls ekki að gefast upp
við að sanna ferðir fornmanna af
írlandi til Ameríku fyrir árið
þúsund. Þeir hyggjast sigla í
kjólfar þeirra og eru reyndar
hálfnaðir.Öhagstæð veðurskilyrði
ollu því að þeir gátu ekki haldið
héðan í fyrrasumar áleiðis til
Ameríku og nú eru þeir hingað
komnir til að leggja upp í annan
áfanga ferðarinnar. Molony býst
við að sú ferð taki rúmar sex
vikur.
Leiðangursstjórinn Timothy
Severin hefur þegar hafið að rita
ferðasögu þeirra félaganna frá Ir-
landi til Islands. Hann heldur
dagbók yfir hvern dag ferðar-
innar.
Brendan er 36 fet að lengd.
Hann er klæddur 25 nautshúðum,
sem hafa verið unnar á sama hátt
og gert var fyrir árið eitt þúsund.
-KP.
Leiðangursmenn voru önnum
kafnir við að útbúa sig til farar-
innar. George Malony er á
innsettu myndinni.
DB-mynd Hörður.
Jónas ekki víttur
— þvert á mdti
Sú leiðinlega villa komst inn í
frétt Dagblaðsins í fyrradag, að
allir þingmenn hrcppanna
sunnan Skarðsheiðar hafi verið
víttirfyrir slælegaframmistöðu í
Grundartangamálinu. Þetta er
ekki réit. Jónas Árnason var
alls ekki víttur heldur þvert á
móti. Honum var hrósað því
hann er að áliti íbúanna sunnan
Skarðsheiðar eini þing-
maðurinn sem vel hefur staðið í
sínu stykki. DB biðst vel-
virðingar á þessum mistökum.
Alan Edwall, höfundur leikritsins um Gary, á æfingu i Iðnð i gær. 3
dálka myndin er úr sjónvarpsþáttunum um Emil i Kattholti, en það er
fyrst og fremst fyrir leik sinn i þeim þáttum sem Edwall er kunnur
hérlendis. DB-mynd: Bjarnleifur.
Laus staða
Starf hafnarvarðar hjá Reykjavíkur-
höfn auglýsist laust til umsóknar.
Laun samkvæmt 8. launaflokki kjara-
samnings Starfsmannafélags Reykja-
víkurborgar. Umsóknir sendist
hafnarskrifstofunni fyrir 15. maí
1977.
HAFNARSTJÓRINN í REYKJAVÍK
Nýtt
símanúmer:
27766
Afgr.tími
Mánud.-Fóstud. 9I3-12,
13-16 og 17-1830
SPARISJÓÐUR
Reykjavikur& nágrennis
Skólavörðustíg 11