Dagblaðið - 18.01.1978, Blaðsíða 23
DAGBLAÐIÐ. MIÐVIKUDAGUR 18. JANUAR 1978.
23
I
Utvarp
Sjónvarp
Sjónvarp íkvöld kl. 22.25: Sekt og refsing
ÞEIM UTLU STUNGIÐ
ÞEIR STÓRU SLEPPA
„Þetta er dálítið góð mynd og
kannski meira en dálítið góð
því hún er mjög athyglisverð,"
sagði Bogi Arnar Finnbogason
er hann var spurður um sjón-
varpsmynd sem er á dagskrá i
kvöld. Nefnist sú Sekt og
refsing, cr dönsk að gerð og
greinir frá þessúm hlutum þar í
landi.
„Þessi mynd á ekki síður
erindi til okkar en Dana. Talað
er við fyrrverandi og núverandi
refsifanga. Þetta eru aðallega
eiturlyfjaneytendur og menn
sem hafa framið auðgunarbrot.
Svo er leitað álits hjá ýmsum
merkum mönnum í Danmörku
og þeir setja fram jákvæðar
skoðanir. Einn þeirra, sem
reyndar er hæstaréttarlög-
maður, kemur inn á það að í
nútimaþjöðfélagi hvar sem er
hugsa í rauninni allir um það
eitt að auðgast sem fljótast og
mest án nokkurs tillits til
nágrannans. Auðæfi eru fengið
án umhugsunar um það hvað
þau kosta aðra og á hverjum
M
(Jr myndinni Sekt og refsing.
hefur verið traðkað í leit að
þeim.
Einnig er bent á að lögregian
og raunar allt dómskerfið beitir
mjög gamaldags vinnu-
brögðum. Það er yfirleitt
þannig að þeir sem fremja litlu
afbrotin eru teknir og þeim
stungið inn á meðan hinir stóru
sleppa. Eg held til dæmis að
það hafi verið lögmaðurinn er
nefndi dæmi um það að ef
gjaldkeri stelur peningum úr
skúffunni hjá sér er hann
tekinn og honum stungið í fang-
elsi. En ef lyfjaverksmiðja
setur á markaðinn lyf sem
veldur stórum hópi manna
skaða er hún í mesta lagi dæmd
í smásekt og fórnarlömbin fá
fjárhagslegar skaðabætur.
Enginn er settur í fangelsi.
Það er einnig athyglisvert að
í Danmörku eru 50 manns
myrtir árlega og allt er í háa-
lofti við að ná morðingjunum
eins og sjálfsagt er. En á sama
tíma deyja kannski þúsund
manns í umferðarslysum og
enginn gerir neitt í því að
reyna að koma í veg fyrir slíkt.
Það er engu likara en menn séu
búnir að sætta sig við þessi
óhöpp og telji að ekkert verði
við þeim gert,“ sagði Bogi.
DS
Útvarp íkvöld kl. 22.05: Kvöldsagan, Sagan af Dibs litla
BARNIÐ VARD SKRÝTIÐ ÞVÍ
FORELDRARNIR HÖFÐU EKKI
TÍMA TIL AÐ TALA VIÐ ÞAÐ
Sjónvarp í kvöld kl. 19.00: On We Go
SVÖR VIÐ ÆFINGUM
ÚR11. KAFLA
Þórir S. Guðbergsson félagsráð-
gjafi hefur í kvöld lestur nýrrar
kvöldsögu í útvarpinu. Nefnist
hún Sagan af Dibs litla og er eftir
Virginíu M. Alexine. Sagan kom
út í Bandaríkjunum fyrir
nokkrum árum en hefur síðan
verið þýdd á öll Norðurlanda-
málin.
Sagan af Dibs litla styðst að
miklu leyti við eigin reynslu
Virginíu að sögn Þóris. Hún er
sálfræðingur og uppeldisfræð-
ingur sem fékk 5 ára dreng til
meðferðar. Með leyfi foreldranna
fékk Virginía að taka samtölin við
drenginn upp á segulband og
skrifa um reynslu sína og hans
með því þó að breyta nöfnum og
staðháttum.
Þegar Dibs litli kom til með-
ferðar var hánn 5 ára og kom af
leikskóla. Hann virtist hvorki
geta talað né hegðað sér eðlilega
innan um önnur börn. Meðferð
Virginíu gekk óvenjulega vel því
Dibs var mjög vel greindur að
upplagi.
Þórir sagði að margir sál-
fræðingar hefðu fyllzt nokkrum
ugg yfir þvi að segja frá svona
mikilli velgengni þar eð hún er
alger . undantekning. En þetta
gerði Virginía til þess að vekja
athygli fólks á því hvað hægt er
að gera ef nógu fljótt er gripið til
þess. Trúin á svona meðferð er
ekki alltaf mikil og því vill
dragast úr hömlu að fólk leiti ráða
og þá er ef til vill allt um seinan.
Sagan er að sögn Þóris skrifuð
á óvenjugóðu og alþýðlegu máli
og þannig að hvaða maður sem er
ætti að geta skilið það algerlega,
jafnvel þó hann viti ekkert um
sálfræði. Endirinn sagði hann að
væri þó allra beztur og væri hann
hreint út sagt stórkostlegur.
Þórir sagði að við íslendingar
mættum draga nokkurn lærdóm
af því að Dibs litli varð svona eins
og hann varð af því að foreldrar
hans höfðu hreinlega ekki tíma til
að tala við hann. Þau voru bæði
mjög vel menntuð, faðirinn
þekktur vísindamaður og móðirin
læknir, þannig að það hefði ekki
átt að koma i veg fyrir að þau
vissu hvernig bezt væri að ala upp
börn. Þau hreinlega höfðu ekki
tíma til þess. Og hvað skyldu
margir foreldrar á íslandi vera í
sömu sporum?
Exercise 1.
Svörin eru i textanum.
Exercise 2.
Dæmi: Will you fetch the cups?
I’ll fetch the cups.
Exercise 3.
1 g. 2i. 3a. 4j. 5h. 6f.7e. 8c. 9b. lOd.
Exercise 4.
Orðin sem á að nota í hverri
setningu eru þessi. 1. answer. 2.
mend. 3. play. 4. read. 5. buy. 6.
wash. 7. drink. 8. eat. 9. open. 10.
cook.
Exercise 5.
Dæmi: George is learning to drive
a train. He’ll be a train-driver one
day.
Exercise 6. Dæmi: He’ll go to
church.
Exercise 7.
Dæmi: This evening my friend is
^going to read a book.
Exercise 8.
Dæmi: The man is going to drive
the car.
Exercise 9.
Svarið fyrir ykkur sjálf.
Exercise 10.
Dæmi: The man is trying to lift
the stone.
Exercise 11.
iÞarfnast ekki skýringa.
Exercise 12.
Dæmi: I am hoping to go on
holiday soon.
Exercise 13.
Þarfnast ekki skýringa.
Exercise 14.
Dæmi: At ten o’clock he’s going to
see Mr. Brown.
Exercise 15.
1.1 go 2.1 know. 3. liking.
Börn þurfa á þvi að halda að fullorðið fólk tali við þau og leiðbeini
þeim. En það ef báðir foreldrarnir vinna myrkranna á milli?
STYRKIR TIL HÁSKÓLANÁMS í GRIKKLANDI
Grísk stjórnvöld hafa tilkynnt að þau bjóði fram í
löndum sem aðild eiga að Evrópuráðinu fimm styrki til
háskólanáms f Grikklandi háskólaárið 1978-79. — Ekki er
vitað fyrirfram hvort einhver þcssara styrkja muni koma
í hlut Islendinga. Styrkir þessir eru eingöngu ætlaðir til
framhaldsnáms við háskóla og skulu umsækjendur hafa
lokið háskólaprófi áður en styrktímabil hefst. Þeir ganga
að öðru jöfnu fyrir um styrkveitingu sem hyggjast leggja
stund á grísk fræði. Styrkfjárhæðin er 8.000 drökmur á
mánuði auk þess sem styrkþegar fá greiddan ferða-
kostnað til og frá Grikklandi. Til greina kemur að
styrkur verði veittur til allt að þriggja ára.
Umsóknir um styrki þessa skulu sendar til: State
Scholarships Foundation, 14 Lysicrates Street, Gr 119
ATHENS, Greece, fyrir 30. apríl 1978 og lætur sú stofnun
jafnframt í té umsóknareyðublöð og nánari upplýsingar.
Menntamálaráðuneytið,
12. janúar 1978.
STYRKIR TIL HÁSKÓLANÁMS í FRAKKLANDI
•Franska sendiráðið í Reykjavík hefur tilkynnt að boðnir
séu fram sex nýir st.vrkir handa íslendingum til háskóla-
náms í Frakklandi háskólaárið 1978-79.
Umsóknum um st.vrki þessa, ásamt staðfestum afritum
prófskírteina og meðmælum, skal komið til menntamála-'
ráðuneytisins, Hverfisgötu 6, Reykjavík, fyrir 14.
febrúar nk. — Umsóknareyðublöð fást í ráðuneytinu.
Menntamálaráðuneytið,
12. janúar 1978
Blaðburöarböm
óskaststrax
STÓRH0LT
STANGARH0LT
Upplýsingarísíma27022
‘BIAÐIB