Dagblaðið - 22.12.1978, Side 10

10
DAGBLAÐIÐ. FÖSTUDAGUR 22. DESEMBER 1978.
Færð og ferðir um landið allt:
Víðast hvar greiðfært
og aukaferðir í lofti og á láði
„Það er í rauninni góð færð í allar
áttir, ef svo mætti segja,” sagði Sverrir
Kristjánsson hjá Vegaeftirliti ríkisins i
viðtali við Dagblaðið. „Verið er að
ryðja marga erfiða kafla og ef ekki
verður stórbreyting á veðri ætti færð
að haldast sæmileg um hátíðarnar.”
Þannig er góð færð um Vesturland.
á Snæfellsnesi og í Barðastrandar
sýslu, en Þorskafjarðarheiði er ófær.
Menn hafa þó farið hana á hjarni á
léttum bílum og jeppum.
I gær var verið að moka Breiðadals-:
heiði milli Flateyrar og Skutulsfjarðar
og Botnsheiði yfir í Súgandafjörð.
Hrafnseyrarheiði var talin lokuð, en
um Strandir var yfirleitt greiðfært.
Á Norðurlandi vestra var greiðfært
og vegurinn til Siglufjarðar var mok-
aður í dag.
Sæmilega leit út með færð til Ólafs-
fjarðar, en vegurinn þangað verður
mokaður í dag. Vaðlaheiði er lokuð.
Góð færö er um Axarfjörð á Sléttu,
en trúlega er ófært úr Mývatnssveit-
inni á Hérað. Að sögn vegaeftirlits-
manna hefur færð þyngzt töluvert á
vegum á Héraði, en verið er að moka
þar.
Fjarðarheiði á Seyðisfjörð var
mokuð í gær og eins var mokað út á
Eskifjörð. Þá hefur Oddsskarð verið
mokað og mokað suður með fjörðum
til Breiðdalsvíkur.
Þaðan á svo að vera fært allar götur
suður um alla leið til Reykjavíkur.
Rútuferðir
Á morgun, Þorláksmessu, verða
farnar síðustu ferðir fyrir jól með sér-
leyfisbifreiðum til Akureyrar, í Bisk-
upstungur, til Borgarness, til Grinda-
víkur og Hólmavíkur. Á Þorláksmessu
er einnig siðasta ferð fyrir jól til Hafn-
ar i Hornafirði, Króksfjarðarness,
Laugarvatns, Ólafsvíkur, Hellissands,
Stykkishólms og Grundarfjarðar.
Á aðfangadag eru hins vegar síðustu
ferðir fyrir jól i Hrunamannahrepp og
Gnúpverjahrepp, í Hveragerði, á
Hvolsvöll, til Keflavíkur og til Kirkju-
bæjarklausturs.
Síðustu ferðir fyrir jól á aðfangadag
eru einnig í Mosfellssveitina, í Reyk-
holt, á Selfoss og til Þorlákshafnar.
Innanlandsflug
Margar aukaferðir verða farnar
með flugi innanlands í dag og á
morgun, Þorláksmessu. Hins vegar
verða ferðir felldar niður til nokkurra
staða á aðfangadag og er áætlað að
flugi Ijúki þá hér innanlands um kl.
15.00. Ekkert verður flogið á jóladag.
-HP.
Dökkt útlit í byggingariðnaðinum:
Útlit fyrir almennt verkef naleysi
„Aðaláhyggjuefni okkar er hvað
hljóðið er dökkt i mönnum og að útlit
skuli vera fyrir almennt verkefnaleysi,”
sagði Sveinn Hannesson hjá Landssam-
bandi iðnaðarmanna i samtali við DB,
en í fréttatilkynningu frá landssamband-
inu segir, að skv. könnun sem nýlega
hafi verið gerð á horfunum í byggingar-
iðnaðinum komi í Ijós að þær séu mjög
dökkar. í lok september bjuggust fyrir-
tæki með 59.1% mannaflans við sam-
drætti í starfsemi framundan, en aðeins
6.3% bjuggust við aukningu. Segir í
fréttatilkynningunni, að ef marka megi
n'ðurstöður könnunarinnar, þá megi al-
varlega óttast að atvinnuleysi sé fram-
undan í byggingariðnaði á fyrstu mán-
uðum næsta árs.
Sveinn sagði að vandamálið væri ekki
sizt í þvi fólgið að á Reykjavíkursvæðinu
hefði dregið mjög úr lóðaúthlutun og
fyrirsjáanlegt væri að það mundi halda
áfram næstu þrjú ár. Þetta hefði hingað
til verið bætt upp með meiri byggingar-
framkvæmdum í nágrannasveitarfélög-
unum en því væri ekki lengur að heilsa.
Sveitarfélögin gerðu lóðir byggingarhæf-
ar eftir þvi sem þau hefðu bolmagn til en
um leið og þrengdist um hjá þeim segði
það til sín í byggingariðnaðinum, ogekki
sizt þar sem sveitarfélögin hefðu ekkert
samstarf sin á milli í fiessum efnum,
þannig að vandinn kæmi allur á sama
tíma fyrir byggingariðnaðinn.
„Við höfum alveg eins áhuga á að
fara út i endurnýjun og viðhald á eldra
húsnæði en þar er lánakerfið mjög and-
snúið,” sagði Sveinn. Hann sagðist telja
að sú leið væri mjög æskileg fyrir borg-
ina, þannig að byggðin breiddist ekki
meára út, en þá stæði lánakerfið í vegin-
um.
-GAJ
Niðurstöður úr ársfjórðungslegri könnun á byggingarstarfsemi benda til þess að al-
varlega megi óttast að atvinnuleysi sé fram undan f byggingaríðnaðinum.
NYKOMNAR
... .. r, . mmwÆmmwm?
Allt til Ijosmyndunar
\
Enn unt veröjbfnunargjaldið:
rl veg fyrir misskilning’
Vegna umræðna og frétta í fjölmiðl-
um um verðjöfnungargjald á rafmagni
vilja Samband íslenzkra rafveitna og
Rafmagnsveitur ríkisins taka fram
eftirfarandi:
Þegar groinargerð SÍR dagsett
15.12. 1978 var send alþingismönnum
og fjölmiðlum var haft samband við
þá stjórnarmenn SÍR, sem í náðist og
hún efnislega borin undir þá.
M.a. tókst ekki að ná til rafmagns-
veitustjóra rikisins, sem á sæti í stjórn
SÍR. þar sem hann var staddur utan-
bæjar.
Ef rafmagnsveitustjóra hefði gefizt
kostur á að sjá greinargerð SÍR hefði
hann gert grein fyrir afstöðu RARIK
og óskað eftir breytingu á ýmsum köfl-
um í greinargerð SÍR, i samræmi við
það, sem kemur fram í greinargerð
RARIK dagsettri 17.12. 1978.
SÍR er og kunnugt um, að Orkubú
Vestfjarða treystir sér ekki til að mót-
mæla hækkun verðjöfnunargjalds
meðan ekki er fundin önnur leið til að
leysa fjárhagsvanda þess fyrirtækis.
SÍR og RARIK telja, að í fyrr
greindum greinargerðum hafi sjónar-
miðum beggja aðila verið gerð full skil.
Samband íslenzkra rafveitna,
Aðalstcinn Guðjohnsen.
Rafmagnsveitur ríkisins,
Kristján Jónsson.
- BS
FILMUR QG VÉLAR S.F,
Minolta
vasaljósmyndavébr
Kærkomnar
jólagjafir
BETRA SEINT
EN ALDREI...
u.
■UUJ
Skólavörðustíq 41 — Sfml 20235
\

Jólahrað-
skákmót
TR
Taflfélag Reykjavíkur gengst fyrir
jólahraðskákmóti milli jóla og nýárs.
Mótið hefst miðvikudaginn 27. desem-
ber og verður fram haldið daginn eftir.
Keppnin hefst kl. 20 báða dagana.
Janúar-hraðskákmót félagsins hefst
svo sunnudaginn 7. janúar og Skákþing
Reykjavíkur hefst sunnudaginn 14.
janúar. Verður aðalkeppnin með svip-
uðu sniði og áður, þ.e. að keppendum
verður skipt í riðla eftir svonefndum
Eló-skákstigum og verða tefldar 11 um-
ferðir i hverjum riðli. Umferðir verða á
sunnudögum kl. 14 og á miðvikudögum
og föstudögum kl. 19.30. Lokaskráning í
þessa riðla verður laugardag, 13. janúar
kl. 14-18.
- GAJ