Dagblaðið - 24.04.1979, Blaðsíða 4
—en íbúar nágrannabyggða þurfa að bíða eftir símanum í allt að ár
Þeir viðskiptahættir sem sagði frá í
bréfi á Neytendasíðunni í gær eru
sannarlega dálítið frábrugðnir þeim
sem við eigum að venjast hér á landi.
Hins vegar mun það ekki eiga við
höfuðborgina sjálfa að menn þurfi
að bíða í 1 og l/2.ár eftir því að fá
síma (við vitum ekki hvar á landinu
bréfritarinn okkar var búsettur), en
það getur átt bæði við í Kópavogi og
Mosfellssveit!
„Það er hægt að fá síma með
stuttum fyrirvara í Reykjavík. Venju-
legast er pöntun afgreidd eftir mánuð
í flestum hverfum borgarinnar,”
sagði Ágúst Geirsson skrifstofustjóri
Bæjarsímans í Reykjavik i samtali
við Neytendasíðuna. „Það hefur
fyrst og fremst vantað númer í sjálf-
virku stöðvarnar í Breiðholti, en úr
því hefur verið bætt og nýbúið að
bæta 1000 númerum við hana. Eins
og er eru til númer í öllum stöðvun-
um í Reykjavík. Það vantar hins
vegar númer í Kópavogi og í
Mosfellssveit. 1 Kópavogi vantar við-
byggingu við stöðina og sennilega
verður viðbótin ekki tilbúin fyrr en á
næsta ári. í MosfeDssveit er húsið
komið, en eftir að koma öllum tækj-
um fyrir. Sú stöð verður sennilega
heldur ekki tilbúin fyrr en í byrjun
næsta árs. Hluti Garðabæjar tilheyrir
Kópavogi og er þar sama ástand ríkj-
andi og í Kópavogi sjálfum. En annar
hluti Garðabæjar tilheyrir Hafnar-
fjarðarstöðinni, þar sem næg númer
Þetta er simi með einni linu en tveimur talfærum sem er hentugur til nota f stórum einbýlishúsum. Hvert tæki kostar
litlar 128.200 kr. eða 256.400 kr. fyrir utan uppsetningu!
eru tU,” sagði Ágúst.
Við spurðum hvað það kostaði að
fá síma. Ágúst sagði okkur að það
færi nokkuð eftir aðstæðum á
hverjum stað hver kostnaðurinn er.
Ef ekki hefur verið simi áður í íbúð-
inni er stofngjaldið 92.500 kr., en
87.540 kr. ef sími hefur verið þar
áður. Skiptist þessi kostnaður áeftir-
farandi hátt:
NÝRSÍMI
þar sem ekki þar sem verið
hefur verið simi hefur simi fyrir
Stofngjald 46.000 46.000
Talfæri 22.200 22.200
Tengill 1.800 ekki neitt
Vitjun og akstur 4.000 4.000
Vinna 4.500 1.700
Sölusk. af öllu nema akstri og 78.500 73.900
vinnu 14.000 13.640
92.500 87.540
Flutningur á sima á milli fbúða:
Ef enginn simi Ef sfmi
var fyrir var fyrir
Flutningskostnaður 23.000 23.000
Tengill 1.800 ekki
Vitjun, akstur 4.000 4.000
Vinna 4.500 1.700
33.300 28.700
Söluskattur 4.960 4.600
Kostnaður alls 38.260 33.300
Talfærið sem símnotendur fá er
þetta venjulega gráa, sem flestir
þekkja. Hins vegar er hægt að fá svo-
kallaða handsima, sem margir hafa
sem aukatalfæri. Ef slíkt talfæri er
notað þannig og þarf ekki að hringja
kostar það sama og venjulegt talfæri
eða 22.200 kr. fyrir utan söluskatt,
alls 26.640 kr. En ef slíkur sími á að
hringja þarf að koma fyrir bjöllu í
sambandi við talfærið og þá kostar
það 27.800 fyrir utan söluskatt eða
33.360 kr.
Bæjarsíminn hefur ranglega verið
ásakaður um að hafa einungis á
boðstólum gráa eða svarta síma.
Yfirleitt eru til bæði brúnir, grænir,
bláir, beinhvítir og rauðir simar. En
ef einhver ætlar að fá slíka gersemi
kostar það 43.600 kr. fyrir utan sölu-
skattinn eða 52.320 kr. aukalega.
Þá er hægt að fá sérstakt
tal/heyrnartæki fyrir heyrnardaufa
og kostar það 10.400 auk söluskatts
eða 12.480 kr. Hins vegar verða þeir
sem slíkt tæki fá að láta sér nægja að
notast við hið hefðbundna gráa sím-
tæki, því ekki hefur verið lagt út í
það stórvirki að panta þennan auka-
búnað í öðruvísi lit tæki. Ef síma-
maður þarf að koma sérstaka ferð til
þess að koma þessum aukabúnaði
fyrir bætist að sjálfsögðu vitjunar-
kostnaður og akstur og vinna við
verðið. Söluskattur er ekki reiknaður
Þannig líta nýju takkasimamir sem
búið er að panta frá vini okkar
Ericsson I Sviþjóð út. Sá galli er þó á
gjöf Njarðar að númeraröðin á
tökkunum er ekki i samræmi við
samsvarandi takka á reiknivélum. í
Danmörku hafa menn uppgötvað að
hentugast er að hafa takkana i sömu
röð og á reiknivélunum. Til þess að
hægt verði að taka þessa síma í
notkun hér á landi verður að gera
smávægilegar breytingar á
símstöðvunum.
af vitjun og akstri og heldur ekki af
vinnunni. Allt verð er hins vegar
gefið upp án söluskatts, sem getur
verið villandi fyrir allan þorra
almennings.
Ágúst sagði okkur að hér væri
hægt að fá hina eftirsóttu takkasíma,
sem marga dreymir um. Við nánari
eftirgrennslan kom hins vegar í ljós
að það eru símar sem hafa takka-
fyrirkomulag i stað hringlaga
númeraskífu, en að öðru leyti eru
þeir nákvæmlega eins og þessir
venjulegu hefðbundnu símar.
En, viti menn. Það er búið að
panta nýtízkulega takkasima fengum
við upplýst hjá Viktori Ágústssyni
deildarstjóra hjá Bæjarsímanum.
Ekki vissi hann gjörla um hvenær
þeir yrðu teknir í notkun. Sagði hann
að gera þyrfti breytingar á símstöðv-
unum áður en slíkir símar væru
teknir i notkun og væri ekki byrjað á
þeim breytingum enn.
Viktor sýndi okkur einnig síma
sem mjög hentugt er að nota í stórum
einbýlishúsum, þar sem gjarnan eru
höfð tvö talfæri, en ein lína. Eitt slíkt
tæki með einni línu en hægt að tala á
milli innanhúss kostar 123.500 án
söluskattsins sem er 4700 kr., eða
128,200 kr. að viðbættum upp-
setningarkostnaði!
Þannig er hægt að fá fleiri tegundir
af símum ef fólk er reiðubúið að
greiða fyrir það ærið fé, eða i það
minnsta mun meiri peninga en svona
hlutir kosta bæði austanhafs og
vestan. Það er því nokkurs konar
„stöðutákn” að hafa öðruvísi litan
síma en þennan gráa eða svarta.
Verzlunarmannafélag
Suðurnesja
Stjórn og trúnaðarmannaráð Verzlunar-
mannafélags Suðurnesja hefur ákveðið að við-
hafa allsherjar atkvæðagreiðslu um kjör
stjórnar og trúnaðarmannaráðs fyrir starfs-
árið 1979.
Framboðslistum skal skilað til formanns kjör-
stjórnar, Sigurðar Sturlusonar Mávabraut 9A
Keflavík eigi síðar en kl. 20. þriðjudaginn 1.
maí 1979. StjÓmín.
Góð og ódýr grunnsósa
Lesendur okkar hafa ekki verið
mjög duglegir undanfarna mánuði að
senda okkur sinar eigin góðu
uppskriftir. Ásbjörg Helgadóttir er
þó undantekning, því hún sendi
okkur uppskrift að góðri grunnsósu,
sem hún segir vera sérlega góða og
Ijúffenga. Þökkum við Ásbjörgu
fyrir uppskriftina, en hún er á þessa
leið:
1 meðalstór laukur
2 gulrætur (vel stórar)
1 búnt steinselja.
Laukurinn er saxaður niður,
gulræturnar hreinsaðar og skornar í
sneiðar og steinseljan söxuð. Allt er
látið í pott með 1 msk. af bræddu
smjöri. Um einum lítra af vatni er
hellt yfir og þetta látið krauma við
vægan hita í um það bil 2 klst. Þá er
kjötkraftur látinn út í sósuna, 2
Maggíkjúklingateningar og einn
Toro-nauta. Síðan má krydda að
smekk hvers og eins ogsósan jöfnuð
með örlitlum hveitijafningi. Ef nota á
sósuna til hátíðabrigða er gott að
bragðbæta hana með smálógg af
rjóma. Sósa þessi er mjög góð t.d.
með lambalæri og notar Ásbjörg þá
■ögn af rifsberjahlaupi út í. Eins hefur
hún stundum kryddað sósuna
með örlitlu af karrýi.
Grunnsósuna má einnig frysta
með góðum árangri, en það er þá gert
áður en teningarnir eru látnir út í.
Hráefnið í sósuna sjálfa kostar
rétt rýml. 400 kr., en þar sem hún
nægir vel handa fjórum er það ekki
nema um 100 kr. á mann, sem verður
að teljast mjög ódýrt.
-Á.Bj.
Uppskrift
dagsins
DAGBLAÐIÐ. MIÐVIKUDAGUR 18. APRÍL 1979.
DB á ne ytendamarkaði
HÖFUÐBORGINNI
Meira um símamálin:
EKKISÍMASKORTUR í