Dagblaðið - 16.06.1979, Blaðsíða 6
DAGBLAÐIÐ. LAUGARDAGUR 16. JÚNÍ 1979
Br*yMwr i
OPID
KL. 9—9
Dularfullt dvalarheimili í Dölum:
Allar skraytingar unnar af fag-
mðnnum.
Na| bllast«*SI a.oi.k. i kvoldla
-HIÍ)\1Í?AV1X1IR
HAFNARSTRÆTI Slmi 12717
mm
Mjög fallegur 13 feta bátur m/nýlegri
40 hestafla Mercuryvél. Uppl. í síma
44419.
Offsetljósmyndari
óskast sem fyrst. Þörf fyrir dug-
legan mann, sem getur unnið
sjálfstætt. Góður maður fær
góð laun.
Prentsmiðjan Hólar hf.,
Bygggarði Seltjarnarnesi, sími 28266
Bílasala - Bílakaup
- Bílaskipti
Seljum um helgina SAAB 99 árgerð 1972,
1976 og 1978.
Mazda 929 statiou, árgerð 1977 — skipti
möguleg á ódýrari bíl.
Datsun 180 B árgerð 1975.
Peugeot station dísil árgerð 1975 lítið ekinn,
auk fjölda annarra bíla.
Reynið viðskiptin — Opið kl. 13—22.
Bílasala Vesturlands
Þórólfsgötu 7, Borgarnesi.
Ríkisútvarpið
minnir á að skilafrestur í samkeppni um barna-
leikrit til flutnings í hljóðvarpi og sjónvarpi í
tilefni af ári barnsins 1979 rennur út 1. ágúst
nk.
Ætlast er til að leikritin gerist nú á dögum og
lýsi öðru fremur lífi og aðstöðu barna í
íslensku þjóðfélagi. Veitt verða þrenn verð-
laun fyrir hljóðvarpsleikrit og önnur þrenn
fyrir sjónvarpsleikrit, að upphæð 300 þús. kr.,
200 þús. kr. og 100 þús. kr. í hvorum flokki,
auk venjulegra höfundarlauna fyrir þau leik-
ritanna sem flutt verða í hljóðvarpi eða sjón-
varpi.
Leikritin skulu vera 25—30 mínútur að lengd.
Skilafrestur er til 1. ágúst 1979.
Handrit, merkt dulnefni, skulu send annars
vegar Ríkisútvarpinu, Skúlagötu 4 Reykjavík,
hins vegar Ríkisútvarpinu-Sjónvarpi, Lauga-
vegi 176 Reykjavík. Nöfn höfunda skulu
fylgja í lokuðum umslögum sem merkt skulu á
sama hátt og handritin.
15. júní 1979
Ríkísútvarpið
Hjúkrunarheimili
án hjúkrunarfólks!
- „Mislukkað fyrirtæki frá upphaf i” segir sr. Skímir Garöarsson,
sóknarprestur íBúðardal
3
„Svona mistök koma fyrir vegna
þess að neytendur þjónustunnar eru
ekki spurðir hvað þeir vilja. Þarna
hefur verið skortur á vistmönnum frá
fyrstu tíð,” sagði Sigurbjörn Sveins-
son, heilsugæzlulæknir í Búðardal, er
DB ræddi við hann um málefni
dvalarheimilisins að Fellsenda i
Miðdölum en blaðamenn DB áttu þar
skamma viðdvöl á leið sinni um
Vesturland fyrir skömmu.
Það dvalarheimili sem hér um
ræðir tók til starfa árið 1967. Finnur
Ólafsson heildsali í Reykjavík gaf þá
jörðina Fellsenda og fé til stofnunar
dvalarheimilis fyrir aldraða þar sem
Suður-Dalamenn skyldu hafa
forgang.
„Fellsendi hefur síðustu árin ekki
verið elliheimili Dalamanna og
verður það aldrei,” sagði Sigurbjörn.
Heimili þetta er ætlað fyrir 16 vist-
menn en aldraðir Dalamenn virðast
aldrei hafa kært sig um að fara
þangað, líklega vegna þess hversuaf-
skekkt heimilið er. Fyrir tveimur
árum var allt útlit fyrir að leggja yrði
heimilið niður en þá var gripið til þess
ráðs að taka inn á heimilið sex vist-
menn af Kleppi og nú er svo komið
að liðlega helmingur sjúklinganna
eru „króniskir” geðsjúklingar.
Enginn læknir er í ábyrgð fyrir
heimilinu og um sérmenntað starfs-
fólk er ekki að ræða þarna. „Þetta
er ekki elliheimili og ekki hjúkrunar-
heimili,” segir Sigurbjörn, ,,en þó
eru hjúkrunarsjúklingar á því. Það
Starfsfólk dvalarheimilisins að Fellsenda. Frá vinstri Guðmundur Guðmundsson,
Guðveig Guðmundsdóttir og Anna Jósepsdóttir. Úrvals fólk, að sögn þeirra sem
til þekkja, en ekkert þeirra hefur lært hjúkrun. DB-mynd Árni Páll.
getur þó orðið eins og önnur heimili
fyrir geðsjúka ef ríkið vildi starf-
rækja þarna sjúkraheimili og greiða
daggjöld samkvæmt því. Ef
heilbrigðisyfirvöld vilja ekki hafa
hjúkrunarstofnun þarna þá er réttast
að leggja heimilið niður,” sagði
Sigurbjörn.
„Þetta hefur frá upphafi verið
mislukkað fyrirtæki,” sagði sr.
Skírnir Garðarsson, sóknarprestur í
Búðardal, en hann á sæti í stjórn
heimilisins. Hann sagði að vandi
heimilisins lægi í því hversu afskekkt
það væri. Þess vegna hefði ekki
tekizt að fá þangað sérmenntað
starfsfólk. ,,Ég vil þó hafa þetta
heimili áfram,” sagði sr. Skírnir, „en
ég vil að því verði tryggð
mannsæmandi þjónusta.”
Báðir lögðu þeir Sigurbjörn og sr.
Skírnir áherzlu á að ekki væri við
starfsfólkið að sakast enda væri það
úrvalsfólk. Vandinn virðist ekki sízt
fólginn í því að heimilið er sambland
af fólki sem er þar fyrir aldurs sakir
og geðveiku fólki. DB-menn ræddu
við einn hinna öldnu vistmanna og
kunni hann vistinni illa, verst væri
aðgerðaleysið og það að fæstir vist-
manna væru viðmælandi. Á
heimilinu hafa vistmenn nánast
ekkert við að vera. Dagurinn líður i
hreinu aðgerðaleysi og hjúkrunar-
fólk er þar ekkert eins og áður segir.
Mikill áhugi mun vera á því í Búðar-
dal að þar verði reist elliheimili en
vandamál dvalarheimilisins á Fells-
enda bíður eftir sem áður úrlausnar.
-GAJ-
Inntökutak-
markanir
íKHÍ?
— eða verða 400-500
nemenduríl20
manna skóla?
Ráðagerðir eru uppi um að takmarka
aðgang að Kennaraháskóla íslands
næsta skólaár. Er fjöldi umsækjenda
um skólavist nú orðinn svo mikill að
skólinn telur ekki unnt að taka við öll-
um vegna húsnæðisþrengsla, kennara-
skorts og fjárhagserfiðleika.
Baldur Jónsson skólastjóri staðfesti i
samtali við DB að umræður um þetta
væru hafnar í KHÍ og stóð til að taka
afstöðu til málsins á skólastjórnarfundi
í gær, en af því varð ekki. Baldur Jóns-
son sagði að ákvörðun um inntökutak-
markanir í KHÍ yrði ekki tekin nema í
samráði við menntamálaráðuneytið.
Nemendur i KHÍ héldu með sér fund
í gær til að ræða þessi mál. Eru þeir
óhressir með ástandið, en einn nem-
andi sem DB talaði við kvað nauðsyn-
legt að grípa til einhverra aðgerða, því
að óbreyttu yrðu 400—500 nemendur í
skólanum næsta vetur, en skólinn væri
aðeins ætiaður fyrir 120 manns. . GM
Nýttbíó?
Líkur eru á því að sett verði á lagg-
irnar nýtt kvikmyndahús í Kópavogi en
bíó hefur ekki verið starfrækt í Kópa-
vogi síðan Kópavogsbíó var og hét.
Heilbrigðisnefnd Kópavogs hefur
samþykkt umsókn Antons Kröyer og
Gunnars Jósefssonar um leyfi til starf-
rækslu kvikmyndahúss að Smiðjuvegi
1. Gert er ráð fyrir í umsókninni að
áhorfendasalur taki 312 gesti. Heil-
brigðisnefnd setti þau skilyrði að loft-
ræsting húsakynnanna yrði fullnægj-
andi.
Einnig var samþykkt umsókn sömu
aðila um sölu á sælgæti og gosdrykkj-
um í forsal fyrirhugaðs kvikmynda-
húss, enda verði eingöngu á boðstólum
innpakkað sælgæti.
Smiðjuvegur í Kópavogi er austast i
bænum, skammt frá bæjarmörkum
Reykjavíkur í Breiðholti. . jh
Magnús við einn myndvegginn.
Til verndarTorf unni
Mikill styrr hefur staðið um Torfuna
svonefndu undanfarin ár og nú hefur
umræða um hana vaknað að nýju eftir
ráðstefnu samtakanna Líf og land fyrir
stuttu.
Til þess að knýja enn frekar á hefur
einn af fremstu listamönnum okkar af
yngri kynslóðinni, Magnús Tómasson,
sem er meðlimur í Torfusamtökunum,
dregið úr pússi sínu olíukrítarmyndir
og málverk fráárunum 1962—63 en þá
hafði hann vinnustofu í Landlæknis-
húsinu við Amtmannsstíg og málaði
myndir eftir húsunum á Torfunni ótt
og títt. Myndir þessar ætlar Magnús
svo að sýna á Torfunni næstu tíu daga,
eða til 26. júní, og rennur ágóði af sölu
þeirra að hluta til Torfusamtakanna.
DB hitti Magnús að máli við uppheng-
ingu en fyrir sýninguna hafði Bern-
höftshúsið verið málað að innan og þar
virtist nú hin ákjósaplegasta aðstaða til
sýningarhalds.
„Þetta eru myndir sem ég málaði
áður en ég fór út á Akademíið i Kaup-
mannahöfn og forframaðist,” sagði
Magnús, „og satt að segja finnst mér
þær bara býsna góðar, enda var ég þá
bæði vinnu- og reglusamur. Það er að
sjálfsögðu ekki hægt að segja að þetta
séu heimildarmyndir af Torfunni,
heldur frekar stemmningar, og er
frjálslega farið með myndefnið á
köflum. En innblásturinn kemur frá
húsunum áTorfunni.”
DB spurði hvar þessar myndir hefðu
verið. ,',Blessaður vertu, þær voru í
möppum og dóti og sumar þurfti ég að
gera við og hreinsa,” sagði Magnús.
Um hvítkölkuð herbergin stjákluðu
vinir og vandamenn Magnúsar og
lögðu orð í belg. „Ertu ekki bara geng-
inn í barndóm, Magnús?” spurði einn.
„Enginn vill sína barnæsku muna
nema góð sé,” sagði Magnús undir-
furðulega og glotti. En sýningin er í al-
faraleið og verður opin daglega frá kl.
16—22.
Gerðardómur í mjólkurfræðingadeilu:
Bjarni K. formaður
Skipaður hefur verið 7 manna
gerðardómur í mjólkurfræðingadeil-
unni. Formaður dómsins er Bjarni K.
Bjarnason borgardómari. Aðrir full-
trúar hins opinbera eru Sigríður Vil-
hjálmsdóttir þjóðfélagsfræðingur og
dr. Grímur Þór Valdimarsson gerla-
fræðingur.
Fulltrúar mjólkurfræðinga eru Héð-
inn Þorsteinsson, Akureyri, og Þórar-
inn Sigmundsson, Selfossi. Fulltrúi
Vinnuveitendasambandsins er Þor-
steinn Pálsson og fulltrúi Vinnumála-
sambands samvinnufélaganna er Skúli
Pálmason.
-GM