Dagblaðið - 16.06.1979, Blaðsíða 13
DAGBLAÐIÐ. LAUGARDAGUR 16. JÚNÍ 1979
Torfærukeppni Flugbjörgunarsveitarinnar á Hellu
„Með brotíd drif
og leka pönnu"
Flugbjörgunarsveitin á Hellu hélt
árlega torfærukeppni sína á laugar-
daginn var. Keppnin tókst vel og er
vafalaust skemmtilegasta torfæru-
keppnin sem ég hef séð á Hellu.
Ánægjulegt var að sjá hversu skipulag
allt var miklu betra nú en í fyrra og
hversu miklu betur keppnin gekk. Ekki
voru þeir Flugbjörgunarsveitarmenn
heppnir með veðrið frekar en endra-
nær. Áhorfendur, sem voru um tvö
þúsund, létu það ekki á sig fá og
fylgdust með keppninni af áhuga í
rigningunni.
Keppendur voru sex talsins og voru
flestir þeirra, eða fimm, á Willys
jeppum en einn keppti á Dornwhite,
350 kúbika Blazer. Willys gæjarnir
voru með mismunandi stórar vélar í
Þegar Benedikt frétti að hann ætti að
bakka upp sandbrekkuna hófst hann
þegar handa við að snúa skófludekkjun-
um undir Svarta Torfærutröllinu við svo
að skóflurnar gætu gripið í sandinn. ^
Ljósm. Lilja Oddsdóttir y
jeppum sinum en þó voru þrír þeirra,
Hlöðver Gunnarsson, Vilhjálmur
Ragnarsson og Gunnar Sveinbjörns-
son, með 283 kúbika Small Block
Chevroletvélar í jeppum sínum.
Kristinn Bergsson var með fjögra
strokka Hurricane-vél í sínum jeppa.
Benedikt Eyjólfsson var með stærstu
og vafalaust kraftmestu vélina i
keppninni, en hann heldur sig jafnan
við Pontiacvélarnar. Að þessu sinni
var hann með 455 kúbika vél í Svarta
Torfærutröllinu.
Þrautirnar sem lagðar voru fyrir
keppendumar voru átta talsins og
reyndu þær, hver á sinn hátt, á þolrifin
i jeppunum og ökumönnum þeirra.
Fyrsta torfæran var dekkjagryfja og
komust flestir keppendanna klakklaust
yfir hana. Önnur þrautin var að draga
24 tonna trukk. Gekk keppendunum
það misjafnlega vel en lengst komst
Don White. Don White keppti á Blazer
og var hann með pústforþjöppu á 350
kúbika vélinni. Einhverjum erfiðleik-
um átti hann í með þjöppuna og vélina
því að vaccumhosa var alltaf að detta
af þeim. Þriðja torfæran var hæðar-
klifur upp allbratta brekku. Upp hana
komust einungis tveir keppendanna,
þeir Benedikt og Hlöðver. Fjórða
þrautin var einnig hæðarklifur en að
þessu sinni áttu keppendurnir að bakka
upp brekkuna. Þegar Benedikt heyrði
að hann átti að bakka upp brekkuna
hófst hann þegar handa við að snúa
skófludekkjunum við undir jeppanum
svo að skóflurnar næðu einhverju
gripi. Sagðist hann einnig mundu hafa
verið með annan blöndung á vélinni ef
hann hefði vitað fyrirfram um þessa
þraut. Enda fór það svo að
blöndungurinn náði ekki að fæða
vélina þegar jeppinn hallaði fram og
henni var gefið. Dró flótlega niður í
jeppanum þegar í brekkuna kom en
Benna tókst að komast næsthæst i
hana. Einungis Hlöðver tókst að
komast lengra og var skrautlegt að sjá
jeppa Hlöðvers dansa þvers og kruss
um brekkuna. Eftir þessa torfæru var
gert hlé og stig keppendanna reiknuð
út. Kom þá í ljós að Benedikt var með
flest stig eða 471. Næstur honum kom
Hlöðver með 440 stig, en í þriðja sæti
varð Vilhjálmur Ragnarsson með 325
stig. Það varð fljótlega ljóst, að aðal-
keppnin myndi verða milli þeirra
Hlöðvers og Benedikts, en þeir hafa
ekki svo sjaldan eldað grátt silfur í tor-
færukeppnum.
Eftir hléð var keppt á illfærri tíma-
braut og náði Benni bestum tíma í
henni. Fór hann brautina á 44.7 sek.
Næstur hinum kom Hlöðver en hann
fór brautina á 49.5 sek. Hinir
keppendurnir voru allir meira en
minútu að komast brautina. Sjötta
þrautin var að komast upp barð.
Byrjuðu jepparnir ofan í Varmá og áttu
þeir að príla upp brattan bakkannupp
úr ánni. Einungis einum keppandanum
tókst að framkvæma þá þraut en það
var Hlöðver.Benedikt festist í barðinu,
spólaði sig svo djúpt niður að hann
komst hvorki afturábak né áfram.
Flugbjörgunarsveitarmenn urðu að
draga hann aftur niður i ána. Þegar
Benedikt kom upp á árbakkann kom í
ljós að öxull í framdrifinu var brotinn.
Hásingin að framan hafði bognað í
tímabrautinni og þegar reyndi á
öxulinn í barðinu brotnaði hann. Ekki
var nóg með að öxullinn hefði brotnað,
heldur hafði líka komið gat á
olíupönnuna undir vélinni og stóð
olíubunan þar út. Brá Benedikt á það
ráð að setja límband yfir gatið og tróð
siðan boddýskrúfu í það til að stöðva
lekann. Hann var ekki með varaolíu
með sér svo að hann þurfti að fá hana
lánaða og það var enginn annar en
aðalkeppinautur hans, Hlöðver
Gunnarsson, sem lánaði honum olíu,
svo að hann gæti haldið áfram i
keppninni. Sjöunda þrautin var einnig
timabraut, en í henni þurftu
keppendurnir m.a. að keyra drjúgan
spotta eftir ánni. Vilhjálmur Ragnars-
son fór brautina' fyrstur og náði jafn-
framt besta tímanum í þessari hindrun.
Fór hann brautina á 55.7 sekúndum.
Hlöðver fór á eftir Vilhjálmi I
brautina en tókst ekki betur en svo til
að hann festist úti í miðri ánni og varð
að draga hann upp úr henni. Þegar á
land kom var ljóst að Hlöðver var
fallinn úr keppninni vegna þess að
kúplingin í jeppanum var hætt að
virka. Taldi Hlöðver að steinn hefði
festst á milli þindanna i kúplingunni
þannig að hún greip ekki. Gunnar
Sveinbjörnsson fór á eftir Hlöðver og
festist hann einnig á sama stað og
hann. Keppendurnir sem á eftir komu
lögðu nú meiri áherslu á að komast
brautina klakklaust en tímann.
Komust þeir brautina, en tími þeirra
var miklu lakari en Vilhjálms og
lakastur var tími Benedikts. Fór hann
brautina á 1 mín. og 19.5 sek. Áttunda
og síðasta þrautin var drullugryfja eða
átti að vera það. í gryfjuna var settur
sandur og vatn. Sandurinn seig niður
og settist á botninn svo að hindrunin
reyndist keppendum ekki erfið. Bene-
dikt var sendur fyrstur í gryfjuna og
taldi hann hana vera mun erfiðari en
raun varð á, því hann botnaði jeppann
niður í hana vitandi að hann nyti ekki
framdrifsins og yrði að komast yfir á
afturdrifinu einu ef hann ætti að vinna
keppnina. Jeppinn þeyttist eftir
gryfjunni með sand- og vatnsgusur í
allar áttir. í enda gryfjunnar stökk
jeppinn upp úr henni og yfir sandhaug
sem þar var. Við það rifnaði stærðar
gat á olíupönnuna og þegar jeppinn
lenti sprakk á hægra framhjóli.
Úrslit keppninnar urðu þau að
Benedikt Eyjólfsson sigraði en hann
fékk 945 stig. í verðlaun fékk hann tvö
hundruð þúsund krónur og veglegan
verðlaunabikar. í öðru sæti varð
Vilhjálmur Ragnarsson og fékk i
verðlaun 150 þús. krónur og verðlauna-
pening, Vilhjálmur fékk 810 stig. í
þriðja sæti varð Kristinn Bergsson og
hlaut í verðlaun 100 þús. krónur og
verðlaunapening. Kristinn fékk 750stig
í keppninni.
Jóhann Kristjánsson.
Hlöðver Gunnarsson gerir örvæntingarfulla tilraun til að brjótast áfram í ánni. En
jeppinn er íastur og haggast ekki þrátt fyrir hraustlegar gjafir. DB-mynd Ragnar Th.
Don White botnar Blazerinn aftur á bak upp sandbrekkuna, en bíllinn er þungur og
þrátt fyrlr forþjöppuna kemst hann ekki langt.
lljpllP
■
Ragnari Th. Sigurðssyni Ijósmyndara Dagblaðsins brást ekki myndlistin f keppninni
en þessa myndsyrpu tók hann af Benedikt Eyjólfssyni þegar sá siöarnefndi öslaði yfir
drullugryfjuna og stökk upp úr henni. DB-mynd Ragnar Th.