Dagblaðið - 19.07.1979, Blaðsíða 15

DAGBLAÐIÐ. FIMMTUDAGUR 19. JÚLÍ 1979.
15
„Ég óska eftir því að hver íbúi noti
sína krafta eftir megni hérna. Það er
allt of algengt viðhorf að fólk líti á
svona stofnanir sem „helgan stein”.
Gömul kona á Dalvík sagði við mig á
dögunum að hún hlakkaði mikið til að
koma hingað á heimili aldraðra. Þar
ætlaði hún að hvíla sig, láta stjana við
sig og hafa það notalegt. Ég svaraði því
til að hún myndi vonandi hafa það
notalegt hér, hvíldin yrði hins vegar
takmörkuð!”
Viðmælandi okkar er Guðjón
Brjánsson, nýbakaður félagsráðgjafi
frá Stafangri í Noregi og forstöðu-
maður heimilis aldraðra á Dalvík. ,,Þú
manst að skrifa heimili aldraðra, en
ekki „elliheimili” eða „dvalarheimili
aldraðra,” sagði Guðjón áminnandi
við blaðamann. „Þetta er og á að vera
heimili, en formlegt nafn fær stofnunin
ekki fyrr en við vígslu í haust.
Ég er ekki hrifinn af gamla
frasanum. „Búum öldruðum rólegt
ævikvöld.” Hann er of mikið notaður
og óljóst skilgreindur. Ég vil starfa
samkvæmt kjörorðunum „Aldraðir
eiga sér líka framtíð,” og undirstrika
að lífinu er síður en svo lokið við það
fólk flytur inn á heimili aldraðra.
Fólkið er að byrja nýtt líf og aðal-
atriðið er að gera það sem ánægjuleg-
ast.”
Heimili aldraðra á Dalvík verður
væntanlega tekið formlega í notkun á
næstu vikum eða í haust. Þegar DB Ieit
þar við i júnílok, var verið að leggja
síðustu hönd á vistarverur aldraðra á
efri hæð og fyrstu heimilismenn fluttu
síðan inn þann 8. júli. Búizt er við að
30 íbúar komi inn í sumar, en fullgert
rúmar heimilið 40 íbúa í íbúðum.
Eigendur heimilisins eru Dalvikurbær
og Svarfaðardalshreppur.
Guðjón Brjánsson hefur orðið
áfram:
„Ég hef áhuga á þvi að fólkið njóti
þeirra réttinda að geta unnið störf við
sitt hæfi. Draumurinn er einhvers
konar léttiðnaður í húsinu. Vinnan
þarf að uppfylla þau skilyrði að veita
holla hreyfingu og innihalda líkamlega
og andlega þjálfun. Iðjan ætti að
tengjast framleiðslu, helzt fyrir kaup.
Hugmyndin er ekki að aðeins aldraðir
hér á heimilinu stundi slíka vinnu,
Hein
Verum minnug þess að.
ALDRAÐIR BGA SER
LÍKA FRAMTÍÐ^H
— rabb við Guðjón Brjánsson, 24 ára
forstöðumann heimilis aldraðra
áDalvík
heldur og aldraðir úti í bæ. Ég hef
reyndar hugsað mér að koma ádagvist-
un fyrir aldraða sem búa utan heimflis-
ins, þannig að fólk geti komið hingað,
borðað með íbúunum og spjallað
saman. Einnig að heimilishjálp við
aldraða á Dalvík verði skipulögð
héðan. Ég vona líka að í framtíðinni
verði hér sérstakt herbergi, þar sem
aldraðir geta fengið inni um tíma, ef
heimilisfólkið þeirra fer í ferðalag eða
er fjarverandi af öðrum orsökum.
Ef tekst að fá í gegn að ráða hingað
hjúkrunarfræðing, þá vildi ég gjarnan
bjóða upp á fasta læknisþjónustu í
hverri viku. Einnig vil ég bjóða upp á
hár-OR fótsnyrtingu.
Mjölnir gat ekki tekið
Þeir gengu um húsakynnin og litu á handverk iðnaðarmanna þegar DB-menn litu við
á heimili aldraðra. Frá vinstri: Valdimar Bragason, bæjarstjóri á Dalvík, Sveinbjörn
Steingrimsson, tæknifræðingur, Guöjón Brjánsson, Karl-Erik Rocksén, arkitekt
hússins. DB-mynd: Árni Páll.
Þetta eru nokkrar af þeim hugmynd-
um sem ég geng með núna. Vonandi
verða sem flestar að veruleika, en eitt er
á hreinu: Aldraðir eiga sér framtíð og
samkvæmt því mun ég starfa.”
Er ekki erfitt fyrir ungan mann að
ganga inn í starf forstöðumanns
heimilis aldraðra. Verður kýnslóða-
bilið margumtalaða fjötur um fót?
„Nei, ég er ekki trúaður á kenning-
una um „kynslóðabil.” Ungt fólk
hefur skólagöngu og bóklega þekk-
ingu, en reynsluna hefur hins vegar
fólkið sem er okkur eldra. Af því
verðum við að læra. Aldrað fólk er
auðlind af reynslu og ég er strax farinn
að læra heilmikið af dvölinni hérna. Ég
hlakka til að starfa með þessu fólki,”
sagði Guðjón Brjánsson.
-ARH
á móti Kortsnoj
„Við vildum fá Kortsnoj hingað í
október. Hann gat ekki komið þá en
vildi koma í ágúst. Við sáum okkur
hins vegar ekki fært að taka á móti
honum þá vegna þess, hve naumur tími
væri til stefnu,” sagði Haraldur
Haraldsson, formaður Taflfélagsins
Mjölnis er DB spurði hann, hvað liði
fyrirhugaðri heimsókn Kortsnojs
hingað til lands í haust.
Þó ekki verði af þessari heimsókn
Kortsnojs hingað í haust þá munu
íslendingar engu að síður fá að njóta
snilli hans við skákborðið innan tíðar.
Eins og DB hefur áður greint frá hefur
hann þekkzt boð Skáksambands
íslands um að tefla á Reykjavíkurmót-
inu sem hefst i febrúar á næsta ári.
-GAJ-
Fóst löggæzla í Þórsmörk?
Treystum okkur
ekki til þess
— segir Eiríkur Tómasson, aðstoðarmaður
dómsmálaráðherra
„Kostnaður við fasta löggæzlu
þarna mundi hlaupa á milljónum. Við
höfum verið að skera niður löggæzlu-
kostnaðinn, og við treystum okkur
ekki Ul að setja upp fasta löggæzlu
þarna,” sagði Eiríkur Tómasson,
aðstoðarmaður dómsmálaráðherra er;
Dagblaðið hafði samband við hann'
vegna frétta af miklum drykkjuskap í
Þórsmörk um helgar og slysahættu þar
um slóðir.
„Ég held, að hagkvæmasta og eðli-
legasta leiðin til að koma í veg fyrir slys
þarna væri að brúa Krossá þannig að
þeir sem vildu komast örugglega yfir
ánagætu það.
Hins vegar skil ég vel sjónarmið
náttúruverndarmannasem vilja halda
ánni óbrúaðri meðal annars til að draga
úr umferðinni í Þórsmörk. Svo eru
auðvitað alltaf til menn sem vilja tefla
lifi sínu í tvísýnu. Ef koma ætti í veg
fyrir að þeir færu sér að voða yrði að
kveða til alla íslendinga í lögregluna,”
sagði Eiríkur.
Hann sagði, að sumarmanni hefði
verið bætt í lögregluna á Hvolsvelli en
það væri auðvitað bara til að anna auk-'
inni umferð og löggæzlu á alfaraleið.
Einnig væri vegalögreglan til taks og
sinnti bráðatilfellúm. Hann sagðist
telja það rétt að þarna þyrfti að setja
upp leiðbeiningar og aðvaranir.
„Þetta er og verður vandamál,”
sagði Eiríkur. „Það verður ekki lagað
nema með því að brúa ána og það er
spurning sem aðrir verða að svara en
við.” -GAJ-
Þjónusta
f
%
Sársaukalaust
þursabit
Þursabit
Hljómpiata Hins fslenska Þursaflokks, f útgáfu
Fálkans hf. Útgáfa númar, Fa. 010.
Hent hefur það ýmsa vinsæla lista-
menn að reyna flutning gamalla
kvæðalaga, nú hin síðari ár, (þáaðal-
lega upp úr safni Bjarna Þorsteins-
sonar). Annars hafa þau að mestu
verið látin í friði, nema af mönnum
eins og Jóni Ásgeirssyni, sem sótt
hefur þangað efnivið, óspart, og svo
kvæðamönnum úr Iðunni, sem iðnir
eru að safna og kveða. Oft mun
okkar þjóðlagabrunnur þykja lítill og
fábreyttur í samanburði við annarra
þjóða brunna og svo eru flestir tón-
smiðir okkar einhvem veginn þannig
gerðir, að þeir virðast lítinn áhuga
hafa á að notfæra sér þennan efnivið.
Kannski telja þeir sig ekki hafa kunn-
áttu eða hæfileika til að meðhöndla
efnið, og þá er sjálfsagt og rétt að
láta þjóðlögin í friði.
Tína til gamla
slagara
Nú hafa Þursarnir sent frá sér
hljómplötu, mjög svo þjóðlega. Á
plötu þessarri tína þeir til gamla slag-
ara og vinna úr þeim á skemmtilegan
og fremur nýstárlegan hátt. (Haft
skal í huga, að í orðið slagari má ekki
leggja neikvæða merkingu. Slagari
merkir einfaldlega eitthvað, sem slær
í gegn). Úrvinnslan miðast ekki ein-
ungis við að ná til eyrna nútíma-
mannsins heldur einnig að hún henti
sem ballettmúsík. Því semja Þursar
bæði forspil og eftirspil hvers
kvæðis. Að mestu mun sú samning
vera verk Egils Ólafssonar, sem
talinn er yfirþurs, en Egill er nú samt
ekki yfirlætismeiri en svo, að á plötu-
umslagi er hann einungis talinn út-
setja lögin. Karl Sighvatsson og
Þórður Árnason koma einnig við
sögu í útsetningum þessum.
Að hafa við
Hvað hafa svo Þursar þessir afrek-
að með því að rafmagna upp gömul
þjóðlög?, sem sumir telja raunar
ganga guðlasti næst. Jú, þeim hefur
tekist að koma fram með nokkuð,
sem ýmsir hafa saknað lengi, nefni-
lega vandaða skemmtimúsík. Margir
hafa haldið því fram, að vönduð
skemmtimúsík hafi koðnað niður
með óperettunni samfara aukinni vél-
væðingu í heiminum. Allavega hefur
enginn nema Jón Múli Árnason reynt
að koma slíku á framfæri hérlendis
um árabil. Þursunum tekst þetta á
mjög svo hefðbundinn hátt. Þeir
hafa við. Forsöngvurum leyfðist áður
fyrr að bregða sér út fyrir ramma
sálmalaganna, ef þeir höfðu góða
rödd og eyra og nefndist slikt að hafa
við. Þótti það gera okkar til-
breytingarlitla kirkjusöng lfflegri og
fallegri. Með því að hafa við, og það
allrækilega, í nokkrum gömlum
íslenskum lögum hafa þeir leikið inn
á prýðisgóða hljómplötu, sem von-
andi markar tímamót í íslenskri
skemmtitónlist. Hvort platan slær í
gegn og lögin verða að slögurum—
hvort Þursabit slær í gegn, er á valdi
hins almenna hlustanda. En til þess
hefur Þursabit alla verðleika.
Þjónusta
Þjónusta

Garðaúðun
Tek að mér úðun trjágarða. Pant-
anir i síma 20266 á daginn og
83708 á kvöldin
Hjörtur Hauksson
skrúðgarðyrkjumeistari
BÓLSTRUNIN MIÐSTRÆTI5
Viðgerðir og klæðningar. Falleg og vönduð ákiæði.
WZ/, .
Sími 21440,
heimasími 15507.
2 OC