Dagblaðið - 31.07.1980, Side 5

DAGBLAÐIÐ. FIMMTUDAGUR 31. JÚLÍ 1980.
5
Opinberu stofnanirnar láta ekki að sér hæða:
Raf magnsveita Rvíkur þver-
brýtur ný reglugerðarákvæði
— Styttir lokunarf rest á heitu vatnsrennsli úr f imm í tvo daga og hækkar enduropnunargjald
ólöglega um 1000 krónur
Rafmagnsveita Reykjavíkur virðist
ekki álíta að henni beri að fara að
lögum. Það álit styðja að minnsta
kosti innheimtutilkynningar, sem
hún hefur nýverið sent út fyrir hönd
Hitaveitu Reykjavíkur.
DB er kunnugt um notanda sem á
dögunum fékk hótunartilkynningu
um lokun fyrir heitt vatn í hús sitt. í
tilkynningu á prentuðu blaði merktu
Rafmagnsveitu Reykjavíkur segir að
lokað verði fyrir vatnið, ef greiðsla
berist ekki „innan þriggja daga".
í nýjustu gjaldskrá fyrir Hitaveitu
Reykjavíkur sem gildi tók 10. mai sl.
segir hins vegar í 3. kafla 11. grein:
„Fyrirætlun um að loka ber að til-
kynna með 5 daga fyrirvara . .
Annaðhvort hafa Rafveitumenn
ekki nennt að hafa fyrir því að fletta
upp nýlega útgefinni reglugerð, eða
þeir brjóta vísvitandi reglugerðina,
sem ein hefur réttmæti laga.
í sömu hótunartilkynningu er
gjaldanda bent á, að gjald fyrir
enduropnun sé 6600 krónur. Hefur á
hótunartilkynningunni verið strikað
yfir prentaða upphæð enduropn-
unargjalds en ný upphæð stimpluð á
hótunartilkynninguna.
í sömu reglugerðargrein og áður er
hér vísað til stendur hins vegar orð-
rétt: „Allan kostnað af lokun og
opnun á ný grciðir sá, sem vanskilum
veldur kr. 5.656 hverju sinni.”
Svona skýrt er þetta í nýsettri
reglugerð. En Rafmagnsveitu
Reykjavíkur virðist í léttu rúmi
liggja, hvað lögin segja. Ekki liggur
Ijóst fyrir hversu mörgum sinnum RR
hefur innheimt ólöglegt gjald af not-
endum hjá Hitaveitunni.
Sá notandi sem áðurnefnda hót-
unartilkynningu fékk greiðir reikn-
inga fyrir heitt vatn sem byggðir eru á
áætlun. Afar auðvelt á að vera að
gera áætlanir um notkun heits vatns
þegar sama fjölskyldan býr í húsinu
ár eftir ár. Dagleg notkun í því húsi
sem áðurnefnd hótunartilkynning um
lokun var send hefur á tveggja ára
tímabili verið 3,06 tonn. í áætlun er
greiðanda gert að greiða 3,43 tonn á
dag. Samkvæmt rennslismæli vantar
nokkuð upp á að hann hafi notað
það vatnsmagn sem hann er þegar
búinn að greiða. En hótun um lokun
lætur samt ekki á sér standa. Þannig
getur húsráðandi sem lokað er hjá
verið búinn að greiða fyrir talsvert
vatnsmagn sem hann er ekki búinn að
fá!
Á þennan hátt fá Rafmagnsveita
Reykjavikur, og Hitaveita Reykja-
víkur væntanlega líka, vaxtalaus lán
hjá almenningi. Telja menn að það sé
m.a. slíkt fé sem Rafmagnsveitan
hyggst nú nota til að reisa 1700
milljóna kr. hús í Ármúla og er þar
svo í borið að sérsmíði verður á
mótum hverrar hæðar og síðan sér-
smíði á öllum frágangi, eins og DB
greindi nýlega frá.
Bréf mun nú á leiðinni til iðnaðar-
ráðuneytisins þar sem vakin er
athygli á reglugerðarbrotum Raf-
magnsveitunnar. Bætist iðnaðar-
ráðuneytið þá í þann hóp ráðuneyta
sem svara þarf fyrir ólöglega inn-
heimtu opinberra stofnana. - a St
SIGHVATUR EKKI
í LÁNSFJÖDRUM
„Það er ekki rétt að ég hafi reynt að
fá lánuð kjólföt til að vera við innsetn-
ingarathöfnina i Alþingishúsinu,”
sagði Sighvatur Björgvinsson alþingis-
maður er hann kom að máli við DB
vegna fréttar i blaðinu í gær um kjól-
fataleysi hans. „Ég geng ekki í láns-
fjöðrum og finnst ekki ástæða til að
eignast slíka múnderingu sem kjólföt
til þess eins að nota þau fimmtán
mínútur af ævi minni,” sagði Sig-
hvatur.
Ekki mætti líta svo á að hann væri
að sýna hinum nýja forseta litils-
virðingu með því að mæta ekki, sízt af
öllu, heldur væri tiltekið í boðskortinu
að menn ættu að mæta í kjólfötum,
þau ætti hann ekki til, vildi ekki fá þau
lánuð og hefði ekki hug á að eignast
þau. - BH
Spá Þjóðhagsstofnunar
fyrirárið 1980:
Einkaneyzlan minnkar í fyrsta sinn
síðan 1975, segir í spá Þjóðhagsstofn-
unar um afkomu íslendinga í ár.
Fjárfestingin vex hins vegar talsvert
eftir samdrátt síðustu tvö árin.
Einkaneyzlan minnkar líklega um
1—2 prósent á árinu.
Kaupmáttur kauptaxta launþega
var 3 prósent minni á fyrsta fjórð-
ugni þessa árs en hann var að meðal-
tali í fyrra. Þjóðhagsstofnun spáir
enn minnkun kaupmáttar á árinu,
þannig að hann verði 6 prósent minni
en á árinu 1979.
Dökkt útlit
Vísitala framfærslukostnaðar
hækki um 50—55 prósent frá upp-
hafi til loka ársins, og meðalhækkun
milli ára verði um 58 prósent.
Kaupmáttur ráðstöfunartekna á
hvern mann verði um 4 prósent minni
í ár en í fyrra.
Þjóðarframleiðslan vaxi um I —1,5
prósent í ár. Viðskiptakjörin við út-
lönd rýrni um 6 prósent til viðbótar
10 prósent rýrnun í fyrra. Megin-
ástæðan er sem fyrr hækkun olíu-
verðs, en nú bætist við, að annað inn-
flutningsverð virðist einnig munu
hækkameira enverðá útflutningi.
Vegna versnandi viðskiptakjara
við útlönd gæti farið svo, að þjóðar-
tekjur á mann minnki um 1,5—2 pró-
sent á árinu.
Við bætist, að horfur eru á, að
halli á viðskiptum við útlönd fari
vaxandi á árinu og gæti numið 3 pró-
sentum af þjóðarframleiðslunni í ár.
1 skýrslu Þjóðhagsstofnunar, sem
stuðzt er við að framan, er ekki gert
ráð fyrir grunnkaupshækkunum á ár-
inu.
- HH

OPNAÐIIMORGUN
VÖRIJVMRKAÐ
• I #
mzmmmm
vERsammiÐsröD
MIÐVANGUR 41
I 1 I
Fast viðHafi iarfiarðarveginn\
Til Hafnarfjaróar ^—
u
§
—) Til Reykjavikur
Reykjavikurvegur
SÉRHLBOÐ
í tilefni opnunarinnar verða ýmsar vörur
á afarhagstœðu verði m.a.
KJÖTVÖRUR, KAFFI, ÁVEXTIR
ÁVAXTASAFI OG PAPPÍRSVÖRUR
Góðaðkeyrsla, nœg bílastæði
VERSWMRMIÐSIOÐ M1DVANGI41