Dagblaðið - 31.07.1980, Blaðsíða 23

27
DAGBLAÐIÐ. FIMMTUDAGUR 31. JÚLÍ 1980.
d
Útvarp
Sjónvarp
D
Kafli úr ævisögu Sigfúsar Halldórssonar—útvárp kl. 22,35:
Nýjar upplýsingar
um Jóhannes Kjarval
í kvöld kl. 22.35 les Hjörtur Páls-
son kafla úr óprentuðu handriti bók-.
ar um Sigfús Halldórsson tónskáld
eftir Jóhannes Helga. Nefnist lestur-
inn „Vertu meira úti þegar þú ert að
mála.”
Jóhannes Helgi sagði i samtali við
DB að í þessum kafla væri fjallað um
kynni Sigfúsar og Jóhannesar heitins
Kjarvals listmálara. „Ég held að mér
sé óhætt að fullyrða að þarna komi
fram aðrar hliðar á Kjarval en þjóðin
hefur þekkt hingað til,” sagði Jó-
hannes.
Jóhannes Helgi hefur verið með
bókina um Sigfús í smiðum í nokkra
mánuði og er afráðið að hún komi á
jólabókamarkað og heiti þá Sigfús
Halldórsson opnar hug sínn. Það er
Skuggsjásem gefur bókina út.
Þess má geta að Sigfús Halldórs-
Sigfús Halldórsson tónskáld.
Jóhannes Helgi rithöfundur.
son, sem margt er til lista lagt, opnar myndum sínum að Kjarvalsstöðum.
2. ágúst nk. sýningu á Reykjavíkur- -GM.
FIMMTUDAGLEIKRITIÐ - útvarp kl. 21,30:
Spöruðu til að kom-
ast á sólarströnd
í kvöld kl. 21.30 verður flutt í út-
varpi leikritið Útsýni yfir hafið og allt
innifalið, eftir Franz Xavier Kroetz, í
þýðingu Sigrúnar Björnsdóttur. Leik-
stjórn annast Steindór Hjörleifsson.
Með hlutverkin fara Jón Hjartarson og
Lilja Þórisdóttir. Flutningur leiksins
tekur 40 mínútur. Tæknimaður er Ást-
valdur Kristinsson.
Efnisþráður er þessi: Ung þýzk hjón,
sem höfundur nefnir önnu og Karl,
hafa sparað í mörg ár til að geta leyft
sér þann munað að sóla sig á ítölskum
baðstað í nokkrar vikur. Mest af tím-
anum fer þó í að reikna út hvernig hægt
sé að nota hverja mínútu til að fá sem
mest fyrir peningana. Og sumarleyfið
verður ekki sú hvild, sem að var stefnt.
Höfundur leikritsins, Franz Xavierr
Kroetz, er einn þekktasti höfundur
yngri kynslóðarinnar í Þýzkalandi og
raunar víðar í Evrópu og hefur verið
einkar vinsæll á Norðurlöndum. Hann
er fæddur í Múnchen árið 1946. Vann
framan af m.a. sem bílstjóri og leikari
en lifir-nú eingöngu af ritstörfum.
Meðal þekktra leikrita hans er ,,Ober-
österreich” 1974, „Das Nest” 1976 og
„Mensch Meier” 1979.
-GM.
SUMARVAKA
— útvarp kl. 19,45:
María Markan
syngur
Fyrsta atriði á Sumarvöku útvarpsins
í kvöld kl. 19.45 er einsöngur Maríu
Markan. Hún syngur erlend og innlend
lög frá ýmsum tímum.
Maria fæddist i Ólafsvík 1905. Hún
stundaði nám i kvennaskólanum í
Reykjavík I tvö ár, en hóf söngnám í
Berlín 1927. Þar lauk hún óperuprófi
við Buhnen Nachweis 1935. Síðan
starfaði hún sem konserta- og óperu-
söngkona í Berlín, Kaupmannahöfn,
Osló, Stokkhólmi, Hamborg og
Reykjavik á árunum 1935—1939. Hún
var einnig á Englandi um hríð og vestut
í Bandaríkjunum söng hún við Metror
politan óperuna 1941—42.
Eftir strið fluttist María heim til ís-
lands og kenndi við Tónlistarskólá
Keflavíkur og rak síðan einkaskóla í
raddþjálfun og óperusöng í Reykjavik.
-GM.
POPP—útvarp í dag kl. 15,00:
Nýjasta nýbylgju-
stjarna Breta kynnt
,Ég ætla í dag að leika nokkur lög af
nýjustu plötu Jackson Browne, Hold
Out, og einnig að kynna nokkur lög
með björtustu von brezka nýbylgju-
rokksins, hljómsveitinni Any
Trouble,” sagði Páll Pálsson, er hann
var inntur eftir því, hvað hann hygðist
leika í poppþætti sínum i dag.
Páll kvað tónlist Any Trouble minna
nokkuð á það sem Elvis Costello og
hljómsveitin Attraction er að gera.
Fjögur ár eru liðin síðan Any Trouble
var stofnuð, en aðeins fáeinar vikur eru
liðnar síðan fyrsta LP plata hljóm-
sveitarinnar kom út. Hún hefur fengið
slíkar viðtökur í föðurlandi nýbylgj-
unnar að Any Trouble hefur nú sagt
skilið við barina og búllurnar, sem hún
skemmti á til skamms tíma og hyggur
núá meiri frægð.
„Auk þess ætla ég að leyfa hlustend-
um að heyra í Graham Parker & The
Rumours og leika tvö lög af nýjustu
plötu Al Di Meola,” sagði Páll Páls-
son.
- ELA
GÆRKVÖLDÍ
Makalaus maður hann Trausti
Veðurfar gærkvöldsins gaf fremur
takmarkað tilefni til þess að sitja við
útvarp — nema þá að dagskráin gefi
því meira tilefni til þess. Mér leizt
mun betur á að anda að mér glóð-
volgum loftmassa sem Trausti veður-
spekingur segir að sé ólympiuhiti ætt-
aður frá Sovét. Að venju voru það
kvöldfréttir útvarpsins sem ég lagði
mest upp úr að hlusta á. Þar var í
þetta sinn lífgað upp á agúrkutíðina í
fréttamennsku með því að ræða
veðurmálin við Trausta Jónsson á
veðurstofunni. Það er alveg maka-
laus maður á að hlýða. Hann nýtur
þvílíkrar hylli hjá landslýð fyrir
veðurskýringar sínar í imbanum að
hann myndi fljúga langt inn fyrir
þröskuld aiþingis ef honum dytti á
annað borð I hug að gefa sig í pólitík.
En fjandinn hafi það, hann ætti að
láta slíkt alveg eiga sig. Stefán Jón
Hafstein flutti að venju ólympíupistil
sinn frá Moskvu. Hann byrjaði á því
að láta í Ijós vonbrigði með að Óskar
og Hreinn hafi ekki náð lengra en í
10. og 11. sæti í úrslitakeppni kúlu-
varpsins. Er það ekki bara hinn bæri-
legasti árangur? Eða gera menn al-
mennt ráð fyrir að íþróttamennirnir
okkar sem flestir stunda fulla vinnu
og æfa iþrótt sína síðan í frístundum
standi alltaf jafnfætis eða því sem
næst atvinnuiþróttamönnum stór-
þjóða? Stefán hefur staðið sig ágæt-
lega í Moskvuferðinni. Mér svelgdist
að vísu á í fyrrakvöld þegar hann
flutti dýrðaróð um sovétskipulagið
sem hefði getað verið þýddur upp úr
ferðamannabæklingi útgefnum af
þjóðaböðlunum í Kreml. En á móti
kemur að vísu viðtal Stefáns við
ónefnda andófskonu fyrir nokkrum
kvöldum. Það var athyglisvert að
hlusta á hvað hún hafði að segja.
Aðrir dagskrárliðir sem mér þóttu
vel bitastæðir i gærkvöldi voru
fjallamannaþáttur Ara Trausta og
rökræður spekinga um það hvort til
væri sérislensk hugsun. Mér gramdist
þó að hafa ekki tækifæri til að hlusta
á þættina nema með öðru eyranu.
Sérstaklega þar sem mér fannst fyrri
þáttur Ara i síðustu viku hinn áheyri-
legasti. Þar kom Agnar Kofoed-
Hansen flugmálastjóri í viðtal og
sagði skemmtilegar lífsreynslusögur
úr fjallaklifri sínu og fleiri manna
sem hafa lagt þetta áhugaverða sport
fyrir sig.
Blaðberar óskast / eftirtalin
hverfí:
TJARNARGATA
BIAÐID
LAUSSTAÐA
Lektorsstaða í sagnfræði i heimspekideild Háskóla lslands er laus til
umsóknar.
Laun samkvæmt launakerfi starfsmanna rikisins. Umsækjendur skulu
láta fylgja umsókn sinni rækilega skýrslu um vísindastörf sin, ritsmíðar
og rannsóknir svo og námsferil sinn og störf.
Umsóknir skulu sendar menntamálaráðuneytinu, Hverfisgötu 6, 101
Reykjavík fyrir 22. ágúst nk.
Menntamálaróðuneytiö,
22. júH 1980.
LAUSSTAÐA
Staða dósents I sjúkraþjálfun i Háskóla tslands er laus til umsóknar.
Laun samkvæmt launakerfi starfsmanna rlkisins.
Umsækjendur skulu láta fylgja umsókn sinni rækilega skýrslu um vís-
indastörf sín, ritsmíðar og rannsóknir svo og námsferil sinn og störf.
Umsóknir skulu sendar menntamálaráðuneytinu, Hverfisgötu 6, 101
Reykjavík, fyrir 23. ágúst nk. Manntmnálwáflun.ytlð.
23.Júl1t90.
IHskandi
ferðalélagi