Dagblaðið - 31.07.1980, Page 6

6
DAGBLAÐIÐ. FIMMTUDAGUR 31. JÚLÍ 1980.
Bandaríkin:
EFNAHAG-
UR BATNAR
í BANDA-
RÍKJUNUM
—mesta breyting á einum mánuði síðan
áríð 1975—kemur sér vel fyrir
JimmyCarterforseta
Efnahagsstaða Bandarikjanna
batnaði til muna í júnímánuði síðast-
liðnum. Tilkynning þessa efnis var
gefin út i gær af viðskiptaráðuneyt-
inu í Washington. Er þá byggt á sér-
stakri vísitölu, sem reiknuð er út
mánaðarlega og skýrir t'rá hlutfalls-
legum breytingum umsvifa í efna-
hagsmálum.
Þykja þetta góð tíðindi fyrir
Jimmy Carter Bandarikjaforseta,
sem ekki á sjö dagana sæla þessa dag-
ana. Áðurnefnd vísitala hefur ekki
batnað í rúmlega eitt ár. Auk þess
hækkaði hún nú hlutfallslega meira
en hún hefur nokkru sinni gert á
einum júnímánuði síðan árið 1975.
Til samanburðar má geta þess að
hlutfallslega batnaði staða þessarar
efnahagsvisitölu um 2,5% í júni
siðastliðnum en í undangengnum
mánuði lækkaði vísitalan um 2,3%.
Sérfræðingar segja að batinn hafi
ekki komið þeim á óvart. Hins vegar
hafi hann verið meiri en búizt hafi
verið við. Ástæður fyrir þessu eru
sagðar vera blómlegt ástand i bygg-
ingariðnaði vestra. Einnig hafi orðið
minni fækkun starfa í verksmiðju-
iðnaði en búizt hafði verið við.
Skoðanakönnun sem birt var í
Bandaríkjunum í gær bendir til þess
að Carter forseti hafi aldrei áður
veriö í svo litlum metum meðal al-
mennings. Rétt tæplega átta af
hverjum tiu sem spurðir voru sögðust
vera óánægðir með störf forsetans.
6000 ARA GAM-
ALL BÁTUR
GRAFINN UPP
Danskir forrileifafræðingar eru nú
byrjaðir að grafa eftir leifum um það
bil 6000 ára gamals báts, sem fundizt
hefur á botni Tybrindvíkur á Vestur-
Fjóni. Þykir þetta einn merkasti forn-
leifafundur siðari ára frá fyrri stcinöld.
Báturinn þykir furðu vel varðveittur.
Kafarar vinna nú að því að grafa upp
af botni víkurinnar hvern hlut bátsins
og koma siðan með upp á yfirborðið.
Báturinn hefur verið sjö til átta metr-
ar að lengd. Hann er höggvinn út i
linditre. Bæði vantar fram- og aftur-
stefni bátsins. Ætlunin er að varðveita
hinn forna bát á safni í Árósum í fram-
tíðinni.
Þar sem hann fannst er þriggja metra
dýpi. Hefur þar verið bústaður stein-
aldarmanna. Hafa ummerki öll varð-
veitzt mjög vel.
Foringi leiðangursins sem vinnur að
uppgrcftrinum, Sören Andersen lektor
við háskólann i Árósum, hefur sagt að
þetta sé nteð merkari fornleifafundum i
Danmörku. Ekki sé vafi á að hann
muni vekja athygli viða um heim.
Auk bátsins sem verið er að grafa
upp af botni Tybrindvíkur hafa fundizt
ýmiss konar tréáhöld. Einnig hafa
fornleifafræðingar fundið beinagrind
af ungri móður og ungu barni hennar.
Benda leifarnar til þess að lífsmáti
steinaldarfólksins sem þarna hefur bú-
ið hafi síður en svo verið eins frum-
stæður og áður hefur verið talið. Til-
veran hafi einmitt þvert á móti verið
mjög skipulögð við Tybrindvík fyrir
sex þúsund árum.
1 gær var það upplýst i Washington
að Jimmy Carter Bandaríkjaforseti
hefði rætt innihald leyniskjala við Billy
bróður sinn áður en hann hélt í ferð til
Líbýu í september árið 1978. Var þetta
tilkynnt af einum af starfsmönnum
Hvíta hússins. Nefnd á vegum banda-
ríska þingsins vinnur nú að rannsókn á
tengslum Billy Carter við Líbýustjórn á
undanförnum árum. Einnig mun
nefndin kanna hvort bróðir hans for-
setinn. hefur haft einhver afskipti af
rannsókn dómsmálaráðuneytisins í
Washington af málinu.
Jimmy Carter forseti sagði á þriðju-
daginn var að hann væri reiðubúinn að
mæta til yfirheyrslu hjá þingnefndinni.
Væri hann þess fullviss að staðreyndir
mundu sýna fram á að Billy bróðir
hans hefði ekki haft nein áhrif á stefnu
eða framkvæmdir Bandaríkjastjórnar
gagnvart Líbýu.
Þau leyniskjöl sem forsetinn sýndi
Billy og ræddi um innihaldið viö hann
árið 1978, voru af því taginu að ekki er
astlazt til að þau komi fyrir augu nema
takmarkaðs hóps manna.
Suður-Afríka:
SV0RTUM H0TAÐ
BR0TTREKSTRI
—sorpið hleðst upp á götum ióhannesarborgar vegna
verkfalls f imm þúsund svartra verkamanna
Um það bil helmingur af svörtum
starfsmönnum sem vinna hjá stjórn-
völdum í Jóhannesarborg í Suður-
Afriku á uppsagnir yfir höfði sér ef
þeir mæta ekki til vinnu. Fimm þús-
und starfsmenn eru í verkfalli og þess
vegna hefur sorp og annar úrgangur
hlaðizt upp á götum borgarinnar.
Fulltrúi borgarstjórnar tilkynnti í
gær að þeir sem ekki mættu sam-
stundis til vinnu yrðu ekki ráðnir
aftur hjá Jóhannesarborg.
Hinir svörtu verkamenn hafa nú
verið sex daga í verkfalli. Krefjast
þeir hærri launa og heimildar til að
stofna eigið verkalýðsfélag. Kemur
þetta í kjölfar óeirða og ókyrrðar i
Suður-Afríku. Nokkrir hafa fallið í
óeirðunum og rúmlega fimmtíu
manns hafa verið handteknir.
Verkfall svartra í Jóhannesarborg
hefur einkum valdið erfiðleikum við
framleiðslu á gasi, við almennings-
flutningakerfið, sorphreinsun og raf-
magnsframleiðslu.
Stjórnendur í borginni Grahams-
town í Suður-Afriku bönnuðu í gær
opinberar jarðarfarir. Bannið er
rökstutt með því að um síðustu helgi
létust þrír í óeirðum sem urðu eftir að
svartur unglingur hafði verið jarð-
settur. Sá hafði falliði fyrri óeirðum.
Billy Carter bróðir Jimmy Carter Bandarikjafurseta við upptöku á viðtali i sjón-
varpi.
Billy skoðaði
leyniskjöl í
Hvítahúsinu