Dagblaðið - 03.04.1981, Side 9
DAGBLAÐIÐ. FÖSTUDAGUR 3. APRÍL 1981.
9
Erlent
Erlent
Erlent
Erlent
Bandaríkjamenn áhyggjuf ullir vegna heræf ínga við Pólland:
Aukid hemaðarbrölt á
landamærum Póllands
Caspar Weinberger varnarmilaráfl-
herra.
— Aðstoðarf orsætisráöherra Póllands er kominn til Bandaríkjanna.
— Pólska stjórnin segir óhugsandi að
hún geti gengið lengra ítilslökunum
við verkamenn. — Pólverjar fá mikil
matvæli frá Bandaríkjunum
Bandaríkjastjórn hefur látifl i Ijós auknar áhyggjur vegna hugsanlegrar innrásar Sovétmanna i Pólland eftir að henni
hafa borizt nýjar leynilegar upplýsingar um aukið hernaðarbrölt Sovétmanna á landamærum Póllands. Varnarmálaráð-
herra Bandaríkjanna, Caspar Weinberger, sagði í gær að Sovétmenn hefðu síðustu tvo daga bætt aðstöðu sína til inn-
rásar.
„Ástandið hefur versnað,” sagði
Weinberger þingnefnd um æfingar
Varsjárbandalagsherjanna við Pól-
land. Bandarískir embættismenn
sögðust hafa fengið leynilegar upp-
lýsingar sem sýndu nýjan þátt undir-
búnings Sovétríkjanna. Ekki var
skýrt frekar hvað við væri átt.
Skiptar skoðanir voru þó innan
bandaríska utanríkisráðuneytisins
um hvaða þýðingu þetta hefði og
einn af embættismönnum ráðuneytis-
ins sagðist ekki trúaður á að Sovét-
menn hefðu tekið ákvörðun um inn-
rás.
Upplýsingar þessar komu á sama
tíma og aðstoðarforsætisráðherra
Póllands, Mieczyzlaw Jagielski, er
staddur í Bandaríkjunum. Hann átti
viðræður við George Bush, varafor-
seta Bandaríkjanna, sem tilkynnti
eftir fund þeirra að Bandaríkjamenn
hefðu ákveðið að aðstoða Pólverja
vegna matvælaskortsins í landinu.
Sagði hann að Pólverjar fengju
keyptar umframbirgðir af þurrmjólk
og smjöri á lágu verði. Utanríkis-
ráðuneytið sagði að hér væri um að
ræða matvæli að andvirði 70 milljón
dollar og fengju Pólverjar að greiða
með verðlausum gjaldmiðli sínum.
Frá London bárust á sama tíma
þær fréttir að Pólverjar væru að ná
samkomulagi við ýmsar vestrænar
lánastofnanir um að frestað yrði
greiðslu á erfiðustu skuldum landsins
í þrjá mánuði.
George Bush sagði að loknum
fundinum með Jagielski, að stefna
Bandaríkjanna væri sú að blanda sér
ekki í innanríkismál Póilands. Hann
kvaðst vona að Sovétmenn fylgdu
sömu stefnu.
í gærkvöldi sagði annar aðstoðar-
forsætisráðherra Póllands, Miec-
zyslaw Raokowski, í sjónvarpsviðtali
i New York að stjórnin í Varsjá gæti
ekki veitt óháðu verkalýðsfélögunum
frekari tilslakanir. Hann sagði að það
mætti ekki gerast að róttæklingar
næðu völdum í Einingu því það gæti
hreinlega leitt til hruns pólska ríkis-
ins.
Ótti Bandarikjamanna við að Sovétmenn ráðist inn í Pólland hefur vaxiðá ný.
Ronald Reagan.
James Brady.
Thailand:
Byltingartil-
raun út
um þúfur
Prem Tinsulanonda, forsætis-
ráðherra Thailands, sendi her-
sveitir stjórnarinnar inn í höfuð-
borg landsins í gær og ríkisút-
varpið sagði að stjórnarherinn
hefði nú fulla stjórn á borginni og
byltingartilraunin hefði farið út
um þúfur.
Útvarpið hvatti byltingarher-
sveitirnar, sem eru undir stjórn
Sant Chitpatima hershöfðingja,
til að leggja niður vopn.
Vanir rafsudumenn
og menn til logskurðar óskast
J. Hinriksson hf.
Súöarvogi 4. — Símar 84677og84380.
„Frábær fram-
för” Reagans
vinsældir forsetans hafa vaxið mjög
Heilsa Reagans Bandaríkjaforseta
fer nú dagbatnandi eftir skotárásina
sem hann varð fyrir á mánudag og
segja læknar að hinn sjötíu ára gamli
forseti taki „frábærri framför”.
Reagan vann í gær ýmis stjórnunar-
störf þar sem hann liggur á sjúkrahúsi
George Washington háskólans. James
Brady, blaðafulltrúi forsetans, sem
skotinn var í höfuðið, er einnig sagður
á batavegi.
Tilræðismaðurinn John Hinckley
var eftir fyrstu geðrannsókn
úrskurðaður hæfur til að koma fyrir
rétt en hann mun gangast undir frekari
geðrannsóknir.
Hinckley, sem sagður er hafa gert
morðtilraunina í örvæntingarfullri til-
raun til að vinnahylli kvikmyndastjörn-
unnar Jodie Foster, mun sitja í fangelsi
í allt að þrjá mánuði meðan geðlæknar
reyna að kanna geðrænt ástand hans á
þeirri stundu sem hann skaut á forset-
ann og þá sem með honum voru. Full-
víst þykir nú að Hinckley hafi ætlað að
vinna leikkonuna Foster á sitt band
með því að skjóta forsetann. I íbúð
hans fannst bréf sem hann hafði ritað
til hennar þar sem hann sagðist ef til
vill mundu devja í tilraun til að „ná
Reagan”. Talið er að Hinckley hafi
verið undir áhrifum frá kvikmyndinni
Taxi Driver þar sem Foster lék annað
aðalhlutverkið.
Fjármálaráðherrann Donald Regan
sagði í gær að mistök hefðu átt sér stað
er leyniþjónustan var ekki látin vita af
þvi að Hinckley hafi verið handtekinn
með þrjár skammbyssur í Nashville í
Tennessee í októbermánuði síðastliðn-
um, sama dag og Carter forseti var
staddur þar. Hann sagði einnig að
forsetinn hefði átt að vera í skotheldu
vesti á mánudag en hann hefði alltaf
klæðzt því þegar lífverðir hans hefðu
ráðlagt það.
Skoðanakannanir sýna að vinsældir
Reagans hafa vaxið mjög eftir tilræðið
við hann.
PANTANIR ÓSKAST
SÓTTAR SEM FYRST
ÓDÝR EINANGRUN
Hin vinsæia 6 ' og 3 1/2"
glerullareinangrun m/ái-
pappa komin aftur
W-
HÚSEINANGRUN
Sound Control Batts
AUDBREKKU 44-46. SÍMI 45810. (Ekið inn frá Nýbýlavegi).