Dagblaðið - 12.05.1981, Blaðsíða 11

DAGBLAÐIÐ. ÞRIÐJUDAGUR 12. MAÍ1981. ,,
^ , V
Tímamótaviðburður íaugnlækningum á íslandi:
BNSTÆÐ SKURDAÐGBtD
LÆKNIS Á LANDAKOTI
—fjarlægði skemmda homhimnu úr auga og græddi í nýja homhimnu, auk þess sem hann fjarlægði
skýmyndun úr augasteini
Óli Björn Hannesson augnlæknir
framkvæmdi á miðvikudaginn ein-
stæðan uppskurð á auga á Landa-
kotsspitalanum. Hann fjarlægði
skemmda hornhimnu úr auga manns
og græddi í nýja hornhimnu. Auk
þess fjarlægði hann um leið ský-
myndun úr augasteininum. t raun-
inni er hér um að ræða tvær vanda-
samar aðgerðir sem Óli Björn fram-
kvæmdi í einu á nær fimm kiukku-
stundum. Slíkar aðgerðir hafa hingað
til verið gerðar erlendis en ekki á ls-
landi fyrr en nú. Kristján Sveinsson
augnlæknir framkvæmdi fáeinar að-
gerðir fyrir tveimur áratugum þar
sem græddar voru hornhimnur í
augu. En þá var tæknibúnaður ófull-
komnari en nú þekkist og aðstæður
allar mun erfiðari. Því varð ekki
framhald á þessum aðgerðum og
sjúklingar sem þurftu á þeim að
halda leituðu sér lækninga á sjúkra-
húsum erlendis.
ééin/v'A
Þversnið af augæ Óli Björn fjarlægöi 8 millimetra af
hornhimnunni og skýmyndun úr augastcininum. Hann
græddi siðan I nýja hornhimnu. Enn sem komið er
bendir allt til að aðgerðin hafi tekizt fullkomlega.
$ iHA-
M/atcA
Nú eru allar horfur á að umræddar
augnaðgerðir geti verið fram-
kvæmdar hérlendis framvegis, eftir
aðLmdakotsspítalinneignaðist nauð-
synlegan búnað og starfsliðið hefur
fengið þá þekkingu og reynslu sem
nauðsynlegt er. Talið er ekki fjarri
lagi að áætla að í hverjum mánuði
þurfi einn tslendingur að gangast
undir slíkan augnuppskurð.
Dagblaðsmenn fóru á stúfana i
gær og heimsóttu Óla Björn Hannes-
son lækni þar sem hann var við störf
á Hrafnistu, heimili aldraðra í Hafn-
arfirði. Einnig lá leiðin á Landakots-
spítalann, þar sem Þorvarður Stef-
ánsson liggur. Hann gekkst undir
uppskurðinn á miðvikudaginn.
-ARH.
LJÓSMYNDIR.
SIGURÐUR ÞORRI
SIGURÐSSON
„ Allir þættir þurfa að vera vel undirbúnir
til að svona aðgerð takist vel”
„Þakklátur
fyrir að svo
vel tókst til”
—segir Óli Bjöm Hannesson augnlæknir
„Aðgerðin var eiginlega meiri eld-
raun en ég hafði búizt við i fyrstu en
ég er auðvitað mjög þakklátur fyrir
að svo vel tókst til,” sagði Óli Björn
Hannesson augnlæknir í samtali við
blaðamannígær.
Ég kynntist aðgerðum af þessu tagi
þegar ég var við nám erlendis og hef
síðan haft á þeim mikinn áhuga.
Þegar kominn var nauðsynlegur
tæknibúnaður hérlendis til að fram-
kvæma þetta hér heima fannst mér
sjálfsagt að gera það. Ég hafði farið 1
námsferðir til útlanda og kynnt mér
málið rækilega áður. Ég dvaldi i
þessu skyni á sjúkrahúsi í London
árið 1979 og í Bandaríkjunum í stutt-
an tima síðastliðið haust. Til að að-
gerð af þessu tagi heppnist vel þurfa
allir þættir að vera vel undirbúnir.
Það á jafnt við um sjálfa skurðstof-
una sem eftirmeðferðina á deild-
inni,” sagði Óli Björn Hannesson.
-ARH.
Óli Björn Hannesson: Aðgerðin var meiri eldraun en ég hafði búizt við.
DB-mynd: Sig. Þorri.
Gamall að ámm en ungur í anda:
„Það er enginn
doði yfir mér”
—segir Þorvarður Stefánsson, 87 ára Homf irðingur, sem
gekkst undir augnuppskurðinn

* *
„Ég hef bara verið veikur i fjóra daga á ævinni! Það var um fermingaraldurinn þegar ég lá i mislingum.”
DB-mynd: Sig. Þorri.
„Ég get ekki annað en verið lukku-
legur með árangurinn. Ég var ákveð-
inn í að láta gera aðgerðina hvað sem
það kostaði og sé ekki eftir því. Það
er enginn doði yfir mér!” sagði Þor-
varður Stefánsson, 87 ára gamall
Homfirðingur, þegar við heimsóttum
hann á augndeild Landakotsspítala í
gær. Þó aðeins væru liðnir 5 dagar
frá aögerðinni á vinstra auga var
hann furðu hress og þakklátur lækn-
inum sínum og starfsfólkinu á spital-
anum fyrir allt það sem gert er fyrir
hann. Þorvarður er Hornfirðingur i
húð og hár og býr nú hjá dóttur sinni
að Setbergi I Nesjahreppi, Austur-
Skaftafellssýslu.
„Ég hef alltaf verið stálsleginn og
aðeins legið veikur í rúminu í fjóra
daga á ævinni! Það var þegar ég lá i
mislingunum um fermingaraldur,
sagði Þorvarður.
„Það fór að bera á því upp úr ár-
inu 1925 að eitthvað var að augun-
um. Þetta ágerðist og árið 1936
fór ég til læknis á Fáskrúðs-
firði sem sagði: „Það eru fjöll
í augunum á þér!” Kjartan Ólafsson
læknir skoðaði mig síðar og sagðist
halda að þetta stafaði af sáraveiki
sem ég hafi liklega fengið ungur.
Eftir þvi man ég ekki. Svo var mér
bent á Bergsvein Ólafsson augnlækni
sem gerði mikið fyrir mig.”
Langt er síðan Þorvarður hefur
getað lesið með góðu móti. Undir
það síðasta reyndi hann að lesa
stærra letur með stækkunargleri og
sterkum gleraugum. Nú gerir hann
sér vonir um að geta ef til vill fengið
nægilega sjón til að lesa eitthvað sér
til gamans. Hann gat lesið fyrirsagna-
letur í blöðum strax um síðustu helgi,
eftir að umbúöir voru teknar frá aug-
anu. Hann var vongóður um að fá
enn meiri og betri sjón þegar fram
líða stundir og augnskurðurinn grær.
„Ég veit ekki hvað ég þarf að vera
lengi hérna á spítalanum. Hann Óli
Björn ræður því, hann fylgist vel með
mér,” sagði þessi lífsglaði Hornfirð-
ingur þegar við kvöddum hann og
óskuðum honum góðs bata.
-ARH.

ATLI RUNAR
HALLDÓRSSOIM
'tiiiirricmiiiiii
. téz iri 3flar • uIdí! b.ðs t iáqa
imniiiinm i iiiiinnruu r* iiiiinmimifu irniil'
. JMJ-