Dagblaðið - 23.07.1981, Blaðsíða 9

DAGBLAÐIÐ. FIMMTUDAGUR 23. JÚLÍ1981.
9
i
Erlent
Erlent
Erient
Erlent
I
Rick Wakeman eyddi jafiivirði 14 milljóna króna á
þremur mánuðum:
Keypti sér 22 bíla og
leigði þotu til hljóm-
leikahalds í USA
Á um þremur mánuðum tókst Rick
Wakeman, orgelleikaranum fyrrver-
andi hjá Yes, að eyða einni milljón
sterlingspunda, jafnvirði 14 milijóna
króna. Rick, sem þá var 23 ára, keypti
allt sem hugurinn girntist, verðið skipti
engu máli.
,,Ég keypti 22 bíla, þar af 11 Rolls
Royce og tvo Jagúrara. Ég lét meira að
segja flytja inn Kadillac og Ford T frá
Bandaríkjunum.” í eitt skipti leigði
Rick þotu til að fljúga með sig og
hljómsveit sína og heila sinfóníuhljóm-
sveit til tónleikahalds í Bandaríkjun-
um. Það kostaði 250 þúsund sterlings-
pund, jafnvirði 3,5 milljóna króna.
Áður en milljónaævintýrið byrjaði
bjó Rick ásamt konu sinni Ros í tveggja
herbergja íbúð í West Harrow, útborg
London. Hana hafði Rick keypt á
4.250 pund. „Gallinn var sá að ég
hafði aldrei kunnað að fara með
penina, ef ég átti tíu pund var ég vís til
aðeyðaellefu.
„Þegar bókhaldari minn sagði við
mig, farðu og kauptu þér hús fyrir
30.000 pund, þá var ég nærri því dott-
inn niður úr gólfinu af undrun. Við
hjónin fórum í gamla Zephyr-bíl okkar
og ókum af stað' í leit að húsi. Það
fundum við í Suður-Bickinghamskíri,
fimm svefnherbegja hús sem kallað var
Southgate. Á þeim tíma leit ég ekki
beint glæsilega út. Ljóst hár mitt náði
niður fyrir axlir, ég var klæddur
grænum plastbuxum og í bol með
dónalegri áletrun. Sölumaðurinn starði
lengi áður en hann tilkynnti að húsið
kostaði 26.000 pund. Gott, þáá ég eftir
nokkur þúsund til að eyða í húsgögn,
sagðiég.
Peningarnir streymdu viðstöðulaust
til mín fyrir sölu á Yes-plötunum og ég
hafði aldrei kynnzt öðru eins. Ég hélt
uppi stórum kunningjahópi, blóð-
sugum kalla ég þá núna. Dag einn
vaknaði ég og ákvað að kaupa mér
Rolls-Royce. Það var byrjunin á bíla-
safni mínu.”
Síðan ákvað Rick að stofna eigin
hljómsveit og keypti öll hljóðfærin á
100.000 pund, jafnvirði 1,4 milljónir
króna. Aðrar hljómsveitir leigðu sér
tíma í stúdíóum, ekki mín. Ég keypti
bara stúdíóin. Eitt sinn keypti ég 3.000
fermetra verksmiðjuhús fyrir
æfingapláss.”
Nágrannar Ricks voru orðnir þreyttir
á hinum eilifu partíium og látum við
hús hans og Rick var sömuleiðis orðinn
þreyttur á nágrönnunum. „Svo ég fór
og keypti mér nýtt hús sem var rúmlega
helmingi dýrara en hið gamla.”
En hið óheilsusamlega líferni revndi
mjög á Rick og þar kom að hann fékk
hjartaáfall. Þá var Rick 25 ára gamall,
drakk tvær fiöskur af viskii á dag og
reykti fjóra pakka af sígarettum. Er
hann var útskrifaður af sjúkrahúsinu
fór hann sér hægar. Þó lét hann ekki
algjörlega af sinu fyrra líferni.
„í einu hljómleikaferðalaginu var
stúlka í kórnum sem var með stærstu
brjóst sem ég hef séð á ævinni. Brjóst
Dolly Parton voru eins og perlur í
smanburði við þau. Stúlkan sú fékkst
einu sinni til þess að leyfa einum rótar-
anum að lyfta öðru brjóstinu undan
blússunni og láta það hvíla á hljóð-
nemastatífinu. Þá klöppuðu allir við-
staddir.i
Þegar við vorum í Ástralíu plötuðum
við framkvæmdastjóra sinfóníuhljóm-
sveitar, Bob Angles, til að koma fram á
sviðinu í pilsi úr grasi og í engum nær-
buxum undir. Áhorfendur sáu alla
dýrðina jafnvel og Bob hefði verið
nakinn. Til að kóróna allt saman var
búið að stela fötum Bobs þegar hann
kom aftur niður í búningsklefann og
hann varð að gera svo vel að ganga í
pilsinu niður á hótel.”
Nú hefur Rick Wakeman róast
mikið. Fyrri kona hans skildi við hann,
en hann giftist aftur. Sú heitir Danielle
og er frönsk-svissnesk. Þau eiga einn
son, Ben. Nýjasta plata Rick, 1984,
hefur fengið mjög góðar viðtökur og
sjálfur segir Rick að nú fyrst sé hann
farinn að njóta lífsins. „Þegar við
verðum búin að eignast allt sem okkur
langar í kaupi ég mér kannski einhvern
fallegan hlut, eins og t.d. Rolls Royce
Corniche. En ég kaupi mér ekki heilan
bilaflota aftur, ég hef lært mína lexíu.
ŒJ37
Rick Wakeman við nokkra bíla úr fíota sinum.
Vel
heppn-
uðu flugi
fagnað
Paul MacCready, til hægri,
óskar flugmanninum Steven
Ptacek til hamingju eftir að
sá síðarnefndi hafði flogið vél
Pauls, Solar Challenger, yfir
Ermarsundið. Paul hannaði
flugvélina, en hún er nýstárleg
fyrir þá sök að hún fær orku
sína úr sólarljósinu. Aragrúi
fótosella á vængjum hennar sér
um að breyta sólarorku í raf-
magn og rafmagnið knýr síðan
hreyfll vélarinnar. Flugvélin var
flmm klukkustundir og 22
mínútur að fljúga hina 290 kíló-
metra leið frá Cormeilles-en
Vexin, norðvestur af París til
Englands.
Bob Dylan er orðinn mjög hræddur um lífsitt eftir morðið á John Lennon og
heldur sig lengstum á hóteiherfyjrgi sínuþegar hann fer i hljómleikaferðalög.
Lífhrœddur
Dylan dvaldi
ífelum
Eftir morðið á John Lennon í
desember sl. hefur mikil hræðsla við
hryðjuverkamenn og morðingja gripið
um sig meðal annarra kunnra tónlistar-
manna. Bob Dylan er þó þeirra allra
lífhræddastur og hljómleikaferðalag
hans um Evrópu nýverið þótti sýna
svart á hvítu þá auknu öryggisvörzlu.
Einkanlega voru frændur vorir í
Noregi og Svíþjóð hissa á öllu tilstand-
inu í kringum Dylan. Meðan hann
dvaldi í Osló eyddi hann mestum tíma
sínum uppi á hótelherbergi sínu og rétt
skauzt út fyrir dyr til að halda tónleika
í Drammenshallen. Tilkynnt hafði
verið að Dylan myndi fljúga frá Stokk-
hólmi til Osló en síðan laumaðist hann
yfir landamærin með næturlestinni.
í Stokkhólmi átti hann pöntuð her-
bergi á fjórum mismunandi hótelum og
endaði á lúxushótelinu Sheraton. Áður
hafði verið upplýst að reyna ætti að
halda kostnaði við hljómleikaferða-
lagið eins langt niðri og frekast væri
kostur. Dylan átti að fljúga á venju-
legu farrými frá London til Arlanda-
flugvallar og taka þaðan rútuna til
Stokkhólms þar sem hann átti að dvelja
á ódýru hóteli. Síðasta plata Dylans,
Saved, hefur selzt illa og fyrrverandi
kona hans Sara er frek til fjárins og af
þeim sökum neyddist Dylan til að
draga úr eyðslu sinni.
Me;ira að segja blaðamennirnir voru
hunzaðir. Þegar vélin var lent á
Arlanda renndi ómerktur bíll sér upp
að vélinni. Dylan og öryggisverðir
skutluðu sér inn og síðan var brennt í
burtu. Fyrir utan Sheraton hótelilð
biðu sænskir sjónvarpsmenn en er
Ðylan kom auga á þá hætti hann við að
fara aðaldyramegin inn í húsið, og fór
inn á hótelið í gegnum bilageymsluna.
Síðan sá enginn Dylan fyrr en hann
stóð á sviðinu daginn eftir.
1 Osló hafði Dylan bókað herbergi á
Ambassadeur hótelið en sá sig um hönd
og gisti á Grand hótelinu.
Undirleikarar Dylans sjá hann
heldur ekki nema rétt í svip, áður en
hann er rokinn eitthvað. Ekki einu
sinni útgáfufyrirtæki Dylans, CBS,
hefur hugmynd um hvar Dylan heldur
sig hverju sinni. Upp úr sauð hjá CBS
og Dylan í Frakklandi og eftir þær
sennur var tilkynnt að næsta plata
Dylans, Shot of Love, yrði sú síðasta
sem hann gerði fyrir CBS. Dylan hafði
lofað að koma fram í útvarpi og sjón-
varpi, bæði í París og London, en efndi
þó ekki þau orð sín. Hann lét þó undan
og átti stutt samtal við útvarpsmenn frá
Bretlandi, en það er sennilega vegna
þess að Saved hefur selzt mjög illa í
Englandi.