Búnaðarsamband Austurlands - 01.09.1906, Blaðsíða 10

10
sem í það ganga. Og það er eins og önnur félög að
því leyti, að það „er það“, sem meðlimirnir láta það
vera. Það eru sem sé félagsmenn sjálfir, en enginn
utan að komandi kynjakraftur, sem setja mótið á félags-
skapinn, hver sem hann er, og gera hann gagnlegan
eðn gagnslítínn. Og þannig má búast við, að Búnaðar-
sambandíð sé, og verði á hverjum tíma, á nokkuð líku
reki, sem meðlimir þess, búnaðarfélögin, að því er verk-
legar framkvæmdir snertir, enda getur ekki annað verið,
þar sem einmitt þau „eru“ „Búnaðarsambandið".
En sé eigi að eins horft á yflrstandandi tíma, held-
ur borið saman fyr og nú og máske skygnst eitthvað
fram í tímann og spurt, hvað heflr Sambandið gert og
hvað ætlar það að gera, þá er svarið þetta: Sambandið
vill vera og ætlar sér að vera sambandsliður milli hinna
-einstöku búnaðarfélaga og reyna að mynda og efla sam-
vinnu þeirra á meðal í öllu, sem að framkvæmdum eða
umbótum í búnaði lýtur. Og við þetta er fyrirkomulag
þess miðað. A fulltrúafundum þess mæta kjörnir menn
frá búnaðarfélögunum, og þeir fundir taka ákvarðanir
um, í hverja átt og að hverju beita skuli starfskröftun-
um á komandi ári. Þar kynnast menn hver öðrum,
heyra álit annara á ýmsum merkum búnaðarmálum,
ræða með öðrum áhugamál, ýmist sín eigin eða annara,
-og heyra lýst reynslu einstakra manna eða félaga í ýmsri
nýbreytni, sem til umbóta horfir fyrir búnaðinn. Og svo
flytjast með fulltrúunum aftur út um héruðin nýjar
skoðanir, ný reynsla, ný þekking, ný áhrif, nýr áhugi í
ýmsum greinum. Og þegar þetta endurtekst ár eftir ár,
þá er ekki unt að segja, hversu mörgu, góðu og gagn-
legu það kann að koma til leiðar með tímanum, ein-
mitt þetta, að menn læra hver af öðrum og hagnýta
hver annars reynslu.
Þannig heflr Búnaðarsambandið starfað hingað til,
•og má sjá á skýrslum þess, hver árangurinn er, borið
saman við það, sem áður var. En þess verður að gæta,