Frjáls verslun - 01.01.1953, Page 13

Aðalinngangur í verzlunarhvcrfið.
næst miðbænum, og þeirra er liggja fjærst. Einnig
hefur umferð verið flutt af gamla veginum, sem nú
liggur í gegnum miðbæinn, á annan helming hring-
brautarinnar. Þar sem þvervegir skera hringbrautina,
hafa verið gerð hringtorg til þess að losna við um-
ferðarhnúta. Vegna þeirra geysiumferðar, sem um
götu þessa verður, hefur hún verið algerlega einangr-
uð frá íbúðarverfunum með trjárunnum. Það er því
ekki hægt að komast út á hana, nema eftir þverveg-
unum, sem liggja milli hverfanna.
HVERT íbúðarhverfi á að rúma 4500 til 6500 íbúa.
Við útreikninga er reiknað með, að 125 manns búi
á hverjum hektara landssvæðis. Er þá gengið út frá,
að meðal-fjölskylda sé 3,25 manns. Alhugun á þessu
var látin fara fram í einum af þessum bæjum og sýndi
það sig, að þetta var mjög nálægt því sanna, sem
reyndist vera 3,266 manns í meðal-fjölskyldu.
HVERT hverfi hefur sitt eigið „centrum“ með öll-
um nauðsynlegum verzlunum, er sjá fyrir daglegum
þörfum íbúanna, svo og kirkju, leikvelli og skóla,
sem verður innréttaður þannig,' að samkomusal hans
má nota fyrir samkomur íbúanna, ef á þarf að halda.
Ennfremur verður þarna „hús fólksins“, en það er
ölstofa.
Áður en hafizl er handa um byggingarframkvæmd-
ir, er hvert hverfi skipulagt í öllum smáatriðum. Gerð
húsa ákveðin og fjarlægð þeirra frá götu, svo og götu-
breiddir. Þegar þessu verki er lokið, er byrjað á því
að leggja allar nauðsynlegar leiðslur um hverfið, ekki
einungis í göturnar, heldur að hverju einstöku húsi.
Eftir það eru vegirnir steyptir og fullgerðir, nema
gangstétt og síðasta asfaltslitlagið, sem sett er á,
um leið og verið er að ljúka við húsin. Á þennan hátt
vinnst verkið ódýrast og á s.em stytztum tíma, þar sem
öll bráðabirgða vinna verður óþörf.
ÁVALLT eru tvö íbúðarhverfi í byggingu samtím-
is. Er það gert lil þess að fólk geti frekar valið um.
í hvoru hverfinu það vill heldur vera. Nú sem stend-
ur eru að mestu fullbyggð tvö hverfi. nema verzlun-
arhúsin, sem verið er að byrja á, svo og tveim kirkj-
um og ölstofu. í næstu tvö hverfi er nú þegar lokið
við að leggja allar leiðslur í gölur og verður bvrjað
á byggingu íbúðarhúsanna nú með vorinu.
HUS þau, sem þeir hafa byggt, eru tveggja hæða
sambyggð einbýlishús, þriggja hæða hús með tveim
og þremur íbúðum við hvert stigahús, og svo nokkur
einna hæðar íbúðarhús. Eins og að líkum lætur, eru
tveggja hæða einbýlishúsin lang flest. enda hefð-
hundinn byggingarmáti í Englandi.
BYGGINGARNEFNDIN lét gera nákvæma athug-
un á byggingarkostnaði hárra íbúðarhúsa, en niður-
staða þeirrar rannsóknar leiddi í ljós, að mun dýr-
ara yrði að byggja slík hús pr. m2 íbúðarrýmis en
ef lægri húsin yrðu byggð. Einnig yrðu þau dyrari í
rekstri en hin lægri, og var því algerlega fallið frá
því að byggja nokkuð af slikum húsum. Að sjálf-
FRJÁLS VERZLUN
13