Frjáls verslun - 01.01.1953, Blaðsíða 31

Gluggasýningar Framh. aj bls. 19.
að hún krefst þolinmæði, vandvirkni og mikillar æf-
ingar tíl þess að árangur náist .
Ungu verzlunarmenn, takið „styrktarstokkana“
strax í dag og farið að æfa ykkur. Búið til pýramída,
hús, brýr og það, sem ykkur dettur í hug, á borðið
eða í gluggann. Útvegið ykkur gott skilti, sem þið
getið notað við þetta tækifæri, og á það getið þið
skrifað 'texta þann, er ykkur finnst bezt við eiga.
Hér koma nokkrir.
„Um leið og þið kaupið styrktarstokkinn, hjólp-
ið þið lömuðum."
„Eitt lítið ljós tendrar nýja von um kraft hjó
lömuðum."
„Styrktarstokkurinn í hvers manns vasa."
„Húsmœður, kaupið styrktarstokkinn og styðjið
lamaða."
Margir fleiri textar koma til greina.
Stillið út styrktarstokkum. Reynið nýjar leiðir
hvað eflir annað, og þegar þið hafið náð þeirri leikni,
að ykkur finnst leikur einn að gera gluggasýningar
með stokkum, þá hafið þið náð grundvallarleikni til
þess að stilla út alls konar ])akkavarningi, svo og
öðrum vörum. Jafnframt rnunið þið finna ánægju af
að hafa notað tímann vel fyrir sjálfa ykkur og fyrir
gott málefni. Sveinbjörn Árnason.
Jólaútstillinjí hjá HvannberKshræðrum. Ljósm.: Geir Fenger.
Frá borði ritstjórans Framh. af bis. 25.
fyrir löngu. Það hefur yfirleitt allt orðið til þess að
gera verzlunina óhagstæðari og vöruverðið hærra fyrir
almenning í landinu, en það hefur skapað atvinnu
fyrir margan mann og svo er enn.“
GLUGGASÝNINGAR verzlana bæjarins fyrir síð-
ustu jól voru fjölskrúðugri og betri en nokkru sinni
áður. Verða þeir fleiri kaupmennirnir með hverju ári
sem líður, er leggja einhverja rækt við sýningar-
gluggana. Margar jólaútstillingar voru frumlegar og
smekkvísar. Er auðrætt að leikni manna við þá iðju
fer vaxandi.
Tvær verzlanir við miðbæinn höfðu „lifandi jóla-
sveina“ í gluggum sínum tvo síðustu sunnudaga fyrir
jól, og sýndu þeir vegfarendum vörur og léku listir
sínar. Drógu þeir að mikinn aragrúa borgara. Var
þetta vel til fundið og smellið auglýsingabragð.
Það verður aldrei of oft brýnt fyrir kaupmönnum
að hyggja vel að sýningargluggunum. Þeir eru lykill
að miklum og góðum viðskiptum.
FRJÁLS VERZLUN
31