Frjáls verslun - 01.04.1964, Page 20

UR BREZKUM BLAÐAHEIMI:
BARIZT f FLEET STREET
- upp á líf og dauða
Ástandið í Fleet Street, London, er eðlilegt.
Brezku blöðin heyja baráttu upp á líf og dauða.
Þannig hefur það verið síðan iðnbyltingin skóp
gífurlegan fjölda fréttaþyrstra blaðalesenda.
Það sem hins vegar er óvenjulegt við þá bar-
áttu, sem nú er háð 1 Fleet Street er það, að
harðasta samkeppnin er milli hinna betri sunnu-
dagsblaða. Fyrir tveimur árum hóf Sunday
Times útgáfu litprentaðs tímarits, sem afhent
er ókeypis með hinni venjulegu sunnudagsút-
gáfu blaðsins. Nú í október tilkynnti aðalkeppi-
nautur þess, Observer að það hefði einnig hafið
útgáfu slíks tímarits og loks hafa nokkur dag-
blöð fylgt í fótspor þessara vikublaða.
Segja má að núverandi óróatímabil í Fleet
Street hafi hafizt 1953 þegar kanadiskur blaða-
kóngur, Roy Thomson kom til Bretlands og hóf
að safna dagblöðum eins og sumir safna frí-
merkjum. Thomson keypti Sunday Times árið
1959 og hefur á þeim tíma sem liðinn er tvö-
faldað útbreiðslu þess og er það nú helmingi
útbreiddara en Observer, aðalkeppinautur þess.
Með útgáfu fyrrnefnds tímarits, The Sunday
Times Colour Magazine náði Thomson mikil-
vægu forskoti fram yfir keppinauta sína. Auk
Observer hafa nú þrjú dagblöð tilkynnt fyrir-
hugaða útgáfu slíkra tímarita en það eru Daily
Telegraph, sem mun gefa sitt rit út á föstudög-
um og Daily Express og Daily Mail sem hafa
sameinast um útgáfu litprentaðs tímarits.
Thomson hefur sem fyrr segir safnað blöðum
í stórum stíl bæði í Bretlandi og annars staðar.
Eini slagurinn sem hann hefur tapað var þeg-
ar honum mistókst að komast yfir útgáfufyrir-
tækið Odhams Press, sem m. a. sá um útgáfu
Daily Herald. Þar bar Cecil King aðalútgefandi
Daily Mirror og forstjóri stærsta blaðahrings
Bretlands sigurorð af Thomson.
20
FRJÁLS VERZLUN