Frjáls verslun - 01.07.1975, Side 79
Óskar Sigurðsson er deildar-
stjóri. Deildin er sú fyrsta sinn-
ar tegundar hérlendis. Leður-
húsgögnin í JL-húsinu eru bæði
innlend framleiðsla og einnig
eru þar innflutt húsgögn. Áhugi
fyrir húsgögnum af þessu tagi
hefur aukist verulega á síðustu
árum og virðist fólk ekki leng-
ur horfa í það að borga um
100 þúsund krónum meira fyr-
ir vönduð leðurhúsgögn en það
þyrfti að gera, ef það keypti
sett með tauáklæði.
í JL-húsinu getur að líta um
8 tegundir af íslenskum settum,
sem hægt er að fá í 10-15 lit-
um. Húðirnar, sem eru notaðar
í húsgögnin, eru yfirleitt norsk-
ar eða franskar og ef pantaðir
eru sérstakir litir er afgreiðslu-
frestur á húsgögnunum um það
bil 2 mánuðir.
Flestir vilja hafa léttan blæ
yfir húsgögnunum, en þó er
þungur stíll alltaf vinsæll af
ákveðnum hópi fólks. Gæði ís-
lensku leðurhúsgagnanna eru
fyllileg'a sambærileg við er-
lenda framleiðslu. Hins vegar
mættu íslenskir húsgagnafram-
leiðendur gjarnan vera svolitið
fljótari á sér við að tileinka sér
nýjar línur í húsgagnatískunni.
JL-húsið hefur látið gefa út
sérstakan kynningarbækling,
þar sem birtar eru myndir af
ýmsum vörum, sem eru á boð-
stólnum. Bæklingur þessi er
sérstaklega ætlaður fyrir við-
skiptavini úti á landi, sem geta
hringt til fyrirtækisins í síma
10600 og fengið hann sendan.
Von er á nýjum bæklingi með
haustinu, en mikill hluti við-
skiptavinanna í JL-húsinu er
fólk utan af landi. — Verslunin
er opin á venjulegum af-
greiðslutíma, en frá september
til áramóta er opið til kl. 10 á
föstudögum og hefur sú þjón-
usta verið mjög vinsæl.
Augsýn á Akureyri:
Það vandaðasta héðan
og frá IMorðurlöndunum
„Akureyringar eru varfærnir
í húsgagnakaupum. Þeir vilja
gjarnan skoða fyrst livað er að
fá í verslunum í Reykjavík áð-
ur en þeir Iáta sannfærast um
að vörurnar, sem við bjóðum
upp á séu gjaldgengar. Gerir
þetta miklar kröfur til okkar,
sem verslum með húsgögn á
Akureyri.“
Þetta sagði Benjamín Jóseps-
son, eigandi húsgagnaverslunar-
innar Augsýnar á Akureyri.
Augsýn hefur verið starfrækt
frá því 1969 að Strandgötu 7 og
býður verslunin upp á fjöl-
breytt úrval af innlendum hús-
gögnum og einnig lítils háttar
af erlendum húsgögnum.
Verslunin er aðallega með
húsgögn frá Kristjáni Siggeirs-
syni og auk þess frá Úlfari Guð-
jónssyni og Víði og er verð á
hinni innlendu framleiðslu hag-
stætt miðað við erlenda vöru.
—■ Það eru hvergi betri hús-
gögn framleidd í heiminum en
á Norðurlöndum, segir Benja-
mín.
— Á síðastliðnu ári hóf
ég innflutning á norskum og
dönskum húsgögnum. Norsku
húsgögnin eru frá fyrirtækinu
Vatne Lenestolfabrikk A/S og
frá Sunn-expá samsteypunni, en
þau dönsku eru frá Fritz Han-
sen A/S. Húsgögnin frá Vatne
eru úr stáli og tré og eru klædd
leðri. Þau eru hönnuð af Sig-
urd Resel, en dönsku húsgögnin
eru hönnuð af Arne Jacobsen
og Verner Panton. Þá er ég
einnig með nokkuð af sænskum
og finnskum húsgögnum. Allt
eru þetta vörur í sérflokki, sem
uppfylla sívaxandi kröfur við-
skiptavinanna um stíl og gæði.
í versluninni getur að líta
ýmsa listmuni, en Benjamín
segist kaupa þessa muni inn
fyrir fagurkera bæjarins, sem
vilja skreyta heimili sín með
óvenjulegum munum. Þá er
einnig hægt að fá Crown-
veggfóður á staðnum, en vin-
sældir veggfóðurs eru alltaí
jafnmiklar. Hins vegar er fólk
orðið varkárara með liti og
munstur á veggfóðri en það var
fyrir nokkrum árum.
Loks sagði Benjamín, að ef
kaupa ætti inn góð húsgögn í
stofu og borðstofu væri það til-
tölulega ódýrara nú en það var
fyrir nokkrum árum, ef miðað
er við þær hækkanir, sem hafa
orðið á íbúðarverði á sama
tíma.
Norrænt sófasett í sýningarsal Augsýnar.
FV 7 1975
79