Frjáls verslun - 01.10.1979, Qupperneq 9

Ingvi Ingvason tók hinn fyrsta október s.l. við
störfum framkvæmdastjóra Rafha. Ingvi er
fæddur áriö 1944. Hann lauk námi í rennismíði
árið 1966 og hóf síðan nám í tæknifræði hér
heima og lauk síðan prófi sem véltæknifræð-
ingur frá Tækniskóla Álaborgar í nóvember
1971.
Strax eftir nám hóf Ingvi störf hjá h.f. Raf-
tækjaverksmiðjunni í Hafnarfirði (Rafha). Þar
starfaði Ingvi fimm fyrstu árin sem tæknifræð-
ingur í tæknideild og sá um hönnun og tækni-
leg verkefni verksmiðjunnar. Árið 1977 er hann
ráðinn sem aðstoðarframkvæmdastjóri Rafha
og síðan framkvæmdastjóri frá og með fyrsta
október eins og áöur sagöi.
í viðtali við blaðið sagði Ingvi að störf sín sem
framkvæmdastjóri fyrirtækisins, væru aðallega
á sviði stjórnunar og ráðgjafar fyrir viðskipta-
vinina.
„Um. 50% framleiðslunnar er heimiliselda-
vélarnar sem framleiddar eru undir nafni
Rafha," sagði Ingvi.
„Að öðru leyti eru framleiddir rafhitarar til
upphitunar á húsum, síðan er það flúorlampa-
framleiðslan og loks sérsmíðadeild, sem sér um
sérsmíði tækja í hótel og mötuneyti."
— Hvernig kanntu síðan viö nýja starfið?
„Þetta er ákaflega fjölbreytt starf og við-
fangsefnin eru mörg og erfið úrlausnar sér-
staklega kannski fjármögnun rekstrar fyrirtæk-
is sem starfar í þjóófélagi sem býr við 60%
verðbólgu. I orði ríkir mikill skilningur stjórn-
valda á vandamálum iðnaðarins, en ég er ekki
enn farinn að sjá að skilningurinn sé eins mikill
á borði.
Eggert Ágúst Sverrisson hefur verið ráðinn
fulltrúi forstjóra Sambands íslenskra sam-
vinnufélaga. Verkefni hans er að skipuleggja
og koma á áætlunargerð og kostnaðareftirliti
innan fyrirtækisins.
Eggert Ágúst er fæddur árið 1947. Hann út-
skrifaðist úr Verslunarskólanum árið 1968 og
lauk prófi frá viðskiptadeild Háskóla íslands í
janúar 1973. Strax á eftir fór hann til Genfar og
vann þar um skeið hjá International Trade,
Center, það er hluti af Unctad sem er ein af
alþjóöastofnunum Sameinuðu þjóðanna. Síð-
an vann hann hjá Útflutningsmiöstöð iðnaðar-
ins og árið 1974 varð hann rekstrarráðgjafi hjá
ráðgjafafyrirtækinu Hagvangi. Þar starfaði
hann fram á mitt þetta ár, að hann réðst til
Sambandsins.
„Mér líkar vel við þetta starf," sagði Eggert
Ágúst Sverrisson í viðtali við blaðið. „Starfið
felst mikið í endurskipulagningu og söfnun
upplýsinga og úrlausn þeirra. I þessu starfi
mínu þarf ég að hafa samskipti við mikið af fólki
innan fyrirtækisins og er það ekki síst meó
ánægjulegri hlutum þess."