Frjáls verslun - 01.03.1992, Side 24

Lýður Friðjónsson var framkvæmdastjóri hjá Vífilfelli í 7 ár. Á því tímabili
varð gífurleg hagræðing í rekstri fyrirtækisins og lögð var áhersla á öflugt
markaðsstarf. Á árunum 1985 til 1990 nam raunveltuaukning Vífilfells
138% en á sama tíma fækkaði ársverkum um 21%.
skipuleggja tíma sinn vel þegar maður
þarf að vera mikið á ferðinni.
MIKIL FERÐALÖG
Ég legg áherslu á að hafa tíma til að
hitta viðskiptavinina hér í Noregi og
heimsæki því bæði verslanir og veit-
ingastaði. Einnig er ég í nánu sam-
bandi við ráðgjafa okkar í markaðs-
málum utan fyrirtækisins, t.d. aug-
lýsingastofur. Mér telst svo til að ég
sé að meðaltali einn vinnudag í viku á
ferð erlendis í erindum fyrirtækisins
fyrir utan mikil ferðalög innan Nor-
egs.
Vinnudagurinn er langur, venju-
lega frá átta á morgnana til sjö á
kvöldin og yfirleitt vinn ég um helgar,
ekki síst ef ég hef verið á ferðalögum.
í fyrirtækinu eru gerðar miklar kröfur
varðandi vinnuframlag og þegar menn
eru í svona starfi verða þeir að vera
tilbúnir að leggja mikið á sig, mikla
vinnu og miklar fómir. Séu menn ekki
tilbúnir til þess er alveg eins gott að
sleppa því að gefa kost á sér til starfa
því það eru nógu margir tilbúnir að
taka störfin að sér.
Ef menn standa sig ekki þá verða
aðrir að taka yfir. Það er mikið af
hæfu fólki sem bíður tilbúið til að axla
ábyrgð. Þar er um að ræða fólk sem
hefur bæði menntun og reynslu til að
bera. I svona fyrirtæki er einfaldlega
ekki rúm fyrir neina meðalmennsku. “
Þú talar um þessar miklu kröfur
sem gerðar eru til stjómenda hjá
þessu alþjóðlega fyrirtæki. Því er
lokaspurningin þessi: Er mikill munur
á þeim kröfum, sem gerðar eru til
manna í svona fyrirtæki, og þeirra
krafna sem gerðar eru til stjórnenda í
íslensku atvinnulífi?
„Almennt séð gera íslenskir stjórn-
endur litlar kröfur til sín. Það væri að
mínu mati hægt að reka miklu fleiri
fyrirtæki á íslandi með miklu betri
árangri en nú er gert. Miklu fleiri ís-
lensk fyrirtæki gætu skilað hagnaði ef
stjórnendur gerðu meiri kröfur til
sjálfra sín og aðrir gerðu meiri kröfur
til þeirra. Það vantar að menn hafi
kjark til að setja sér djörf markmið
um arðsemi og árangur. Það þarf að
koma til hugarfarsbreyting í þessum
efnum í íslensku atvinnulífi."
LÝÐUR FRIÐJÓNSSON
Lýður Friðjónsson er 35 ára. Hann út-
skrifaðist sem viðskiptafræðingur frá Há-
skóla íslands árið 1980. Á meðan á við-
skiptafræðináminu stóð og fyrst á eftir
starfaði hann hjá Stjórnunarfélagi íslands.
Árið 1981 tók Lýður við starfi fjármála-
stjóra hjá Verksmiðjunni Vífilfelli hf. Árið
1983 hélt hann svo utan til framhaidsnáms
og lauk MBA prófi í rekstrarhagfræði við
Imedeháskólann í Lausanne í Sviss.
Lýður var framkvæmdastjóri Vífilfells
frá 1984 til haustsins 1991. Þá tók hann við
framkvæmdastjórastöðu hjá Coca-Cola í
Noregi, sem hann gegnir nú, og er búsett-
ur í Osló ásamt fjölskyldu sinni.
Á árunum 1986 til 1991 var Lýður
stundakennari og í hálfri stöðu lektors í
viðskiptadeild Háskóla íslands. Hann
kenndi þá markaðsfræði og stefnumótun
markaðssetningar.
Hann hefur m.a. átt sæti í stjómum
Stjórnunarfélags íslands, Sambands
ungra Sjálfstæðismanna og Félags ís-
lenskra iðnrekenda.
Lýður Friðjónsson hefur einnig átt
sæti í stjórnum nokkurra hlutafélaga.
Má þar nefna: Steypustöðina hf., Reyk-
víska endurtryggingu hf., Amarflug hf.,
Handsal hf., Mátt hf. og Sýn hf.
Eiginkona Lýðs er Ásta Pétursdóttir.
Þau eiga fjögur börn.
24