Frjáls verslun - 01.03.1992, Qupperneq 30

í skýrslu Ríkisendurskoðunar haustið 1990 er sérstaklega tekið fram að við mat á raunhækkun rekstrarkostnaðar
Húsnæðisstofnunar verði að taka tillit til mikilla breytinga á starfseminni sem hafi leitt af sér stóraukin verkefni.
og sparisjóða og greiddu viðskipta-
vinirnir sjálfir fyrir þá þjónustu. Inn-
lánsstofnanir hefðu ráðist í nám-
skeiðahald fyrir sitt starfsfólk í því
skyni að gera það hæfara til að sinna
þessari þjónustu.
Auðvitað kostar útgáfa húsþréfa
eins og annarra veðbréfa mikla papp-
írsvinnu. Húsnæðisstofnun ríkisins
annast stóran hluta hennar og tekur
fyrir það 1% þjónustugjald. En hvers
vegna fer þessi vinna fram í sérstakri
stofnun við Suðurlandsbraut?
í raun má segja að fyrirgreiðsla
hins opinbera varðandi húsbréfavið-
skiptin sé fyrst og fremst fólgin í
þeirri ábyrgð sem Ríkissjóður veitir.
Mat á greiðsluhæfni umsækjenda fer
fram út í bönkunum. Þar eru pening-
arnir einnig og því eðlilegt að spyrja
hvort þær stofnanir geti ekki alfarið
annast þetta verkefni. Sannleikurinn
er auðvitað sá að húsbréf eru ekkert
annað en ríkistryggðir pappírar og
vandséð hvers vegna ekki má vista
þau viðskipti í almennum innláns-
stofnunum.
í annan stað má benda á Tækni-
deild Húsnæðisstofnunar. Þar starfa
arkitektar og verkfræðingar við
hönnun húsa, aðallega þeirra sem
„Auðvitad kostar útgáfa
húsbréfa eins og annarra
veðbréfa mikla pappírsvinnu.
Húsnæðisstofnun ríkisins
annast stóran hluta hennar og
tekur fyrir það 1% þjónustu-
gjald. En hvers vegna fer þessi
vinna fram í sérstakri stofnun
við Suðurlandsbraut?“
byggð eru í félagslega kerfinu. Einnig
fer þar fram viðamikið kostnaðareftir-
lit því byggingasjóðirnir mega ekki
veita lán til framkvæmda nema kostn-
aður sé innan tilskilinna marka. Á síð-
asta ári seldi þessi deild út vinnu fyrir
57 milljónir króna. Miðað við verk-
efnaskort á sambærilegum stofum,
ekki síst úti á landi þar sem oft er
byggt eftir teikningum Húsnæðis-
stofnunar, má spyrja hvort þessa
þjónustu hefði mátt fá fyrir lægri upp-
hæð? Hvers vegna eru hönnuðir ekki
látnir bjóða í þessi verkefni?
Eins og fram hefur komið var um
helmingur útgjalda Húsnæðisstofn-
unar á síðasta ári vegna greiðslna til
verktaka, einkum Veðdeildar Lands-
bankans, Reiknistofu bankanna og
annarra verktaka, einkum vegna
þjónustu við tölvukerfi.
Sögulegar ástæður eru fyrir því að
Veðdeild Landsbankans situr ein að
verkefnum fyrir Húsnæðisstofnun en
með nokkrum rétti má segja að deild-
in hafí annast verkefni stofnunarinnar
fram til þess tíma að hún var sett á
laggirnar á 6. áratugnum. Síðan hafa
þessar tvær stofnanir átt gott sam-
starf. Af verkefnum Veðdeildarinnar
má nefna gerð veðskuldabréfa og út-
borgun lána til lántakenda, varsla
30