Frjáls verslun - 01.03.1992, Blaðsíða 43

H. Garðarsson í ávarpi í ársskýrslu
sjóðsins fyrir árið 1991 m.a.:
„Því miður hefur efnahagslegt og
stjórnmálalegt umhverfi á Islandi
verið lífeyrissjóðunum oft á tíðum
óhagstætt, en þrátt fyrir það hefur
tekist að halda svo á málum að sam-
kvæmt tryggingafræðilegri úttekt
sem framkvæmd var í árslok 1987
þurfti til þess að ná jöfnuði á milli
skuldbindinga og eigna að ná 3.6%
raunávöxtun á eignir sjóðsins næstu
áratugina umfram hækkun launa,
eða, miðað við að 3% raunávöxtun
náist, að hækka iðgjald til sjóðsins í
10.8%. Frá þessum tíma hefur raun-
ávöxtun sjóðsins umfram hækkun
launa numið að meðaltali 7.4% þannig
að staða sjóðsins gagnvart framtíðar-
skuldbindingum hefur styrkst."
Lífeyrissjóður verslunarmanna er
sá íslenskra lífeyrissjóða sem lang-
mest hefur fjárfest í hlutabréfum.
Bókfært verð hlutabréfa í árslok 1991
var 933 milljónir króna hjá sjóðnum
sem er einungis um 4% af heildar-
eignum sjóðsins. Á síðasta ári fjár-
festi sjóðurinn í hlutabréfum í 13 fé-
lögum og á nú hluti í 19 félögum. í
ýmsum þeirra er Lífeyrissjóður
verslunarmanna meðal allra stærstu
hluthafa.
í STJÓRN EÐA EKKI í STJÓRN?
Talsverð umræða fer nú fram um
það hvort heppilegt sé að stjórnar-
menn lífeyrissjóða taki sæti í stjórn-
um þeirra fyrirtækja sem lífeyrissjóð-
irnir fjárfesta verulega í. Um þetta
eru skiptar skoðanir. Þannig hafa for-
svarsmenn SAL-sjóðanna látið þá
skoðun í ljós að stjórnarmenn lífeyris-
sjóða eigi alls ekki að taka sæti í
stjórnum hlutafélaga, sem sjóðirnir
fjárfesta í, til að koma í veg fyrir hugs-
anlega hagsmunaárekstra. ÁNorður-
löndunum munu vera í gildi reglur
sem ganga í sömu átt. Ég spyr Guð-
mund hver sé stefna Lífeyrissjóðs
verslunarmanna í þessum málum.
„Afstaða okkar er opin. I stjórn
sjóðsins er fjallað um hvert tilvik fyrir
sig og ákvörðun tekin í samræmi við
það sem við teljum að samrýmist
hagsmunum sjóðsins best. í sumum
tilvikum hefur sjóðurinn ekki afskipti
af kjöri stjórnar og í öðrum tilvikum er
stuðningur veittur mönnum. Ég er
mótfallinn því að kerfisbinda þetta um
of. Ef stjórnarmenn í Kfeyrissjóðum
taka sæti í stjórnum félaga í krafti
atkvæða frá sjóðunum verður að gera
þá kröfu til þeirra að þeir gæti þess að
ekki komi til hagsmunaárekstra. Ef
þeir eru ekki rnenn til þess að gæta að
því er ekki um neitt annað að ræða en
setja siðareglur. En mér finnst ekki
koma til greina að vantreysta mönn-
um fyrirfram.
ÍSLAND ER EKKERT WALL STREET
Við verðum að hafa það í huga að
hlutabréfamarkaðurinn á Islandi er lít-
ill og vanþróaður og við getum ekki
sótt okkur reglur til útlanda í blindni
þó að við nýtum okkur að sjálfsögðu
erlendar fyrirmyndir þar sem það á
við. Þegar við höfum tekið sæti í
stjórnum banka eða fjárfestingarfé-
laga hefur það verið eins og skóli fyrir
okkur. ísland er ekkert Wall Street
og við verðum að þreifa okkur áfram
með vinnureglur í hlutabréfaviðskipt-
um og nota svo það sem hentar okkar
smávaxna markaði best.
Stjórn Lífeyrissjóðs verslunar-
manna hefur farið mjög varlega í fjár-
festingum á hlutabréfamarkaði þó svo
við höfum gengið á undan öðrum líf-
eyrissjóðum í því efni. Fjárfestingarn-
ar hafa í öllum aðalatriðum heppnast
vel. Þannig hefur heildararðsemi af
lilutabréfaeign sjóðsins á árabilinu
1980 til 1992 numið 13.7% á ári sem
er langt umfram heildararðsemi
sjóðsins.
Engar ákvarðanir eru teknar um
kaup á hlutabréfum nema stjórn
sjóðsins hafi farið mjög vandlega yfir
allar forsendur málsins og leitað eftir
ráðgjöf og áliti færustu manna. í
stjórn sjóðsins eru menn úr atvinnu-
lífinu sem flytja inn á okkar vettvang
mikilsverða þekkingu og reynslu. Við
gerum okkur far um að skoða vand-
lega þá möguleika, sem koma til
greina, og svo kemst stjórnin að fag-
legri niðurstöðu."
Silkiprentaðir
límmiðar
| SILKIPRENTUN
* SKEIFUNNI 3c - 108 REYKJAVlK
SfMI: 68 00 20 - FAX: 68 00 21
43