Frjáls verslun - 01.11.1998, Síða 56

VIÐTAL
SJÁLFSAGT AÐ ENDURMETA
FORGANGSRÓÐINA
Telur þú að sú andstaða sem birst
hefur að undanförnu sé meiri en menn
almennt bjuggust við?
„Þessi andstaða sem hefúr komið fram
að undanförnu er ekki einfalt fyrirbæri.
Þarna virðast sameinast margir hópar með
ólík sjónarmið og menn koma að málinu á
margvislegum forsendum. Sumir ganga
svo langt að lýsa því yfir að þeir séu á móti
öllum mannanna verkum á hálendinu en
aðrir vilja vernda tiltekin svæði. Auðvitað
ber okkur öllum að taka tillit til skynsam-
legra náttúruverndarsjónarmiða en við
megum heldur ekki gleyma landsmönnum
sjálfum, einkum íbúum veikra byggðarlaga
á landsbyggðinni. Við eigum að nýta
orkulindirnar en mér finnst sjálfsagt að
endurmeta forgangsröðina og taka afstöðu
tíl þess hvaða náttúrufyrirbæri eigi skil-
yrðislaust að vernda. Ef við ætlum að búa
saman í þessu landi og í sátt við það
verðum við að velja og hafha.
Orkulindir okkar eru endurnýjanlegar.
Við framleiðum því „græna orku“. Eg
sakna þess stundum í þessari umræðu allri
að bent sé á það þegar fréttír berast af
geislavirkum leka frá kjarnorkuverum
nágrannalandanna. Við verðum að skoða
hlutina í réttu samhengi."
Friðrik segist vona að aðrir fjárfestar en ríki og sveitarfélög hafi áhuga á að eiga hlut í góðum
raforkufyrirtœkjum. Borgarstjórinn í Reykjavík, fulltrúi 40% eignarhlutar í Ijindsvirkjun,
hefur lýst því yfir að hlutur borgarinnar sé falur.
VONANDI HAFA AÐRIR FJÁRFESTAR
ÁHUGA
Nú sjá menn fram á að fleiri fá leyfi til
þess að virkja en Landsvirkjun. Reykja-
víkurborg hefúr ræst gufuvirkjun á Nesja-
völlum, Hitaveita Suðurnesja hefur lýst
áhuga á virkjun og norður í Þingeyjarsýslu
er verið að bora eftir gufu og íhuga virkjun
á Þeistareykjum. Munu þessar breyttu
aðstaeður ekki auka samkeppni í orkusölu
mjög mikið?
„Eg vil leiðrétta þann misskilning að
Landsvirkjun hafi haft einkaleyfi á virkj-
unarframkvæmdum. Svo hefur ekki verið
en það hefur verið ákvörðun Alþingis
hingað tíl að veita ekki öðrum leyfi til
stórra framkvæmda.
Það er ekki nokkur vafi á því að
rekstarumhverfið muni breytast. Það
tekur hins vegar tíma og er nokkuð flókið.
Einhver þarf að borga flutninginn á
orkunni og fyrir þá verðjöfnun sem í því er
og ekki má gleyma þeim mikla rann-
sóknarkostnaði sem fólginn er í orku-
verðinu. Síðast en ekki síst er Lands-
virkjun falið að tryggja ákveðið afhend-
ingaröryggi sem þýðir að handbær orka er
yfirleitt meiri en þarf við venjulegar
aðstæður. Allt þetta þarf að skoða þegar
menn fara út í samkeppni um verð í
orkugeiranum.“
Nú verður til nýr orkurisi þegar
Rafmagnsveitur Reykjavikur og Hitaveita
Reykjavíkur sameinast Þetta nýja fyrir-
tæki mun eiga álíka mikið eigið fé og
Landsvirkjun og sýnist í stakk búið til
þess að veita harða samkeppni. Er ekki
óeðlilegt að Reykjavikurborg eigi 40% hlut
í Landsvirkjun en reki jafnframt annað
fyrirtæki í samkeppni?
,Á þessari stundu get ég ekkert sagt
fyrir um hvað gerist i þeim efnum.
Núverandi samningur eigenda Landsvirkj-
unar rennur út eftír fimm ár og mér kæmi
ekkert á óvart að einhverjar breytingar
yrðu þá. Vonandi hafa aðrir ijárfestar en
ríki og sveitarfélög áhuga á að eignast hlut
í góðum raforkufyrirtækjum.“ QS
STJÓRNVÖLD VERJISTEFNUNA
„Stjórnvöldum ber auðvitað að verja stefnu sína í orkumálum. Það er ekki hlutverk
Landsvirkjunar að taka pólitískar ákvarðanir og fylgja þeim fram.“
56