Helgarpósturinn - 03.08.1995, Blaðsíða 30
bíó
DRÆMT
BROS
GEGNUM
TARIN
Jacx & Sara
HáskólabIó
★
Þetta er svona „brosið
gegnum tárin"-mynd. f
höfuðdráttum er hún vella
um lögmann sem missir
konu sína af barnsförum;
eðlilega leggst hann í
sjálfsvorkunn og lætur
ekki af henni fyrr en loks
takast ástir með honum
og ungri, amerískri barn-
fóstru kornabarnsins, dótt-
ur hans. Til að þetta verði
ekki of þungbært á að
horfa er reynt að stoppa í
göt með húmor sem aldrei
er neitt sérstaklega fynd-
inn en þó afar góðlátlegur
— eða heitir það kannski
mannlegur? Sætleiki er
framkallaður með væ-
minni músík og með því
að setja barnið í tískuföt
sem fara því afar vel; þarf
að taka fram að krakkinn
er slík fegurðaropinberun
að kerlingin í okkur öllum
viknar.
Hinn vansæli ekkjumað-
ur er leikinn af Richard E.
Grant. Þetta er leikari
sem maður hefur séð
bregða fyrir í ýmsum
aukahlutverkum; oftast
nær leikur hann öfugugga
eða leiðindapaura og það
hentar honum prýðilega.
Hann var til dæmis til fyrir-
myndar sem sögusmettan
í The Age of/nnoc-
ence og eitt tískugerpið í
Prét-a-porter.
Hér er hann á allt öðru
og verra róli. Maðurinn of-
leikur skelfilega (sem
kynni hugsanlega að vera
styrkur hans á einhverjum
öðrum stað); honum tekst
að vera allt í senn óþol-
andi uppalegur, pempíu-
legur, tilgerðarlegurog
fyllilega ósannfærandi. Úr
verður leiðindatýpa úr efri
millistétt sem er leikinn í
að opna vínflöskur, ekur á
frönskum bíl, kaus líklega
Thatcher meðan hún var
ennþá við lýði en ætlar að
veita Tony Blair brautar-
gengi næst; þegar hann
saknar konunnarsinnar
hvað mest setur hann
Stars með Simply Red á
fóninn og verður rakur til
augnanna.
lan McKellen (sir) er
stirðbusalegur í hlutverki
róna sem er dýrlingur inn
við beinið. Honum er ætl-
að að bæta í kímnina en
er sannarlega flest betur
gefið en að vera hlægileg-
ur. Lítil amerísk budda
sem heitir Samantha
Mathis leikur barnfóstr-
una; hún er einhver
sjarmalausasta stúlka sem
lengi hefur sést í bíó.
-EGILL HELGASON
liilll
FERÐASKRIFSTOFA
STÚDENTA
m singuíl
¥ - Isobel
r kemurá
þriðjudag!
gullNáman
smekkleysa sm/hf