Alþýðublaðið - 11.05.1976, Side 2

2 FRÉTTIR
Þriðjudagur 11. maí 1976 biai
IþyAu-
laðiA
Otgefandi: Alþýðuflokkurinn.
Rekstur: Reykjaprent hf. Ritstjóri
og ábyrgðarmaður: Árni Gunnars-
son,. Ritstjóri: Sighvatur Björgvins-
son. Fréttastjóri: Bjarni Sigtryggs-
son. Aðsetur ritstjórnar er i Siðu-
múla 11, simi 81866. Auglýsingar: simi 28660 og 14906. Prent-
un: Blaðaprent h.f. Askriftarverð:1000 krónur á mánuði og 50
krónur i lausasölu.
alþýöU'
blaöió
Glataður
málstaður
Það var mikil mildi, að hinar fólskulegu ásigl-
ingar Breta á varðskipið Tý leiddu ekki til
alvarlegs slyss, og má raunar segja hið sama
um fleiri atvik, sem gerzt hafa á miðunum fyrir
austan land. Framkoma brezka flotans er svo
furðuleg, að ógerningur er að sjá, hvað fyrir
þeim vakir. Þeir vita, að þeir hafa tapað þessu
striði. Þeir hefðu unnið það á miðunum, ef þeim
hefði tekizt að hrekja varðskip okkar burt fljót-
lega eftir að herskip þeirra skárust i leikinn, en
það tókst þeim ekki. Þeir gætu sagt, að þeir
hefðu unnið átökin á hafinu, ef togarar þeirra
hefðu getað veitt i sæmilegum friði og flutt heim
verulegan afla. En það hefur ekki tekizt heldur.
Af þessu er augljóst, að Bretar hafa ekki náð
markmiðum sinum með ihlutun flotans — þeir
hafa tapað átökunum á hafinu. Landhelgisgæzla
okkar hefur haldið velli og þarmeð unnið það,
sem hægt er að vinna fyrir málstað íslands.
íslendingar hafa þvi sigrað á miðunum og
Bretar geta ekki héðanaf snúið þeim sigri i
ósigur. Enda þótt þeir gætu nú hrakið varð-
skipin burt eða sökkt þeim, mundi það ekki
nægja Bretum til neins konar sigurs. Þess vegna
er framkoma skipherranna þeirra fyrir austan
land óskiljanleg með öllu og verður ekki túlkuð
nema sem dauðateygjur tapaðs málstaðar.
Fundum Hafréttarráðstefnunnar i New York
er lokið að þessu sinni, og hefur það meðal
annars gerzt, að yfirgnæfandi stuðningur þjóð-
anna við 200 milna efnahagslögsögu er augljós.
Bretar styðja nú 200 milurnar á vettvangi Sam-
einuðu þjóðanna — en hvers vegna auka þeir þá
herskipaaðgerðir gegn 200 milum okkar? Ef
þeir halda enn, að þeir geti beygt íslendinga
með vopnavaldi, þá er það hrapalegur mis-
skilningur.
Á siðustu vikum hefur komið i ljós enn betur
en áður, hve þorskstofninn er i alvarlegri hættu.
Vertiðarafli íslendinga hefur verið einmuna
litill, en samt eru likur á, að um mitt ár verði
búið að veiða það magn af þorski, sem islenzkir
og erlendir sérfræðingar telja, að veiða megi, ef
varðveita á stofninn. Hvað tekur þá við? Ætla
Bretar að halda áfram að veiða þorskinn undir
herskipavernd?
íslendingar hafa stækkað mjög friðunarsvæði
til aukinnár verndar, og verða öll islenzk skip að
hlýða þvi. Brezku togararnir hafa undir her-
skipavernd hunzað þessar friðunaraðgerðir, og
hlýtur það að spilla mjög málstað þeirra. Ætla
þeir að eyðileggja þorskstofninn, úr þvi að þeir
fá ekki að veiða hann sjálfir eftir vild?
Rikisstjórn okkar fer sér hægt að vanda, enda
þótt keyrt hafi um þverbak með siðustu árásum
brezku herskipanna á varðskipin. Mótmæli i
London eru það eina, sem gert hefur verið,
þegar þetta er skrifað. Virðist þó augljóst, að
íslendingar hafa nú sterkari vopn til sóknar
gegn Bretum i öryggisráðinu og NATO-ráðinu
en fyrr. Þau á auðvitað að nota. Vafalaust
mundi það þó verða harðasta mótmælaráð-
stöfun okkar, ef utanrikisráðherra mætti ekki á
ráðherrafundi NATO i Osló i næstu viku. Það
leysir ekki málið, en það mundi vekja meiri
athygli á hinum óskammfeilna hernaði Breta
gegn litilli bandalagsþjóð.
Það er nú alveg tryggt, að fslendingar fá 200
milna fiskveiðilögsögu viðurkennda á alþjóð-
legan hátt. Spurningin er hins vegar sú, hvort
nokkur þorskur verður þá eftir.
Guðmundur Kjærne-
sted til Ameríku
I 15. tölublaði Lögbergs-
Heimskringlu, sem gefið er út i
Winnipeg, er minnzt á væntan-
lega heimsókn Guðmundar
Kjærnested til Vesturheims.
Segir i greininni meðal annars:
Sá orðrómur lá I loftinu um
helgina að Guðmundur Kjærne-
sted, hinn frækni skipherra
varðskipsins Týs, væri að hugsa
um að sleppa augunum sem
snöggvast af brezku togurunum
og bregða sér til Ameriku. Þetta
þykja spennandi fréttir hér
vestra, þó Bretarnir sjálfsagt
sakni hans, þvi hann hefur feng-
ið orð fyrir að halda blóðinu á
hreyfingu i æðum þeirra.
Kempan i
öldurótinu
Hafði Lögberg-Heimskringla
samband við frænda Guðmund-
ar, Axel Vopnfjörð, út af þessu
máli. Gat Axel enn ekkert sagt
um það, hvort Guðmundur
kæmi til Winnipeg, óhætt myndi
að fullyrða, að fast yrði lagt að
Guðmundi, að skáganga ekki
Winnipeg, þvi þar væri fylgzt
með landhelgisdeilunni af
áhuga, og mikill fengur væri i
þvi að fá að kynnast kempunni,
sem stendur i öldurótinu.
Minnzt er á fyrirhugaða út-
færslu fiskveiðilögsögu
Kanadamanna. Þar segir: Þá
má búast við höröum átökum á
miðunum, og veitti ekki af, að
eiga menn á borð við Guðmund
Kjærnested i landhelgisgæzl-
unni.
Aðeins einkaheimsókn
Vegna greinarinnar i Lög-
bergi-Heimskringlu, snerum við
okkur til Guðmundar og
spurðumst frétta. Sagöist hann
ásamt konu sinni vera aö fara til
Bandarikjanna i frii sinu og
sagðist ekki vara búinn að
leggja það niður fyrir sér, hvort
hann færi til Winnipeg eða
Kanada yfirleitt, þetta væri
aðeins einkaheimsókn þeirra
hjóna til ættingja sinna vestra.
Stúdentar safna fé til
þjóðháttarannsókna
Um siðustu mánaðamót fóru
nokkrir stúdentar, sem hyggjast
starfa við heimildasöfnun um
f: þjóðhætti i sumar, norður i land
og héldu fundi með fjölmörgum
aðilum, sem sótt hefur veriö um
fjárstuðning til i þessu skyni.
Voru undirtektir heimamanna
það góðar að telja má nokkurn
veginn vist, að 6—7 stúdentar geti
unnið að þessu verkefni 3 mánuði
i sumar i Norðlendingafjórðungi.
Hafa stúdentar notað allan
seinni hluta vetrar til að búa sig
sem bezt undir þetta verkefni.
Hafa þeir meðal annars útbúið
'S. spurningalista og væntanleg er
skrá yfir alla Islendinga 67 ára og
eldri, þar sem þeim er raðað
niður eftir upprunahéraði og nú-
verandi búsetu.
I upphafi hafði veriö reiknað út,
að um hálfa milljón kr. þyrfti á
hverja sýslu ef vel á að vera. Var
leitað til 4—500 aðila um fjár-
stuðning. I lok april höfðu borizt
um 50 svör, úr flestum sýslum
landsins, einkum þó af Norður- og
Suðurlandi og eru þau yfirleitt
jákvæð.
Norölendingar rausnarleg-
ir.
En betur má ef duga skal, þvi
fóru stúdentar i áðurnefnda ferð
til Norðurlands, er það nú von
þeirra sem að þessari heimildá-
söfnun standa að önnur sveita-
félög og skyldir aðilar verði ekki
smátækari en Norðlendingark og
vist er það, að ef einhver einka-
fyrirtæki og einstaklingar vilja
sýna þessu þjóðþrifamáli stuðn-
ing, þá er hann vel þeginn. Þeir
sem vilja fá nánari upplýsingar
um þessa söfnun, snúi sér til
Frosta F. Jóhannessonar, Gamla
garði, eða Árna Björnssonar,
Þjóðminjasafninu.
—gek
Litlar breytingar í
forystuliði Framsóknar
Litlar breytingar urðu á
stjórn Framsóknarflokksins,
sem kjörin var á aðalfundi mið-
stjórnar flokksins nú um helg-
ina.
Ólafur Jóhannesson for-
maður, Steingrimur Hermanns-
son ritari og Tómas Árnason
gjaldkeri voru allir endurkjörn-
ir.
Einar Ágústsson varafor-
maður og Ragna Sveinbjörns-
dóttir vararitari voru endur-
kjörin, en Halldór E. Sigurðsson
baðst undan endurkosningu i
starf varagjaldkera. í hans stað
var kosinn Guðmundur G. Þór-
arinsson.
Formaöur, ritari.gjaldkeri og
formaöur S.U.F. eru sjálfkjörn-
ir i framkvæmdastjórn, sem i
sitja auk þess 9 menn kosnir af
miðstjórn.
1 blaðstjórn Timans sitja 9
menn. óðinn Rögnvaldsson
baðst undan endurkjöri, i hans
stað var kosinn Magnús Bjarn-
freðsson.
□ Ný snyrtistofa: Gyðjan
Nýlega hefur verið opnuö ný
snyrtistofa i Glæsibæ við Álf-
heima, undir nafninu: Snyrtistof-
an Gyðjan.
Þar er hægt að fá andlitsböö,
handsnyrtingu og fótsnyrtingu
svo eitthvaö sé nefnt.
Snyrtistofan er i rúmgóðu hús-
næði I kjallara hússins, og þar
vinna að staðaldri eigendur
hennar, Gerður Guðmundsdóttir
og Helga Valsdóttir fegrunarsér-
fræðingar.
Opið er alla daga, nema laugar-
daga kl. 10-18.
I
I