Lesbók Morgunblaðsins - 20.11.1949, Blaðsíða 13

LESBÓK MORGUNBLAÐSINS
521
4.
ÆSKULÝÐSFJELÖGIN „4 H“
Besti fjelagsskapur í Bandaríkjunum
UM ALLAR sveitir Bandaríkjanna
starfar nú æskulýðsfjelagsskapur.
scm nefnist „4 H“. Það er óvenju-
legt nafn, en hin fjögur H þýða:
„Hugur, hjarta, hönd og hreysti“
og er dregið af því, að þegar ung-
lingur gengur í fjelagið, heitir hann
því að æfa hug sinn til aukins skarp
leika, hjarta sitt til aukins þegn-
skapar, hönd sína til meiri afkasta
og hreysti sína til heilbrigðara lífs
„fyrir fjelagsskapinn, þjóð og
heimahaga“.
Enginn veit með vissu hvernig
þessi fjelagsskapur spratt upp. Eru
um það ýmsar sögusagnir og get-
gátur. Sú sennilegasta er, að hann
sje sprottinn upp af fjelagsskap, er
bændur í Louisana ljetu syni sína
stofna árið 1910, til þess að ala upp
svín og gera svínakynbætur. Síðan
færðist þetta út og fjelagsdeildirn-
ar tóku sjer miklu fleiri verkefni.
Menn sáu að þetta var holl og góð
æskulýðshreyfing og margir studdu
hana af ráðum og dáð og nú er hún
styrkt af landbúnaðarráðuneyti
Bandaríkjanna. Fjelögin eru nú
samtals 81.000 og í þeim eru rúm-
lega 2 miljónir af unglingum frá
9 til 21 árs aldurs. En samtals hafa
verið í þessum fjelagsskap um 14
miljónir manna og kvenna. Og
margir halda því fram að þetta sje
nytsamasti fjelagsskapurinn í
Bandaríkj unum.
Tilgangur fjelagsins er að gera
allar jarðir betri en þær eru nú,
og bæta húsakynni á þeim. Þess-
um tilgangi eiga ungmennin að ná
eftir ótal leiðum. Þau helga starf
sitt kynbótum nytjajurta og hús-
dýra, þekkingu á jarðabótum, fegr-
un úti og inni, þekkingu á rafmagni
og notkun vjela, bættum vinnu-
brögðum, hagnýting nýrra og betri
áhalda og þar fram eftir götunum.
Stúlkur taka jafnan þátt í þessu og
drengir, en auk þess leggja þær
stund á matreiðslu, niðursuðu,
saumaskap og hagsýni í heimilis-
störfum.
Þetta er þess vegna nokkurs kon-
ar skóli. Og það sem ungur nemur,
gamall temur. Kjarni námsins er
sá, að læra sem fyrst af eigin
reynslu, jafnframt því að færa sjer
í nyt þekkingu annara sem eldri
eru. Þetta er áhugastarf og sam-
kepnisstarf, sem vekur gleði og
sjálfsbjargarhvöt, og kemur fjelags
mönnum og þjóðinni allri að miklu
gagni er stundir líða.
Sá, sem gengur í fjelagið velur
sjer eitthvert verkefni við sitt hæfi.
Það er máske fólgið í því að ala
upp kálf, svín eða lamb og hirða
um það að öllu leyti. Eða þá að
hann tekur að sjer að koma upp
hænsahóp og kynbæta hænsin. —
Sumir taka að sjer skák úr akri og
heitstrengja að láta hann gefa betri
uppskeru en nokkru sinni fyr. Þá
getur og verið að einhver taki að
sjer að útrýma rottum í sveitinni.
Aðrir setja sjer það markmið að
koma á éndurbótum í rjómabúun-
um o. s. frv. Én hvað sem fjelags-
menn taka að sjer, þá eiga þeir að
gera það sjálfir. Lendi þeir í ein-
hverjum vandræðum geta þeir leit-
að upplýsinga, annað hvort hjá fje-
lögum sínum, eða ráðunautum, sem
fjelagsmenn mega leita til. Ráðu-
nautarnir eru menn, sem hafa þekk
ingu á öllu, er að búskap lýtur, og
þeir hafa gerst sjálfboðaliðar í
þessu starfi. Þeir eru nú alls 203.000
í öllum ríkjunum.
Samkepni er driffjöður fjelags-
skaparins. Fjelagsmenn keppa hver
við annan, og fjelögin keppa sín á
milli um bestu afrek og árangur.
Þar er jafnvel samkeppni milli ríkj-
anna. Þeir, sem skara fram úr, fá
verðlaun. Og svo koma þessir verð-
launamenn allir saman á ráðstefnu
í desembermánuði ár hvert til þess
að ákveða hver hafi skarað fram úr
öllum öðrum. Þessar ráðstefnur eru
haldnar í Chicago og nefndar þjóð-
fundur „4 H“ fjelaganna. Meðal
þeirra, sem fengu viðurkenningu í
fyrra fyrir framúrskarandi starf,
var seytján ára stúlka, Maurice
Steyer. Hún hafði gengið í fjelags-
skapinn þegar hún var sjö ára, og
byrjaði á því að sauma föt handa
sjálfri sjer og fegra til í kringum
húsið. „Og þegar jeg hafði fengist
við þetta um hríð óx mjer sjálfs-
traust, svo að jeg hef gert ýmislegt
annað líka,“ sagði hún. Þetta „ým-
islegt annað“ var meðal annars það.
að hún hafði endurbætt útsæði
plantna, alið upp nautgripi og selt,
og soðið niður matvæli í mörg
hundruð dósa. Á þessum tíu árum
hafði hún unnið sjer inn 11.718.47
dollara og fengið 700.00 dollara
verðlaun. Truman forseti afhenti
henni sjálfur viðurkenningu fyrir
framúrskarandi dugnað á þessari
ráðstefnu. Nú er hún komin í há-
skólann í Nebraska og stundar nám
við landbúnaðardeild hans.
Annar fjelagi, sem fekk viður-
kenningu þarna, var piltur, sem
LaVerne E. Hall heitir. Þegar hann