Lesbók Morgunblaðsins - 28.11.1954, Blaðsíða 15
LESBOK MORGUNBLAÐSINS
755
Hinar smærri heimsfréttir
IR Æ Ð U, sem Churchill helt um
stjórnarfar, líkti hann ríkinu við
bíl og sagði svo: „Bandaríkjamenn
leggja mest kapp á að hreyfillinn sé í
lagi. Englendingar hugsa mest um að
sætin og bíllinn sjálfur fjaðri nógu vel.
Frökkum er það aðal áhugamál að hið
ytra útlit sé laglegt. Þjóðverjar meta
það mest að hann láti vel að stjórn.
Itölum þykir mest í það varið að skott-
ið sé nógu rúmgott. Rússar kappkosta
að hraðamælirinn sýni helmingi meiri
hraða, en bíllinn fer.“
k
r|OB RIGGEN frá Las Vegas hefur
) komizt að því að ástin er sterkari
en helja. Fyrir fjórum árum reiddist
hann óskaplega við kærustu sína, þreif
marghleypu og skaut á hana fjórum
skotum, er öll hæfðu. Fyrir þetta var
hann gripinn og settur í tukthús. Nú er
skammt síðan að honum var sleppt. En
hver haldið þið að tekið hafi á móti
honum er hann kom út úr tukthúsinu?
Engin öpnur en kærastan, sem fyrir
löngu var gróin sára sinna. Þau urðu
bæði svo hrærð við endurfundinn, að
þau fóru rakleitt til dómarans og létu
geía sig saman.
~k
HELZTU veðurfræðingar Englands
komu saman á ráðstefnu í Oxford
til þess að ræða um hvernig hægt væri
að endurbæta veðurspárnar og segja
fyrir um veðurfar með meiri vissu, en
verið hefur. Veðurspáin þenna dag
hafði verið „bjart veður og sólskin",
svo að þeir höfðu allir farið til fundar-
staðarins yfirhafnarlausir. En að fundi
loknum urðu allir að panta sér bíl, því
að þá var komin slík úrhellis rigning,
að ekki var hundi út sigandi.
'k
ÞAÐ var getraunatími í ameríska út-
varpinu og ung stúlka beindi spurn
ingum til áhorfenda í útvarpssal. Á
sama tíma var maður nokkur í Boston,
Aldaus Robb að nafni, að aka í bíl
sínum og hafði útvarpið opið til þess
að hlusta á spurningatímann. Og hann
heyrir hina mjúku og þægilegu rödd
stúlkunnar: „Nú bið ég alla viðstadda
karlmenn að loka augunum snöggvast
og geta upp á hvernig hálskraginn
minn er á litinn“. Ósjálfrátt lokaði
Robb augunum, og í sama bili rakst
hann á annan bíl. Báðir bílar skemmd-
ust og viðgerðarkostnaður nam 18 doll-
urum 65 centum. Robb hefur höfðað
mál gegn útvarpinu til þess að fá þessa
upphæð endurgreidda, því að það hafi
verið útvarpinu að kenna að árekstur
varð.
'k
NORSKUR læknastúdent var trúlof-
aður og einu sinni kyssti hann
kærustuna svo ofsalega að úr henni
losnaði gulltönn og hrökk ofan í hann.
Jæja, hann tók svo inn laxerolíu og
innan skamms skilaði gulltönnin sér.
En kærastan neitaði algjörlega að taka
við henni aftur og við það slitnaöi upp
úr trúlofuninni.
IÚTHVERFI einu í Málmey hafa
verið reistir verkamannabústaðir
öðrum megin götu og eru engin salerni
í þeim, heldur eru almenningssalerni
hinum megin við götuna. Nú hafa íbú-
arnir þarna sent borgarstjóranum
harðorð mótmæli út af þessu. Þeir
segja að bílaumferð um götuna hafi
aukizt svo stórkostlega upp á síðkastið,
að það sé hreinasta hending ef menn
geti komizt nógu snemma yfir götuna.
MAÐUR nokkur í Frankfurt auglýsti:
„Raunamæddur maður óskar að
kynnast konu, sem sýni honum samúð.
Tilboð sendist-----“. Hann fekk eitt
svar og það var frá konunni hans. Auð-
vitað varð hann óskaplega reiður, en
það sljákkaði í honum er konan sýndi
honum bréf og meðfylgjandi mynd af
honum sjálíum. Hún hafði líka auglýst.
~k
FYRRVERANDI frú Lupescu og nú-
verandi ekkja Carols Rúmenakon-
ungs og prinsessa af Hohenzollern,
dvelst um þessar mundir í Lissabon.
Fyrir skömmu kom hún ásamt ame-
rískum auðkýfing í næturklúbb þar í
borginni. Nú hefur hún kært hljóm-
sveit klúbbsins fyrir það að hafa leikið
„Kátu ekkjuna“ á meðan þau sátu þar.
k
IKALKUTTA í Indlandi kom maður
nokkur til yfirvaldanna og krafðist
skilnaðar við konu sína. Hann skýrði
ástæður sínar fyrir því á þennan hátt:
„Þegar ég sái hrísgrjónum, þá upp sker
ég hrísgrjón, og þegar ég gróðurset
möndlutré, þá fæ ég möndlur. En þeg-
ar ég ætla að rækta Indverja og fæ
Kínverja í staðinn, þá er eitthvað bogið
við það.“ Dómarinn veitti honum þegar
skilnað.
k
NÝLEGA var haldið námskeið í um-
ferðareglum í Liverpool á Eng-
landi og þar flutti lögregluþjónninn
Grénardy fræðsluerindi. Þegar hann
kom þaðan og ætlaði að stíga upp i bíl
sinn, var þar annar lögregluþjónn fyrir
og sektaði hann um 5 skildinga fyrir
það að hafa skilið bíl sinn eftir þar sem
bílar máttu ekki standa.
k
INDVERSKA hnefaleikakonan, Ham-
ida Bany, er fyrir nokkru lögð á
stað til Evrópu til þess að keppa við
hvíta hnefaleikara, því að hún hefur
ekki fundið neinn jafningja sinn í Ind-
landi. Hún hefur barizt þar 320 sinnum
og haft sigur í hvert sinn. Hún er 160
sentimetrar á hæð, en vegur 200 pund.
Daglegur matarskammtur hennar er 1
pund af smjöri, 6 egg, 2 pund af möndl-
um, 6 lítrar af mjólk, 3 lítrar af súpu,
4 pund af ávöxtum, 1 hæna, 1 kg af
lambakjöti og ógrynni af hrísgrjónum.
Hún sefur 9 stundir á sólarhring, æfir
sig 6 stundir, en hinn tímann er hún
að eta. Hún hefur strengt þess heit að
giftast þeim manni, sem geti slegið sig
í rot.
C_x^ö(t)®®C9^_3
BARNÞEKKJARI
Þeir. höfðu reist nýan og ágætan
barnaskóla einhvers staðar í Kánada
og gamall Svíi tók að sér að setja girð-
ingu í kring um hann. Þetta var for-
láta girðing úr timbri, há og með þétt-
um rimlum og fram undan dyrum skól-
ans var stórt hlið á henni og vönduð
grind í. En á einum stað náðu rimlar
girðingarinnar ekki niður að jörð og
myndaðist þar ofurlítil gátt.
Skólanefndin kom að skoða girðing-
una og hún var ekki ánægð með þetta.
En Svíinn svaraði:
— Ég þékki börn. Þau fara ekki um
hliðið, heldur klifra yfir girðinguna og
brjóta hana niður. En þegar þessi
smuga er, þá munu þau öll skríða þar í
gegn, og þá endist girðingin margfalt
lengur.