Lesbók Morgunblaðsins - 11.01.1970, Blaðsíða 14
Stutta tízkan
og frjálsræðið
á. erfitt uppdráttar
í Austurlöndum
Japan: Vestræn menningarinnrás. Unga fólkið gleypir við
vesturlandaklæðnaði.
S tutta tízkan og frjálsræð-
ið í kynferðismálum er upp-
runnið á Vesturlöndum, —
eins og allt illt, — bæta ráð-
settari Asíumcnn nú gjarnan
við.
Fyrir nokkrum vikum var
kossagangur í kvikmyndum
lielzta umræðuefnið um gjörv-
allt Indland, og sýndist sitt
hverjum. Þessar deilur hófust
Thailand: Gífurlega útbreitt
vændi, en hörð afstaða á móti
stuttu tízkunni.
eftir að opinber nefnd, sérstak
lega skipuð til þessa máls, lýsti
yfir því eða gaf það leyfi, að:
„sé það nauðsynlegt söguþráð-
arins vegna að sýna ástríðu-
þrunginn koss, eða nakinn
líkama í kvikmynd, ættu kvik-
myndagerðarmenn að gera
það“. Raunar benti nefndin á
það í þessu sambandi, að ind-
verskir kvikmyndaleikstjórar
hefðu yfirleitt ekki hikað við
það hingað til að sýna svo
„grófa“ dansa í myndum sín-
um að líkja mætti við „einhliða
ástarleik“. En ráðsettari ind-
verskur almenningur hugðist
ekki láta bjóða sér neinn sóða-
skap! Um slíkt leyti kom það
nefnilega fram í skoðanakönn-
un, að 75 prs. Indverja þeirra,
er spurðir voru, voru alger-
lega andsnúnir kossum í kvik-
myndum.
Það er undarlegt til þess að
hugsa, að þessar deilur skuli
rísa í Indlandi, þegar Iitið er
t.d. til þess, að „Kama Sutra“,
sú foma og fræga bók, full
forskrifta að ástarleikjum
ásamt með fleiru, er einmitt
rituð í Indlandi og einnig, að
óvíða munu finnast bersöglari
og „grófari" útskurðarmyndir í
musterum en í þeim ind-
versku.
Stutta tízkan á marga and-
stæðinga í Indlandi. Indversk
ar konur eru flestar á móti
hinum skelfilcgu stuttu pilsum.
Hins vegar hafa ungar stúlkur
nú tekið upp nýja gerð hins
foma indverska búnings SARI,
nokkurs konar „hippa-sari“.
Hefur hann nú verið styttur
allmjög og einnig skellt nægi-
lega ofan af honum til þess að
ýta rækilega við ímyndunarafl
inu. Þeir Indverjar, sem komn-
ir em af gelgjuskeiði hrista
höfuðið — liciniinum fer vissu
lega hnignandi! Það má nefna
í leiðinni, að fyrir skemmstu
stóð þessi áletrun á auglýsinga
spjaldi úti fyrir kvikmyndahúsi
einu í Indlandi: — auðvitað eru
kossar innflutningur frá Yestur
löndum! —
Yfirvöld í Bangkok, Saigon
og víðar hafa látið í ljós
ákveðið álit sitt á stuttu tízk-
unni og hinu aukna vestur
lenzka frjálsræði í kynferðis-
málum og tekið eindregna af-
stöðu gegn hvoru tveggja, svo
ekki sé meira sagt.
Yfirvöld í fjölda Asíuríkja
hafa einnig lýst því yfir, að vest
rænir dansar séu bæði „grófir
og ósiðlegir“.
Yfirvöld í Víetnam hafa lát-
ið svo að sér kveða í þcssum
efnum, að vændiskonur í Sai-
gon, sem tekið hafa upp stuttu
tízkuna ganga nú í skósíðum
dökkum regnkápum yfir stutt-
pilsum sínum, til vamar því,
að þær verði handteknar um-
svifalaust.
L ögreglan á Taiwan hefur
sýnt framúrskarandi dugnað í
baráttunni. Frá því í janúar-
mánuði hefur liún handtekið
736 stuttklæddar stúlkur og
síðhærða pilta fyrir „ögrun við
almennt siðgæði".
Kvikmyndaeftirlitið á Tai-
wan er eitthvert hið harðasta.
Það bannaði eða klippti fyrir
skemmstu nærri tvo þriðju
hluta allra innfluttra kvik-
mynda á eynni, vegna þess, að
þær væru ósiðlegar.
Menntamálaráðherra Malay-
síu fordæmdi stuttu tízkuna
ekki alls fyrir löngu og var-
aði þá unglinga við því, líkt og
ýmsir kollegrar hans, „að verða
ekki þrælar lélegrar vestrænn-
ar menningar". í vor létu yfir-
völd loks til skarar skríða og
lokuðu Fireplace-klúbbnum, en
sá klúbbur veitti föstum meðlim
um aðeins aðgang og státaði af
óvenju góðri þjónustu sinni.
Var þar gjaman statt margt
stúlkna. Starfsemi klúbbsins
hafði lengi verið yfirvöldum
þyrnir í augum og þar kom, að
þau töldu sig ekki geta þolað
hana lengur og lokuðu klúbbn
um — en lýstu því að vísu yfir,
að honum hefði verið lokað
vegna gruns um, aö þar væri
neytt eiturlyfja.
ka.mverjar liafa sem kunn-
ugt er tekið ákveðna afstöðu
til klæðaburðar unglinga, með
því að fyrirskipa „Maó-tízk-
una“ svonefndu. í Kína klæð-
ast stúlkur og piltar líkum
búningi, buxum og jakka,
hvoru tveggja einföldu í snið-
um ásamt með dálitlu pottloki.
Ríkisstjórnin í Peking hefur
einnig látið Ijós sitt skína um
nýjustu vestrænu dansana og
sagt þá „klúrar og grófar
hreyfingar", sem ekki séu sam-
boðnar siðuðu fólki, enda dansi
þá engir nema „stéttafjendur"!
Suharto Indónesíuforseti cr
svo fastákveðinn í því, að gefa
þegnum sínum betra fordæmi,
en hinn lifsglaði fyrirrennari
hans, Sukarno, að þau hjónin
horfa aldrei á ástarsenur í
einkakvikmyndasal sínum. Sé
Suharto Indónesíuforseti: Eng-
ar ástarsenur.
eitthvað slíkt í vændum, bregð
ur sýningarmaðurinn hendinni
fyrir linsuna, þar til umrætt
atriði er af staðið.
A Thailandi hefur verið
tekin hörð afstaða á móti stuttu
tizkunni og gefnar yfirlýsingar
um hana af opinbcrri hálfu.
Skólanemar hafa verið varaðir
við því þar sem og víðar „að
verða ekki þrælar lélegrar vest
rænnar menningar“.
Það er ekki óeðlilegt, þótt
Thailendingar kenni Banda-
ríkjamönnum um innrás stuttu
tízkunnar og afleiðingar lienn-
ar en vinsældir þessa livors
tveggja svo og dvalar Banda-
ríkjamanna í landinu fara nú
óðum dvínandi.
14 LESBÓK MORGUNBLAÐSINS
11. jiainúar 1970