Lesbók Morgunblaðsins - 07.07.1979, Page 1

í Rekavík bak Höfn.
Hornbjarg, Kálfatindur
lengst til hœgri, en Trölla
kambur nær.
Fyrir 130 árum bjó hér
Jóhannes Sakarfasson frá
Stakkadal. Hann var jafnan
vel birgur af súrum sauða-
bringum, súrsuðum
bjargfuglseggjum, hangn-
um magálum, hákarli og
öðru góðmeti. Rekavík bak
Höfn á eggjatöku í
Hvannadalsbjargi. Skútu-
karlar sóttu mjög eftir eggj-
um. En til þess að fá leyfi
hjá Jóhannesi, að mega
síga í bjargið, urðu þeir aö
láta af hendi eina brcnni-
vínsflösku í hvert sinn.
Þegar samningar voru
afstaðnir, voru komumenn
settir við góðmeti og kaffi,
en Jóhannes bóndi gæddi
sér á tárinu.
Til hægri: Hlöðuvík. Kræklingaveisla í kvöldsól. Bakvið víkina
eru Jökladalir, Jökladalshorn (469 m), ólafsdalur, Bæjardalur og
Hlöðuvíkurskarð.
Hæstu tindar Hornbjargs. Kálfatindur fjær, en hann er
534 metrar að hæð. Jörundur nær, 423 metrar að hæð.
Sögn er um það, að fyrsti landnámsmaður á Horni hafi
heitið Jörundur, hann hafi klifið tindinn og mælt um.
að hann skyldi bera nafn sitt. Af Kálfatindi er útsýn
um hálendi Vestfjarða, inn Húnaflóa, til jökla mið-
landsöræfanna og til f jalla við Eyjafjörð.