Lesbók Morgunblaðsins - 14.08.1982, Síða 7
Meðal þess sem Cayce spáði, voru meiriháttar náttúruhamfarir á jörðinni í lok
þessarar aldar.
Cayce var búinn að sjá fyrir, hvenær síðari heimsstyrjöldin brytist út.
Á myndinni sjást þýzkir hermenn ráðast inn yfir landamæri Póilands
— og þar með var hildarleikurinn hafinn.
varg í véum. Þótt slík afstaða
bendi að vísu ekki til sannrar vís-
indamennsku eða mikils andlegs
þroska, þá mun þetta enn vera
ríkjandi skoðun meðal þessara
lærðu raanna. Það þarf því meira
en meðalhugrekki til þess að bjóða
öllum slíkum öflum byrginn og
láta hvergi bugast, eins og tyrkn-
eski læknirinn Shafica Karagulla.
En hún er nú, auk annars lærdóms
síns, orðin sérfræðingur á sviðum
æðri skynjunar, og hefur uppgötv-
að með rannsóknum og tilraunum,
að slíkir hæfileikar eru miklu út-
breiddari en almennt hefur verið
álitið; að þúsundir manna nota
þennan hæfileika á öllum sviðum
mannlegs lífs. Því Shafica Karag-
ulla lét sér ekki nægja að lesa
framangreinda bók um Edgar
Cayce. Hún rannsakaði einnig
gaumgæfilega hinar miklu skýrsl-
ur um hæfileika hans í safninu á
Virginia Beach og tók þegar að
leita að fólki með svipaða hæfi-
leika, því augu hennar opnuðust
ekki fyrir raunveruleika þeirra
fyrr en tólf árum eftir lát hans.
Bók hennar, Nýjar víddir í mann-
legri skynjun, er því meðal annars
stórkostleg hetjusaga úr nútíman-
um. Það þarf meira en meðalmann
til þess að bjóða byrginn hefð-
bundnum skoðunum heillar stétt-
ar mikilsvirtra manna, eins og
læknanna, og láta frægð og frama
lönd og leið, sökum ástar á sann-
leikanum, hver sem hann reynist.
Þetta fólk er þó til og það er von
mannkynsins.
Margt um þennan
hæfileika
í íslenskum
bókmenntum
Svipaðar raunir mátti sálfræð-
ingurinn dr. Gina Cerminara þola
af sínum starfsbræðrum, þegar
hún leyfði sér að skrifa bók sína
Many Mansions um Edgar Cayce,
en ég þýddi á íslensku undir nafn-
inu Svo sem maðurinn sáir og bóka-
útgáfan Örn og Örlygur gaf út
1975. Bók hennar kom út í Banda-
ríkjunum 1950. En í fyrra var dr.
Gina Cerminara á ráðstefnu í
Bandaríkjunum, þar sem yfir-
skilvitleg fyrirbæri voru til um-
ræðu. Þar var gerður svo góður
rómur aö ináli hennar, að hún
sagði hlæjandi á eftir við vinkonu
sína: „Breytingarnar á afstöðu
lærðra manna til þessara mála
hafa orðið svo örar síðan ég skrif-
aði bók mína um Edgar Cayce, að
ég fer bara að halda að starfs-
bræður mínir komi jafnvel til með
að líta á mig sem virðulegan sál-
fræðing, þegar ég fell frá!“
Þótt þessar merku konur, Shaf-
ica Karagulla og dr. Gina Cermin-
ara, yrðu fyrir örlagaríkum áhrif-
um af því að kynna sér það sem
fram kom hjá furðumanninum
Edgar Cayce í dásvefni og bentu
báðar á ótrúlega fjölhæfni sem
fram kom í sálrænum hæfileikum
hans og ófreskigáfu, þá gerði þó
hvorug þeirra það að sérstöku
rannsóknarefni sínu, sem hér á
eftir verður lýst að nokkru, en það
er spádómsgáfa þessa einstaka
manns — framskyggni hans.
Framtíðarskyggni hefur lengi
verið mönnum algjör ráðgáta og
það stafar fyrst og fremst af því
hverjar hugmyndir menn hafa
gert sér um tímann. Eins og við
Islendingar könnumst við er til í
bókmenntum okkar fjöldi frá-
sagna um þennan furðulega hæfi-
leika, að geta séö framí tímann, og
oft kemur hann fram í draumum,
eða því sem á íslensku er kallað
berdreymi.
Bókmenntir okkar bera þess
glöggt vitni að sú undarlega gáfa,
sem stundum hefur verið kölluð
forspá, hefur búið með ýmsum ís-
lendingum allt frá upphafi ís-
landsbyggðar. Þeir sem gátu séð
langt fram í ókomna tímann voru
nefndir forspáir menn. Telur Jón
Arnason, þjóðsagnamaður, að
þessi hæfileiki hafi verið miklu
tíðari hér á landi að fornu, en
hann er nú á dögum. Þannig hafi
til dæmis þeir Gestur Oddleifsson,
Njáll, Snorri goði og margir fleiri
verið taldir forspáir menn, og þó
allir verið uppi á sama tíma! Ekki
ber þó svo að skilja, að ekki hafi
verið uppi ýmsir forspáir menn á
fyrri öldum eftir að þeir Njáll og
Gestur liðu undir lok. Má meðal
þeirra til dæmis nefna Svein
spaka biskup í Skálholti
1466—1476, sem kallaður var for-
spár og framsýnn.
Þótt undarlegt megi virðast, þá
var það hvorki heimspekingur né
vísindamaður, sem best hefur tek-
ist að skilgreina drauma og fram-
tíðarskyggni eða spádómsgáfu.
Það var flugvélaverkfræðingurinn
og hönnuðurinn William Dunne.
Kerfi hans er allflókið og fjar-
stæðukennt, en þó ekki talið
ósennilegt. Þessi maður hannaði
og byggði fyrstu herflugvél Breta.
Nostradamus sá fyrir
Napóleon og báðar
heimsstyrjaldir
þessarar aldar
Árið 1889 tók Dunne að sjá sýn-
ir að næturlagi fram í tímann. Þá
sá hann meðal annars í draumi
fyrir sér hvernig frægur leiðangur
frá Höfðaborg til Kairó, sem
margir höfðu spáð að væri óðs
manns æði, myndi heppnast. Upp
frá því gerði hann sér það að
reglu, að skrifa upp drauma sína
undireins og hann vaknaði. Síðan
beið hann átekta til þess að sjá
hvort þeir rættust.
Má segja að draumar hans hafi
reynst allvenjulegir fram að árinu
1916, en þá sá hann í nætursýn,
eins og hann kallaði það, spreng-
ingu í sprengjuverksmiðju í Lund-
únum. Þessi sprenging átti sér svo
stað í janúar 1917. Sjötíu og þrír
verkamenn létu lífið, en yfir þús-
und særðust.
Þegar hér var komið sögu hafði
Dunne komist að þeirri niður-
stöðu, að í honum væri einhvers
konar veila í sambandi við raun-
veruieikann, sem ylli því að hann
skynjaði myndir, sem virtust ein-
hvern veginn hafa losnað úr sam-
bandi við eðlilega rás tímans. Og
þegar við þetta bættist svo, að
hann hélt stöðugt áfram sömu
berdreymninni, þá leiddi það til
þess að hann skrifaði metsölubók
sína An Experiment with Time (Til-
raun með tímann).
Sjálfur lýsti hann bók sinni svo,
að hún kæmi fram með fyrstu vís-
indalegu sannanirnar fyrir ódauð-
leikanum.
Þegar bókin kom út, þá
streymdu til hans bréf frá lesend-
um hennar, sem héldu því fram,
að þeir hefðu orðið fyrir sams kon-
ar yfirskilvitlegri reynslu. Dunne
undraðist þetta og kvað svo að
orði í formála annarrar útgáfu
bókar sinnar: „Ef framtíðar-
skyggni er sannreynd, þá er það
sannreynd, sem gjörsamlega um-
byltir öllum grundvelli undir fyrri
skoðunum okkar á alheiminum."
Eitt sinn var Mikael de Nostra-
dame á ferð skammt frá borginni
Ancona í F’rakklandi. Þá mætti
honum hópur munka. Meðal
þeirra var unglingur af lágum
ættum, sem hafði verið svínahirð-
ir þangað til að hann gekk í
munkareglu nokkra. Þessi ungi
maður bar nafnið Felice Peretti.
Þegar Mikael sá ungmennið sté
hann af baki múlasna sínum og
kraup á kné fyrir unga manninum.
Furðu lostnir munkarnir spurðu
Mikael hvers vegna hann hagaði
sér með svo undarlegum hætti.
„Sökum þess að mér ber að
knékrjúpa fyrir Hans Heilagleik,“
svaraði hann. Við þetta svar óx
undrun þeirra um allan helming.
En þeir áttu eftir að minnast
þessa einkennilega ávarps mörg-
um árum síðar, árið 1585, eftir lát
Nostradamusar, þegar þessi sami
svínahirðir, sem þá var orðinn
Montalto kardínáli, varð Sixtus
páfi V.
Þarna rættist nefnilega enn
einn af spádómum hins fræga
Nostradamusar, sem sennilega er
einn mesti spámaður, sem veröld-
in hefur nokkru sinni kynnst. En
spádómar hans eru ennþá til og
eru allir í bundnu máli og ná þeir
langt fram yfir okkar daga. Hann
spáði meðal annars fyrir Napoleon
og báðum heimsstyrjöldum þess-
arar aldar, einræðisherrunum
spænsku Primo de Rivera og
Franco, og þá síðast en ekki síst
fyrir gervifrelsara Þýskalands,
Adolf Hitler. En sagan af Nostra-
damusi er vissulega efni í aðra
grein en hér er fyrirhuguð, og
verður því ekki fleira um hann
sagt að þessu sinni.
En sá maður 20. aldar sem sýnt
hefur stórkostlegasta fram-
skyggnigáfu er vafalaust Edgar
Cayce.
Cayce sá fyrir krepp-
una miklu og hvenær
heimsstyrjöldin síð-
ari hæfist
Einn kaflinn í bók Jess Stern,
Edgar Cayce — The Sleeping Proph-
et, hefst á þessum orðum:
„Það voru ekki einungis örlaga-
ríkar náttúruhamfarir sem Cayce
sá fyrir, heldur sá hann og sagði
fyrir heimssögulega atburði.
Styrjaldir, friðarár, kreppur, kyn-
þáttadeilur, verkalýðsátök: jafnvel
Velferðarríkið mikla, sem var
dæmt til að líða undir lok. Hann
sá fyrir atburði í lífi einstaklinga
á sama hátt og þjóða, hjúskap,
hjónaskilnaði, barneignir; að við-
komandi gerist lögfræðingar,
læknar, húsameistarar, farmenn
eða sjóliðar.
Yfirleitt bar slíkt fyrir hann í
dásvefni, en dularfull spádóms-
gáfa hans sagöi þráfaldlega til sín
í vökunni. Þannig flýði hann eitt
sinn úr húsi þar sem margt ungl-
inga var saman komið, því hann
sá, að þeir myndu allir verða kall-
aðir í styrjöld, og einungis þrír
þeirra eiga afturkvæmt.
Hlutfallstala spádóma hans var
furðulega há, næstum 100%.
Hann sá síðari heimsstyrjöldina
ekki einungis fyrir, heldur hvaða
ár hún myndi hefjast og hvenær
henni lyki. Eins var um kreppuna
miklu 1929. Hann lýsti ekki ein-
ungis hruninu á verðbréfamarkað-
inum af ótrúlegri nákvæmni, held-
ur sagði hann einnig fyrir, að
draga mundi að mun úr áhrifum
kreppunnar uppúr 1933.“
Þegar 1920 varð Cayce fyrstur
manna til þess að sjá fyyrir þá
hættu á kynþáttadeilum, sem svo
mjög hafa síðan sett svip sinn á
sögu Bandaríkjanna. Það var
skoðun Cayces að raunverulegu
Frh. á bls. 15.
7