Lesbók Morgunblaðsins - 09.05.1998, Blaðsíða 20

Lesbók Morgunblaðsins - 09.05.1998, Blaðsíða 20
<*.-¦ IjslftridskB 'rfrtxoc* ¦fíff^ FRÁ SÝNINGUNNI. Á stöndunum eru kápur bóka íslenskra höfunda, sýnishom skáldskapar á íslensku og í sænskri þýðingu og myndir eftir Knut H. Larsen. SÝNINQIN sem hefst í Eskilstuna mun fara víða um Svíþjóð. SYNINGIN ísland eftir Islend- ingasögurnar og Laxness, fund- ir með nokkrum íslenskum rit- höfundum hefur nú verið sett upp í Svíþjóð. í tengslum við sýninguna kemur út bók Hákans Boström, Dagar á ís- landi. Sýningin verður opnuð á bókasafninu í Eskilstuna 8.-10. maí nk. þegar norrænir bókaverðir (upplýsingamála) koma saman í Eskilstuna. „Við höfum ákveðið að láta opnunina bíða eftir fundi bókavarðanna", segir mennta- .,.. málafulltrúinn Jan-Erik Rosenqvist hjá Menntunarsambandi Suðurmannalands (Södermanlands lans Bildningsförbund) sem stendur að sýningunni og gefur út bókina Islándska Dagar. I samráði við Björn Lind- wall bókavörð, sem er drifkraftur í norræn- um bókasafnamálum, þótti okkur það skipta máli að geta boðið upp á eitthvað alveg nýtt af okkar hálfu, þegar norrænu bókaverðirnir hittast hér." Opnunin er dálítill lystauki fyrir Eskilst- unabókasafnið sem mun hafa sýninguna opna allan nóvembermánuð. Önnur bókasöfn í Suðurmannalandi munu skiptast á næsta vet- ur. „Það hefur verið eftirspurn eftir sýning- ¦ unni, um leið og fréttist af henni," heldur Jan-Erik Rosenqvist áfram. „Hún verður á .tj.toókasafninu í Brunnsvik nokkrar vikur í október. Og þegar Alþýðusambandið (LO), , ..sem nú heldur upp á 100 ára afmælið, gengst fyrir menningarstefnu og bókmenntaþingi í Brunnsvik 16.-18. október verður sýningin þar." Til þingsins hefur Alþýðusambandið boðið rithöfundinum Hákan Boström og myndlist- armanninum Knut H. Larsen sem unnið hafa að sýningunni. Þeir gerðu ferð til íslands í ágúst-september á liðnu ári, hittu íslenska rithöfunda og viðuðu að sér efni. „Ég hef kosið að gera ellefu dúkristur með íslensku landslagi, myndir sem ekki lýsa ís- landi samtímans heldur upprunalegri ís- *' lenskri náttúru," segir Knut H. Larsen. Þetta er eins konar skapgerðarlandslag þar sem ég freista þess að túlka áhrifin sem ég varð fyrir af landinu, eitthvað sem flaug beina leið í hjartastað og situr þar." SYNING SEM BYGGIST ÁÍSLENSKUM SAMTÍMABÓKMENNTUM Farandsýninq sem byggist á íslenskum samtímabók- menntum er þessa dagana að hefjast í Eskilstuna í Svíþjóo. Takmark sýningarinnar er ao greiða f/rir ao íslenskar samtímabókmenntir nái til sænskra lesenda. Rithöfundurinn HÁKAN BOSTRÖM, sem ásamt mynd- listarmanninum Knut H. Larsen hefur skipulagt sýning- una í samvinnu við menningarstofnanir í Suðurmanna- landi og einnig skrifao bók um íslenska rithöfunda, ____________lýsir tilgangi sýningarinnar.___________ Sýningin byggist á landslagi og úr því sprettur síðan Island samtímans og fundirnir með rithöfundunum. Auk dúkristnanna eru á sýningarstöndunum ellefu^ skissur, litlar vatnslitamyndir málaðar á íslandi og mynd- skreytingar bókarinnar Dagar á íslandi. Auk myndefnisins eru birtir stuttir textar þriggja ljóðskálda og þriggja prósahöfunda. Brot úr skáldsögu eða Ijóð á íslensku og sænsku. Eitt ljóða Jóns úr Vör er líka á norsku. „Við viljum að sýningargestir fái dálitla innsýn í íslenskt mál og þess vegna birtum við Ijóð og prósa á frummáli og í þýðingu," segir Hákan Boström og bætir við að þýð- andinn Inge Knutsson hafi verið þeim hjálp- legur. „Síðast en ekki sfst teljum við það mikil- vægt að við höfum ljósmyndað kápur bóka ís- lensku rithöfundanna og sett myndirnar á standana, það auðveldar sýningargestum að minnast bókanna þegar þeir fara í bókabúð til að verða sér úti um þær," segir Knut H. Larsen. „Við vitum að þetta er ekki tæmandi kynn- ing þýddra bóka, en takmark okkar hefur ekki verið að ná til allra bókanna, sífellt bæt- ast nýjar bækur við. Það sníðir okkur vissu- lega líka stakk að þeir íslensku höfundar sem þýddir hafa verið á sænsku koma einir til greina," segir Jan-Erik Rosenqvist. Sýningin er liður í viðleitni Norrænu félag- anna og Menntunarsambands Suðurmanna- lands að halda námskeið í norrænum bók- menntum þar sem sænskar og norskar bók- menntir hafa áður verið á dagskrá og eftir ís- lensku kynninguna mun röðin koma að Dan- mörku. Þrettán isienskir rlthöfundar Bók Hákans Boströms, Dagar á íslandi, lýsir fundum við þrettán íslenska rithöfunda og er eins konar inngangur sýningarinnar. I persónulegu dagbókarformi lýsir Boström fundum sínum við þekkta íslenska rithöfunda sem þýddir hafa verið á sænsku, kynnir feril þeirra og veitir lesendum og námsmönnum upplýsingar sem eiga að hjálpa þeim á eigin vegum að nálgast bækur þeirra höfunda sem forvitnilegastir þykja. Eftirfarandi rithöfundar eru teknir tali í bókinni (í þessari röð: Jóhann Hjálmarsson, Jón úr Vör, Olafur Gunnarsson, Vigdís Grímsdóttir, Sjón, Þorsteinn frá Hamri, Kri- stján Jóhann Jónsson, Einar Kárason, Fríða Á. Sigurðardóttir, Einar Már Guðmundsson, Matthías Johannessen, Svava Jakobsdóttir og Thor Vilhjálmsson. Nú eiga sér stað viðræður milli Ros- enqvists og frammámanna norrænnar sam- vinnu um hvar megi finna sýningarstað í Stokkhólmi þar sem ætlunin er að sýningin verði haldin á menningarárinu 1998. Heillaðist af íslensku landslagi „Skiptum mínum við ísland er ekki enn lokið," segir Knut H. Larsen, sem nú málar og vinnur við grafík sem hann mun sýna í sumar í boði fyrrverandi heimabyggðar sinn- ar, Mosjoen í Noregi, en Larsen býr nú í Flen í Suðurmannalandi. „Þegar hringt var og ég beðinn um að halda sumarsýningu svaraði ég að þá yrði það Islandssýning. Gamlir vinir mínir í Mosjoen tóku þvi afar vel. Ég fer heim, eins og ég orða það, og sýni allt sumarið. Ég sýni olíumálverk og myndir sem ég hef unnið með blandaðri tækni og verkin verða með sterku íslensku svipmóti. Auðvitað tek ég bókina með og sel hana í Noregi. ísland hefur haft áhrif á þróun mynda minna og draumurinn er sá að komast aftur til íslands og sýna verk mín þar," segir Knut H. Larsen. Árangur norrænnar samvinnu er nú kom- inn í ljós, sýningin og bókin um þann hluta ís- lenskra bókmennta sem er aðgengilegur á sænsku, mun nú koma fyrir augu þeirra sem skipta við bókasöfn og þeirra sem sækja námskeið, í þeirri von að íslenskar samtíma- bókmenntir nái til sem flestra. 20 LESBÓK MORGUNBLAÐSINS ~ MENNING/LISTIR 9. MAÍ 1998

x

Lesbók Morgunblaðsins

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Lesbók Morgunblaðsins
https://timarit.is/publication/288

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.