Alþýðublaðið - 31.01.1987, Page 12

Laugardagur 31. janúar 1987
12
Mótmælir samruna
við Útvegsbankann
Alþýðublaðinu hefur borist
eftirfarandi ályktun og greinar-
gerð frá Starfsfólki Búnaðar-
bankans:
Fundur starfsmanna Búnaðar-
bankans haldinn 26. janúar 1987
lýsir harðri andstöðu sinni gegn
hugmyndum stjórnvalda um sam-
einingu Búnaðarbanka og Útvegs-
banka.
Fundurinn telur það mikla
skammsýni af stjórnvöldum að ætla
að leggja niður blómlegt og vel rek-
ið fyrirtæki og nota eigið fé þess til
að ieysa vanda fyrirtækis sem kom-
ið er í þrot.
Starfsfólk Búnaðarbankans óttast
að nýr banki, sem reistur væri á
grunni Búnaðarbanka og Útvegs-
banka, yrði veikari stofnun en Bún-
aðarbankinn er i dag. Meö því er
hagsmunum starfsfólks og við-
skiptamanna bankans stefnt í
hættu. Fundurinn leggur því
áherslu á að Búnaðarbankinn haldi
núverandi rekstrarformi svo að
hvorki komi til uppsagna starfsfólks
né að starfsöryggi þess sé ógnað á
annan hátt.
Þá bendir fundurinn á að í kjara-
samningum bankamanna eru skýr
ákvæði um að haft sé samráð við
starfsmannafélag og/eða S.Í.B. ef
um skipulagsbrey tingar banka sé að
ræða. Greina skal frá fyrirhuguðum
breytingum strax á byrjunarstigi.
Starfsfólk Búnaðarbankans skor-
ar á stjórnvöld að leita annarra leiða
til að mæta vanda Útvegsbankans.
Búnaðarbankinn hefur eflst stöð-
ugt og áunnið sér þann sess í þjóðfé-
laginu að vera talinn traustur banki.
Búnaðarbankinn hefur áunnið sér
traust viðskiptabanka sinna erlend-
is þann tíma sem hann hefur starfað
sem gjaldeyrisbanki. Slíkt traust
byggist að hluta til á þeirri stað-
reynd að Búnaðarbankinn hefur
ríkisábyrgð á bak við sig, en ekki
síður vegna stöðu bankans og starfs-
fólks hans. En nú skal refsa stjórn-
endum og starfsfólki bankans fyrir
vel unnin störf og skynsamlegan
rekstur með því að leggja hann nið-
ur.
I umræðunni um samruna Út-
vegsbanka, Iðnaðarbanka og Versl-
unarbanka kom fram að stjórnvöld
hugðust leggja fram 900 milljónir til
styrktar Útvegsbankanum. Reikna
má með svipuðu framlagi af ríkisins
hálfu ef um sameiningu Búnaðar-
banka og Útvegsbanka yrði að
ræða. Miðað við þær upplýsingar
sem hafa komið fram er full ástæða
til að ætla að slík upphæð nægi
hvergi. Athyglisvert er að skoða um-
mæli formanns bankaráðs Verslun-
arbankans eftir að athugun hafði
farið fram á hugsanlegri samein-
ingu þessara þriggja banka, en þar
segir orðrétt: „Hins vegar var það
mat okkar á útistandandi lánum
Útvegsbankans og öðrum veiga-
miklum atriðum þess eðlis að
útilokað var að leggja fjármuni
hluthafa bankans, hagsmuni við-
skiptamanna og starfsfólks, í
hættu með þátttöku í fyrirhug-
aðri bankasamsteypu.“
Það er umhugsunarvert að með
ráðagerðum stjórnvalda um sam-
runa Búnaðarbanka og Útvegs-
banka hika þau ekki við að „hætta
hagsmunum viðskiptamanna og
starfsfólks" Búnaðarbankans. Segja
má að þessi staða hefði ekki komið
upp, hefði Búnaðarbankinn ekki
verið jafn vel rekinn og raun ber
vitni. Það er harður kostur að vera
refsað fyrir það, sem vel er gert og
í raun eru umræddar hugmyndir
stjórnvalda vanhugsaðar.
í áliti bankamálanefndar frá 1973
segir: „Samruni bankastofnana
og einföldun fjármálakerfisins
er stefna sem framkvæma verð-
ur með fullri gát og á hæfilega
löngum tíma. í þessu efni verður
að eiga sér stað þróun fremur en
bylting, ef ekki eiga að koma upp
alvarleg vandræði og andstaða,
sem gera muni allar slíkar fyrir-
ætlanir að engu. Sannleikurinn
er sá, að hver stof nun á sér djúp-
ar rætur í þeim jarðvegi, sem
hún er sprottin úr. Þannig á hver
banki sinn hóp innistæðueig-
enda, lántakenda og starfsfólks,
sem er annt um hag sinnar stofn-
unar og vill að þeir séu ekki fyrir
borð bornir t slíkri endurskipu-
lagningu.“ Þessi ummæli eru enn í
fullu gildi.
Starfsfólk Búnaðarbankans hefur
að undanförnu orðið áþreifanlega
vart við ugg og ótta viðskiptamanna
bankans vegna umræðu um fyrir-
hugaðar aðgerðir stjórnvalda gagn-
vart Búnaðarbankanum. Eins og
fyrr segir er ekki sjálfgefið að nýr
banki njóti viðskipta allra þeirra
sem nú hafa viðskipti við Búnaðar-
bankann og þá er hollt að minnast
þess að sparifé fólks er hvorki eign
banka né ríkissjóðs.
Vandi Útvegsbankans er mikiil og
starfsfólk Búnaðarbankans hefur
mikla samúð með starfsmönnum
þar, en vandinn er miklu stærri en
svo að hægt sé að ætla einum banka
að leysa hann ásamt ríkissjóði.
Finna verður aðrar og betri ieiðir en
að steypa þessum tveim bönkum
saman með þeim hætti sem nú er til
umræðu.
Áfangahækkun iðgjalda til lífeyrissjóða SAL.
Samkvæmt kjarasamningi ASÍ og VSI frá 26. febrúar 1986 skulu iðgjöld til lífeyrissjóða
aukast í áföngum á næstu 3 árum, þar til 1. janúar 1990 að starfsmenn greiða 4% af
öllum launum til lífeyrissjóða og atvinnurekendur með sama hætti 6%. Til iðgjalda-
skyldra launa telst m.a. yfirvinna, ákvæðisvinna og bónus. Sérstakar reglur gilda þó
um iðgjaldagreiðslur sjómanna.
Umsamið hlutfall iðgjalda af öllum launum er sem hér segir:
Árin 1987 - 1989:
a) Starfsmenn: 4% iðgjald skal greiða af öllum tekjum starfsmanna á mánuði
hverjum, hverju nafni sem nefnast, þó skal ekki greiða
4% iðgjald af hærri fjárhæð, en sem svarar til iðgjalds
fyrir 1731/3 klst. miðað við tímakaup hlutaðeigandi starfs-
manns í dagvinnu, að viðbættu orlofi.
Atvinnurekendur: 6% iðgjald af sömu fjárhæð.
b) Ef launatekjur eru hærri, en sem nemur tekjum fyrir 1731/3 klst. að viðbættu orlofi,
sbr. a-lið, skal greiða til viðbótar sem hér segir:
Árið 1987
Starfsmenn: 1 % iðgjald af þeim hluta tekna, sem ekki var tekið iðgjald af,
samkvæmt a-lið.
Atvinnurekendur: 1.5% iðgjald af sömu fjárhæð.
c) Hinn 1. janúar 1988 aukast framangreindar greiðslur, samkvæmt b-lið þannig, að
starfsmenn greiða 2% og atvinnurekendur 3% og frá 1. janúar 1989 greiða starfs-
menn 3% og atvinnurekendur 4.5%.
Frá 1. janýar 1990 greiða starfsmenn 4% iðgjald af öllum launum og atvinnurek-
endur með sama hætti 6%.
Nauðsynlegt er að starfsmenn og atvinnurekendur geri sér grein fyrir þessum nýju
reglum um iðgjaldagreiðslur af öllum launum til lífeyrissjóða í áföngum. Munið að nýju
reglurnar tóku gildi 1. janúar s.l.l
SAMBAND ALMENNRA LÍFEYRISSJÓÐA
Samræmd lífeyrisheild
Lsj. ASB og BSFÍ •
Lsj. byggingamanna •
Lsj. Dagsbrúnar og Framsóknar •
Lsj. Féiags garöyrkjumanna •
Lsj. framreiðslumanna •
Lsj. málm- og skipasmiða •
Lsj. matreiðslumanna •
Lsj. rafiðnaðarmanna •
Lsj. Sóknar
Lsj. verksmiðjufólks •
Lsj. Vesturlands •
Lsj. Bolungarvíkur •
Lsj. Vestfirðinga •
Lsj. verkamanna, Hvammstanga •
Lsj. stéttarfélaga í Skagafirði •
Lsj. Iðju á Akureyri •
Lsj. Sameining, Akureyri •
Lsj. trésmiða á Akureyri
Lsj. Björg, Húsavík
Lsj. Austurlands
Lsj. Vestmanneyinga
Lsj. Rangæinga
Lsj. verkalýðsfélaga á Suðurlandi
Lsj. verkalýðsfélaga á Suðurnesjum
Lsj. verkafólks í Grindavík
Lsj. Hlífar og Framtíðarinnar