Alþýðublaðið - 09.06.1990, Blaðsíða 20

20
GÓÐA HELGI
Laugardagur 9. júní 1990
San Fransisco
baUettinn
Helgi Tómasson ballettmeistari og stjórn-
andi’San Fransisco ballettsins er kominn
til íslands með úrval af sínu fólki. Um helg-
ina eru þrjár sýningar í Borgarleikhúsinu,
kl. 20.30 í kvöld og annað kvöld, og kl. 15
á morgun. Fleiri sýningar eru fyrir þá sem
ekki komast um helgina á þriðjudags, mið-
vikudags og fimmtudagskvöld.
Ísiensk höggmyndalist
Á Kjarvalsstöðum stendur yfir yfirlitssýn-
ing allra helstu myndhöggvara okkar, sýn-
ing sem vert er að skoða. Verk eftir Einar
Jónsson, Ásmund Sveinsson, Sigurjón Ól-
afsson, Gunnfríði Jónsdóttur, Guðmund
frá Miðdal, Ríkharð Jónsson, Magnús Á.
Árnason, Nínu Sæmundsson og Martein
Guðmundsson. Sýningin er framlag Kjar-
valsstaða til Listahátíðar.
Menningarsamtök
Sunnlendinga
í dag kl. 14 verða stofnuð Menningarsam-
tök Sunnlendinga í Skálholti. Hefst stofn-
unin með menningardagskrá sem er í einu
og öllu í höndum þeirra sunnanmanna.
Þórður Tómasson flytur ávarp, Árnesinga-
kórinn og Skólakór Hveragerðis syngja.
Helga Ingólfsdóttir og Elín Guðmunds-
dóttir leika á sembala og Eyvindur Er-
lendsson flytur Ijóð. Skálholtsbiskup, Jón-
as Gíslason, flytur ávarp. Málverkasýning
Gunnars Arnar Gunnarssonar verður enn-
fremur opnuð. Stofnfundurinn sjálfur
hefst kl. 16.30.
Tove Óiafsson i Gallerí
Borg
Framlag Gallerís Borgar til Listahátíðar að
þessu sinni er sýning á verkum Tove Ólafs-
son. Verkin eru ný og nýleg og eru til sölu.
Hér er um mikinn viðburð að ræða, Tove
þekkja íslendingar frá fyrri tíð þegar hún
bjó hér á landi. Síðan 1953 hefur hún búið
í Danmörku og er gott nafn í danskri
myndlist.
Rikey i Akoges
í gær opnaði myndlistarkonan Ríkey sýn-
ingu á postulínslágmyndum og skúlptúr-
um í Akoges í Vestmannaeyjum. Ríkey út-
skrifaðist úr myndhöggvaradeild Mynd-
lista- og handíðaskóla Islands fyrir 7 árum
og hefur sýnt áður, bæði heima og erlend-
is.
Dieter Magnus
Arkitektafélagið leggur sitt af mörkum til
Listahátíðar. I dag kl. 16 opnar í Vörðuskóla
sýning á umhverfislist V-Þjóðverjans Diet-
er Magnus. Hann hefur sinnt mikið ýmsri
borgarbót og viðreisn á umhverfinu, m.a.
gömlum borgarhlutum, og er mikill bar-
áttujaxl á þessu sviði. Opið 14—18 um
helgina, 15—19 virka daga. Magnús held-
ur fyrirlestur í Norræna húsinu á mánu-
daginn kl. 17.
Jón Ingi sýnir i Eden
Allir eiga leið um Hveragerði og þá í Eden.
Þar stendur nú sýning á málverkum Jóns
Inga Sigurmundssonar. Á sýningunni eru
49 pastel, vatnslita- og olíumyndir málar-
ans. Er þetta fimmta einkasýning Jóns
Inga, en auk þess hefur hann tekið þátt í
samsýningum Myndlistarfélags Árnes-
sýslu. Sýninguni lýkur 25.júní.
Leir og blóm
Leirlistarfélagið er með sýningu með ofan-
skráðu nafni í Epalhúsinu í Faxafeni 7, og
hefur fengið í lið með sér verslunina
Blómalist. Á sýningunni eru kynnt listform
í leir og fjölbreytt notkun leirs ásamt blóm-
um. Fjórtán félagar í Leirlistarfélaginu taka
þátt í yfir sýningunni, sem er opin frá
14—18 en annars á verslunartímum.
Af englum og Keltum
I Bogasal Þjóðminjasafnins stendur sýn-
ingin Af englum og Keltum. Sýndir eru
enskir og keltneskir munir í eigu safnsins,
þeir elstu frá 8—10. öld. Meðal sýningar-
gripa eru enskar altaristöflur úr alabastri
frá 15. öld, miklar gersemar.
Og vel á minnst, Þjóðminjasafnið er æv-
inlega skemmtilegt að heimsækja. Er ekki
orðið langt síðan þú skoðaðir það síðast?
Safnið er opið alla daga 11—16, lokað
mánudaga.
Japanskur
fiðlusnillingur
Yuzuko Horigome, japanskur fiðluvirtúós
leikur ásamt Wolfgang Manz, píanó, í ís-
lensku óperunni kl. 17 í dag. Þau leika verk
eftir Beethoven, Bach, Webern og Franck.
Mótettukórínn i
Langholtskirkju
Kl. 17 á morgun fara fram tónleikar Mót-
ettukórsins í Langholtskirkju. Stjórnandi er
Hörður Áskelsson. Flutt verða verk eftir
Bach, fimm mótettur.
Lúðrasveit
Hafnarfjarðar 40 ára
Lúðrasveit Hafnarfjarðar varð 50 ára í byrj-
un ársins. í tilefni af afmælisárinu heldur
hljómsveitin stutta síðdegistónleika í
Hafnarborg kl. 15 í dag. Stjórnandi að
þessu sinni verður Hans Ploder, stjórnandi
sveitarinnar um aldarfjórðungs skeið. Að
sjálfsögðu eru allir velkomnir á tónleikana
— aðgangur er ókeypis.
Kirkjan i Þorlákshöfn
opin
Þeir sem eru á ferðinni á Suðurlandi munu
eflaust koma við í Þorlákshöfn. Þar býðst
ferðafólki kostur á að skoða kirkju staðar-
ins um helgar. Greinilega hefur fólk kunn-
að að meta þetta undanfarin sumur, 1700
gestir komu í fyrrasumarog skoðuðu kirkj-
una. Opið er um helgar frá 15—19.
Margt spennandi hjá
Útivist
Ferðatilboðin hjá Útivist aukast nú mjög
með hækkandi sól. Farið var til Vest-
mannaeyja í gær, og á sunnudag heldur
Þórsmerkurgangan áfram. Gangan er
komin að Þjórsá og hefst ferðin á sunnu-
dag kl. 10.30. Ferjað verður yfir Þjórsá frá
ferjunesi yfir í Sandhólaferju. Þaðan geng-
ið að Ytri Rangá, fjölbreytt og skemmtileg
leið. Vanir leiðsögumenn. Útvist fer líka á
slóðir Oddverja með Helga Þorlákssyni,
mest rútuferð, minna um göngu, en fylgst
verður með þegar göngumenn í Þórs-
merkurgöngu verða ferjaðir yfir Þjórsá.
Ennfremur er boðið upp á gönguferð í
Innstadal-Sleggjubeinsskarð. Kl. 13.30 er
hjólreiðaferð um Bláfjallahring, erfið 24 km
hjólreiðaferð. Brottför frá Árbæjarsafni,
rútá frá BSÍ í safnið kl. 13.
Sjúkraþjálfun
Félag ísl. sjúkraþjálfara opnar sýningu í
dag kl. 14 í anddyri K-deildar Landsspítal-
ans. Mikið af ýmsurh tækjabúnaði sem
notaður er í sjúkraþjálfun í dag og sýnis-
horn frá eldri tímum. Kynning á faginu í
máli og myndum. í dag verður gestum
boðið að reyna ýmsan tækjabúnað, láta
þrekprófa sig og þar verða gefnar leiðbein-
ingar um vöövateygjur og fleira. Sýningin
stendur í einn mánuð.
Rútudagurínn 1990
Fjórði rútudagurinn hefst kl. 10 í dag með
opnun samgönguráðherra. Stendur kynn-
ing BSÍ og Félags sérleyfishafa, sem
standa fyrir deginum, til kl. 18. Við Um-
ferðarmiðstöðina verður ýmislegt að
skoða fyrir bílaáhugamenn, rútubílar af
ýmsum gerðum, þeir litlu og gömlu og svo
þessir nýju og glæsilegu. Boðið er upp á
ýmis skemmtiatriði, þarna verður meðal
annars Brúðubíllinn vinsæli, lúðrasveit og
harmonikkuleikur. Innandyra er kynning á
íslenskri ferðaþjónustu og varningi til
ferðalaga. Ókeypis skoðunarferðir um
borgina á vegum Útivistar og Ferðafélags
íslands.
Póst- og símaminjasafn
Suður í Hafnarfirði er skemmtilegt safn
Pósts og síma, ýmsar gamlar minjar sem
snúa að því embætti. Safnið er til húsa að
Austurgötu 11 og er opið á sunnudögum
og þriðjudögum kl. 15—18. Ekki sakar að
aðgangur er ókeypis. Myndin sem hér
fylgir er af gullinni kórónu, hluta af gamla
landssímamerkinu.
Vid sendum öllum
sjómönnum hugheilar kveðjur og
árnaðaróskir á sjómannadaginn
Qrindavíkurbær Haförninn hf. Grindavík Verkakvennafélagið Sauðárkróki
Sjómannafélag ísfiröinga Sjávarútvegsráöuneytið Qluggasmiðjan
Siglingamálastofnun Korpus hf. Ármúla 22